लिउ १५
1
तपलाराङ् छ्योने गेर्पु तिबा, छ्योकी लबेन तिबा, छ्योलाखामु (शास्त्री) तिबा ताङ तेरीक यहुदी तिबी डिकजोम क्यानी टो क्यासुङ्। तेमे तिबिकी येशूला बिन्सुङ्।
2
पिलातसकी खोला टिसुङ्, “ख्योरुङ खाङ् यहुदी तीबी ग्याल्बु हिन्?” खोकी तिला ताम लक्सुङ् “ख्योरुङराङ् दुकू सिनक।’’
3
छ्या छेम्बुतिकी येशूला आला तम तिबीकी केन् कुसुङ्।
4
पिलातसकी याङलोङ येशूला टिसुङ्, “ख्योङ चिला खाङमासाबा देकी? ल्होसा, ख्यरेकला तिबिकी चोमाङ् केन कुनीते ह्ये?”
5
हिन्सिराङ् येशूकी पिलातसला खाङ् मासा, तेमे बिलातसती ला याम्छेन लासुङ्।
6
ता तुछेनकी तुला मितिबिकी गोङबा स्युबु की किसाला मेरा ज्यिकला ताङनोङङू नक।
7
थामु ग्याकुपकी तुज्येला थामु कीरुप तिबा तानी मिसेहुम् त्ये चोनखाङ ला बारब्बा मिन क्याक मिज्यिक नक।
8
ति मितिबा पिलातास चाला लेसुङ् तेमे तिकी तङला क्याबु दगेराङ् तिबाला सिनिते क्यानीते नाङ् सिनिते गोङबा स्युसुङ्।
9
पिलातसकी तुक्यानीते तिबाला टिसुङ, “खाङ ङेकी खिराङला सिनेते यहुदीकी ग्याल्बुला ताङनी खिराङ् सेमकीउ।
10
चिला सिसिन् मिजेस क्यानीराङ छ्यो छेम्बु तिकी येशूला तिकि लाक्तुला बिदुप हिन सिनिते छयाहये।
11
हिन्सीराङ् मितिला येशूला सिना तारवाल राङ् ताङतोङ सिनिते सिरुपला गमा क्यासुङ।
12
पिलातसकी तिबाला थाङलोङ टिसुङ् तुक हिन्सीन यहुदीकी ग्याल्बुला ङा खाङ् किरुपजा?”
13
तिबा याङलोङ् कारी तेन्सुङ्, तिला ग्याङसीला गेल्गोक्यु।”
14
पिलातसकी तिबाला सिक्यासुङ् “दिकी खाङ मेलेबा यक क्याबु ह्ये? याङलोङ तिबा होरुबा तेनिते सिक्यासुङ, दिला ग्याङसीङला कोला।’’
15
पिलातस तिकी ति मि तिबाला सेमकिर्मी जब सिक्यासुङ। तिकि किसाला तिकी तिबाला सिनिते तारबा तिला ति ताङसुङ्। तिकि येशूला कोरी ग्याम्निते ग्याङसीङला गेलुपला ताङसुङ।
16
माक तिबिकी येशूला मिय्थे तिकि खाङबी चाला टिनि गाल्सुङ् तेमे माग्मि तिबा तेरिकला जोम्चीसुङ्।
17
तिबिकि येशूला माङयक(रङ) माज्या कानिबिन्सुङ्, तेमे तिबिकी चाङ,तिबा रुनिते उस्याजिक जोनिते कोन्सुङ्।
18
तिबिकी यहुदी तिबि ग्याल्बुला स्याबा” सिदाङ् खोला स्याबा क्यास्सुङ्।
19
तिबिकी टेमुङ् चुनिते खोला स्याबा क्यासुङ्।
20
खोला माच्योक क्यानिते सिन्सीमा तिबिकी खोला कोन्बी दुप माङयकपा मात्यानी पिनिते खोकी दाक्पी माज्यातिराङ् कोनि बिन्सुङ्। तेमे तिबिकी खोला ग्याङसीङला क्योङङला त्येसुर टिनिते काल्सुङ्।
21
लाम्ला अलेक्जोन्डर ताङ् मफसकी हाबा, कुनेनीकी सिमोन युलनेसुर हुङङीनताङ् नक,तेमे तिबिकी तिला येशूकी ग्याङसीङ् खूर्चीसुङ्।
22
माग्मि तिबिकी येशूला गलगथा सिरुप दासाला च्सिङ, ति साबुती टालाकी दासाहिन्।
23
तिबिकी खोला मूरे रेबुब गुडूम थङचीसुङ्, हिन्सिराङ् खोकी ति माथु।
24
तिबिकी खोला ग्याङसीङला काल्सुङ् तेमे तेरिक मग्मि तिबिकी खोकी माज्याला बोग्याम्नीले लासुङ्।
25
तिबिकी खोला ग्याङसीङला कोलुप तुज्येला टपकी बु बजेक्याबुनक।
26
तिबिकी खोकी कला दिन (दोश पत्र) टिसुङ, “यहुदियाकी ग्याल्बु।
27
तिबिकी खो तानि मेरा ङी कून्ज्येन तिबाला ग्याङसीङला क्याङसुङ, च्यिक्ला खोकी याबी छयला ताङ ज्येमला खोकी यान्ति छयला।
28
(खो दिक्पा किरुप तिबा तानि ङोसुङ्।” सिनिते ठिमकी सिक्याबु ताम दुक्यानिते ख्योल्सुङ्।)
29
त्यासुर डप तिबिकी दाक्पी गोतिबा तिबा युकिन्ताङ् खोला मेलेबा क्यासुङ्। “आहा ! ख्यारुङ् ल्हाखाङ् राम्नीते ङिमा सुम्ला जप।
30
दाक्पुला सेन्बुलोङ् तेमे ग्याङसीङ् नेसुर पाम्नीते स्यक।’’
31
दुङराङ् क्यानीते छ्येने गेर्पु तिबिकी छ्योला खामुतिबा तानी डिङनीते तुक सिदाङ् बोला मच्यार्क क्यासुङ् “तिकि ज्येन्लाया थाबी बिन्सुङ् हिन्सीराङ् दाक्पुलाती तेर मूथुबु।
32
इझ्रायेल कि ग्यालबु ख्रिष्ट ग्याङ्सिङ्नेसुर् पाम्निते हक्ला हुङ्सित् तेमे थोङनीते ङिरेसाङ् मोबा किथुसीत।” तेमे खो तानि ग्याङ्सीङला कालुप तिबि साङ् खोला माच्याक क्यासुङ्।
33
ङिर्मु ङिम्फे नेसुर ङीर्मी तीन बजे साक तेरीक लुङबातीङ् नाकतिङङी गाल्सुङ्।
34
ङिर्मु बजे सुम नेबा येशू दुक्सीदाङ् होरु तेनसुङ् “एलोई, एलोई लोङ्, लामा खबकथनी?” तिसाबुति “ङे कन्ज्यक् कि कन्ज्यक् ख्यरेकि ङाला चिला ताङ्ङु हये|?”
35
ति सि ति टाङ्ङि तालानि हतुप् लाला तिबिकि कोनिते सिक्यासुङ्, “ल्होसा तिकि एलियाला कातोङ्ङिन् हये”
36
मेराज्यिक् छ्यनिते गालसुङ्, तेमे स्पन्ज क्युर्बु हुङ्ङुप् नाङ्ला लुङ्निते निगालोला टानिते खोला दुक्सिदाङ् थुङ् चिसुङ्, “दिला साला बेपुला एलिया हुङ्ङिबेना सिनिते ङिराङ् ल्हेउ।”
37
तेसुर येशूकि हिरु बोबु ज्यिक् तेन्सुङ् तेमे स्यिसुङ्।
38
तेमे ल्हाखाङ् कि पर्दा ति गोनेसुर् स्याप्साक् फेका ङो गाल्निते राल्सुङ्।
39
येशूकि दुक् क्यानिते दाक्पिकि ऊ ताङ्ङु थोङ्निते खोकि दङ्ला टाङ्ङि लानिते हतुप् माग्मि तिकि सिक्यासुङ्, "दि हुतुङ्राङ् कन्ज्यक् कि पुज्युङ् हिन्नक्।
40
त्ये थारे नेसुर् ल्हाप् पुमातिबाङ् नक्, तिबि नाङ्ला मरियम मग्दलिनि, टिक्पेति याकुप ताङ् योसेफकि हामा मारियम ताङ् सोलमि नक,
41
खो गालोलला हतुप् तुजेला तिबिकि खोला तिङ् ङ्यानिते खोला रअ क्याबु नक्।
42
ति ङिमा ति ङासाप् ङोमा सिना तङ्ङि ङिमा ति नक्। तेमे गमु डप् छालुप् नक्।
43
अरिमाथीयाकि योसेप त्ये हसुङ्। ति दि जोम्डिक्कि तेरिक् सिना लेमु मि नक्। तिदि कन्ज्यक् कि ग्याल्काप्कि लाम् ल्हि किरुप् नक्। तिदि ङिङ् बोबु जोनिते पिलातसकि चाला गाल्निते यशूकि रो ति लाङ्सुङ्।
44
येशूति तङ्लाराङ् स्यिनिते सिन् सिनिते कोसिमा तिला याम्छेन् लासुङ्। तिकि माग्मि तिला काताङ्निते येशू सिबु हये ना मेत् सिनिते टिसुङ्।
45
तिकि येशू स्निङ् सिदुप् हये सिनिते माग्मि छ्येति नेसुर छ्याङेसिमा, तिकि येशूकि रो ति येसेफला खुन्निते डप् बिन्सुङ्।
46
योसेफ कि माज्या ज्यापुज्यिक् ङ्योबुनक्। तिकि खोला ग्याङ्सिङ् नेसुर हक्ला पाप्सुङ्, तेमे खोला माज्या ज्यापु थनि तुङ्सुङ्, तेमे दोला पुङ्निते जोबु तुर्सिनाङ्ला खुन्निते ज्याक्सुङ्। तेमे तिकि तुर्सिखाला दो बोबुज्यिक् रिल्निते ज्याक्सुङ्।
47
मरियम मग्दलिनि ताङ् योसेफकि हामा मरियम तिकि येसुङ् ज्याक्सा दासाति थोङ्निते नक्।