लिउ ५
1
खो तिवा ग्या्छोकि फार्केन्ला गदरिनि तिविकि साखुङ्ला लेसुङ्।
2
येु टु नेवा पापिन् किसिन्, मेचेङि थु श्युबु मिचिक् तुर्सा नेसुर् खोकि चाला लेसुङ।
3
ति मि ति तुर्सा नेवा देक्यिनक्। सिकिसाङ तिला किर् माथुनक्; तिला च्याताककि साङ् टानि ज्यक माथुप्नक्।
4
तिला ल्याम्ग्याराङ् च्याताककि तानि तेमे गुक्सिङ् ग्याम्नि ज्याङ्नि नक्। तिकि च्याताक तिवा च्येकिनक्, तेमे गुक्सिङ् तिवा च्याङ्नि तेर्किनक्।
5
नाम्लाङ् ङिन् तेमे नुक् तुर्सा नेवा तेमे सुर नेवा ति च्यर ग्यागिनक् तेमे दो तिवि राङ्ला राङ् च्येनि मा देन्गिनक्।
6
तिकि येसुला थारे नेवाराङ् थोङ्सुङ्, ति छ्यानि खोकि चाला गाल्सुङ्, लोङ्राङ् खोकि दाङ्ला श्याबा श्युसुङ्।
7
तिकि वोरु गेर्पुला च्यरे ग्याम्नि सिक्यासुङ्," येसु , तेरिक् सिना कन्ज्यककि पुज्युङ् ङेति खोतानि काङ् लाका? ङा कन्ज्यककि मिन्ला गङ्बा श्युबु हिन् ङाला दुक्पा मातेर्।"
8
चिला सिसिन् येसुकि तिला सिक्यानि नक्" ख्योङ् मेचेङि ति मि तेवा फिला थेनि श्यक्।"
9
खोकि तिला टिनि ल्हासुङ्,"ख्यरे मिन् काङ् हिन्?" तिकि खोला सिक्यासुङ्," ङे मिन् बाङि हिन्, चिला सिसिन् ङेराङ् बाङि वे।"
10
तिकि खोला दि दासा नेवा मातोङ् सिनि ल्येम्ग्याराङ् गङ्बा श्युसुङ्।
11
ति ग्याक्ला फाक्पा तिवा बाङि सुर्ला चोइ किनक्,
12
लोङ्राङ् तिविकि दुक सिइदाङ् गङ्बा श्युसुङ्, "ङेराङ्ला ति फाक्पा तिवि नाङ्ला तोङ्ः, ङेराङ्ला तिवि नाङ्ला श्युक चित्।"
13
खोकि तिवाला श्युक चिसुङ्। थु मेचेङि तिवा थेनि तेमे फाक्पा तिवि नाङ्ला श्युसुङ् फाक्पा तिवा तिजराङ् तङ्डा ङि टागि खानेवा ग्याम्छो नाङ्ला दाम्नि श्यिसुङ्।
14
लोङ्राङ् फाक्पा तिवा चो देतुप् मि तिवा छ्यानि गाल्सुङ्, तेमे तिविकि ति ग्याक्ला च्युङ्गुप् ताम्ङेन तिवा ग्यासा ताङ् युनेवा सिक्यासुङ्। लोङ्राङ् काङ गालुप् नक्पे सिनि ल्हाप्ला मि तिवा बाङि गाल्सुङ्।
15
ति तुज्येला तिवा येसु चाला लेसुङ् तिविकि ह्रेन्डि रेकुप् मि- सुताङ् क्यानि ह्रेन्डि तिवा बाङि नक्-तिला माज्या कोनि रिक्पा लेमु गाल्नि देतुप् थोङ्नि तिवा ज्यिवा क्यासुङ्।
16
ह्रेन्डि रेकुप् मिला काङ् गालुप् हिन् सिनि थोङ्गुप् तिवि तिला तेमे फाक्पा तिवि ताम्ङेन्ला च्युङ्गुप् ताम्ङेन् मि तिवाला सिक्यासुङ्।
17
लोङ्राङ् तिविकि येसुला तिविकि साखूङ् ताङ्नि ति ग्याङ्मा ड्वप्ला गङ्बा श्युसुङ्।
18
ति तुज्येला टुला जेकिन् किनक् ति ह्रेन्डि रेकुप् मि कि तिसाङ् खो तानि ड्वप्ला खोला गङ्बा श्युसुङ्।
19
येसुकि तिला राङ् तानि टिनि ड्वप्ला माङेन्, हिन्सिनाङ् खोकि सिक्यासुङ्, "ख्यरे खाङ्बा तेमे मिरिक् ते ग्युक्, तेमे चावाकि ख्योरुङ्ला सिनि काङ् क्यासुङ् तेमे चुकै ङिङ्ज्ये क्यसुङ् ति ताम तिवाला सि।"
20
तुक किसा ति मि गाल्सुङ् डेकापोलिसला येसुकि तिला क्याबु गेर्पु ताम तिवा सिरु ज्युसुङ्, लोङ्राङ् तिवा तेरिक् याम्छेन् क्यासुङ्।
21
येसु लोङ्राङ् टु खाला ज्येनि फार्केन् लला ख्योल्सुङ् तेमे खो ग्याम्छोकि नामुला वसिन् खोकि फार् छुर् मि तिवा ति ग्याक्ला बाङि गाल्सुङ्।
22
जोम्खाङ्कि याइरस मिन क्याबु गमा कितुप् चिक् ति ग्याक्ला लेसुङ् येसुला थोङ्नि तिकि खोला श्याबा क्यासुङ्।
23
तिकि दुक सिइदाङ् लेम्ग्याराङ् खोला गङ्बा श्युसुङ्, "ङे पुम टिक्पे ति श्येप्कि खाला ख्योल्नि वे ङा ख्योङ्ला गङ्बा श्युक्युइ लेम्नि तिकि खाला लाक्पा ज्याङ्नि नाङ् तेमे ति ल्यामु च्युङ्सित् तेमे थार्सित्।"
24
तुक किसा येसु तितानि गाल्सुङ्। मि बाङिकि खोला तिङ् ङ्यासुङ्, लोङ्राङ् तिविकि खोकि फाजेक छुजेक् नेवा पुल्टि पुल्टि क्यासुङ्।
25
ति ग्याक्ला लो च्युप्ङिने ज्युनि ठाक थेनि ड्वप् आमोछो वतुप् पुम पेजाचिक् नक्।
26
तिकि मेन्पा तिवि तेवा गाल्नि लेम्ग्या राङ् दुक्पा खुरुप् जिक् नक् तेमे राङि तेरिक गिज्या तिवा मेन् मेज्यु कितुप्ला राङ् सिन्दा क्यानक्। हिन्सिनाङ् नेर्पा लेमु ड्वप् सिना तिसा मेलेवा गाल्नक्।
27
हिन्सिनाङ् तिकि येसुकि कला ङेन्दुप् नक् तुक किसा खो मि बाङि नाङ्ला डोइ वसिन् ति खोकि तिङ्ला वनक्, लोङ्राङ् खोकि यालुक् रेक्सुङ्।
28
चिला सिसिन् तिकि सिक्यासुङ् दिजो ङेकि खोकि यालु रेक्सिन् क्याजिक् साङ् ङा ल्यामु डिउइ।"
29
ति तुज्येला तिकि खोला रेक्सुङ् ठाक् थेनि ड्वप् ताङ्सुङ् लोङ्राङ् तिकि दुक्पि तेवाराङ् लेमु गालुप् सेम ङेसुङ्।
30
येसुकि राङि तेवा ङार थेनि गालुप् श्यारि छ्या ङेसुङ् लोङ्राङ् खो मि बाङि तेवा ग्युर्नि सिक्यासुङ्,"सिकि ङे यालुक रेक्सुङ्?"
31
खोकि टावा तिवि खोला सिक्यासुङ्,"ख्यरेकि चानेबा पुला पुल कितुप् मि बाङि ला थोङुइ, लोङ्राङ् ख्योङ् सिउइ 'ङाला सिकि रेक्सुङ्'?"
32
हिन्सिनाङ् येसुकि दि सिक्यासुङ् छ्या ङेतुप्ला फार्ला छुर्ला ल्हासुङ्।
33
ति पुम पेजिकि राङ्ला का क्यानि वे सिरुप् ताम्ङेन् छ्या ङेसुङ, तेमे तुक किसा ति जिवि रुकिन्दाङ् लेसुङ्, ति खोकि दङ्ला श्याबा श्युसुङ् तेमे तेरिक् टेङ्बु ताम्ङेन् खोला सिक्यासुङ्।
34
खोकि तिला सिक्यासुङ्, "पुमा, ख्यरे मोवाकि ख्योङ्ला लेमु जोनि वे। दिमु क्यानि ग्युक् तेमे ख्यरे नेर्पा नेवा लेमु च्युङ्सित्।"
35
खो ताम किइ किसिन् जोम्खाङ्कि गमा कितुप् तिवि खाङ्बा नेवा लालि मि तिवा दुक सिइ दाङ् लेसुङ्, "ख्यरे पुम श्यिसुङ्। ता ति लोबेन्ला चिला दुक्पा तेरुप्जा?"
36
हिन्सिनाङ् ति तुज्येला येसुकि तिविकि सिक्याबु ताम ङेन्सुङ् खोकि जोम्खाङ्कि गमा कितुप् तिला सिक्यासुङ्, "जिवा माकि मोवा क्याजिक कि ।"
37
खोकि पत्रुस, याकुब लोङ्राङ् याकुबकि नुक युहन्नाकि सिराङ् ज्येन्ला सुलासाङ् खोताङ् ड्वप् माङे।
38
खोइ टेङ् जोम्खाङ्कि गमा कितुप् तिकि खाङ्बा लेसुङ्, लोङ्राङ् खोकि च्याराङ् च्येरेङ् तेमे ङुइ दाङ् देतुप् तेमे वोरु गेर्पुकि दुङ्ङाल क्यानि देतुप् थोङ्सुङ्।
39
ति तुज्येला खो खाङ्बि नाङ्ला श्युसुङ्, खोकि तिवाला सिक्यासुङ्, "खिराङ् चिला दुक्पा सेम कि तेमे ङिउइ? पुम टिक्पे माशिवा वे, हिन्सिनाङ् ङि लङ्नि वे।"
40
खोकि ताम्ङेन्ला तिवा गटे क्यासुङ्, हिन्सिनाङ् खोकि तिवा तेरिक्ला फिला तेन्सुङ्, लोङ्राङ् पुमा टिक्पेकि पापा तेमे मामा तेमे खोतानि लेबु तिवाला टिनि ति पुम टिक्पे वतुप्ला लेसुङ्।
41
खोकि पुमा टिक्पेकि लाक्पा जिम्नि तिला सिक्यासुङ्, "लालिता कुमि," तुक सिक्याबु ति हिन, "पुमा टिक्पे ङा ख्योङ्ला सिउइ, ल ।"
42
श्यारि पुम टिक्पे ख्वक् लानि युगु श्युसुङ्। ति लो च्युप् ङि ति नक्। लोङ्राङ् तिवा लेम्ग्या राङ् याम्छेन् क्यासुङ्।
43
खोकि ति ताम् ति सुलाङ् छ्या मेङेसित् सिनि का गेर्पु बिन्सुङ् तेमे ति पुमा टिक्पेला साप सामा तिवा बिन् सिनि सिक्यासुङ्।