लिउ १६
1
ङासप् ङोमा सिन्सिमा मरियम मग्दलिनि ताङ् याकुपकि हामा मरियम ताङ् मलोमि कि स्यिबु टेमाखाप् मसाला येशूकि रोला दोरुला ङ्योसुङ्।
2
दिन्बाकि दङ्ङि ङिमाला टप्लाराङ् ङिमा थेन्सिमा तुर्साला गाल्सुङ्।
3
तोबा खप्राङ् ताम् किताङ् नक्, तर्साकि खाला हतुप् दोति सिकि थेनि तेर्कि ओरुङ्ला?”
4
चिला सिसिन् दि दोति आला बोबु हये तेमे तिबिकि क्याला ल्हासिन् ति दिति थेन्सिदुप् थोङ्सुङ्।
5
तिबा तुर्सिनाङ्ला स्युक्सिन् याबि छ्यला माज्या कार्मु कोदुप् ज्येदाज्यिक् टाङ्ङि लानिते देतुप् थोङ्सुङ् तेमे तिबाला याम्छेन् लासुङ्।
6
तिकि तिबाला सिक्यासुङ्, “जिबा माक्यि खिरेकि ग्याङ्सिङ्ला कालुप् नासरत्कि येशूला छोलिन् हये। खो सेन्बु लाबु हये, खो त्ये मेत्। खोला ज्याक्सा दासा ल्होसा।
7
ग्युक् तेमे गाल्निते खोकि टावा तिबा ताङ् पत्रुसला सिसा, खो खिराङ्सिना तङ्ला गालिल् ला डोइ हये। खोकि साबु दगेराङ् खिरेकि खोला थोङ्ङु।“
8
तिबा र्हुकिन्ताङ् याम्छेन् लानिते त्येसुर फिला थेन्सुङ् तेमे तुर्सा नेसुर् टोसुङ्। तिबिकि सुलाङ् खाङ् मासा चिलासिसिन् तिबाला जिबा लानिते हये।
9
दिन्डाकि ङिमा थाल्माला टप्लाराङ्, खो सेन्बु लासिमा मरियम मग्दलिनि तिकि चाला थोङ्सुङ्, तुकि नाङ्नेसुर डुमा दिन्चक डा तिबा तेदुप् हिन्।
10
ति दि गाल्सुङ् तेमे खोला तिङ्ङ्यगुप् तेरिक्ला सिक्यासुङ्। ति तुज्येला तिबा दिङ्ङाल किताङ् ङिइताङ् नक्।
11
तिबिकि येशू सेन्बुराङ् हये तेमे तिकि खोला थोङ्सुङ् सिरुप् तामदि कोसुङ्, हिन्सीराङ् तिबिकि मोवा माक्या।
12
दि ताम् तिबि तिङ्ला येशू ज्येन मेरा ङि टावा तिवालानि युला डप्लाम्मा डोरकिसिन् तिवि चाला राङ्सारङ् रुप्ला थोङ्सुङ्।
13
तिवा गाल्निते ज्येन् टावातिला लाप्सुङ् हिन्सिराङ् तिबिकि मोवा माक्या।
14
तिङ्ला येशू मेरा च्युच्यिक् कि दाला तिबा सामा साप्ला देति हतुप् तुज्येला थोङ्सुङ्, तेमे खोकि तिबाला तिबि मोवा माक्याबु सेम् क्योङ्बु क्यावु थोङ्निते तिबाला होरुक्यासुङ्, चिला सिसिन् खो सिवा नेसुर सेन्वुलासिमा थोङ्ङुप् मि तिबि ताम्ला तिबिकि रेवा माक्या।
15
खोकि तिबाला सिक्यासुङ्, तेरिक् जाम्बुलिङ्ला ग्युक् तेमे तेरिक् जाम्वुलिङ्ला लेन् ल्यामु लोप्।
16
मोवा किरुप्ताङ् बप्तिस्मा लिङ्ङुप तिकि थार्वा ङेकित, मोवा मिकिबितिबाला ति केन् फकिद।
17
मोबा किरुप् तिबा तानि दि ता तिबा गित, तिबिकि ङे मिन्ला डे तिबा स्योर्कित। तिबिकि ताम साबा तिबा कित।
18
तिबिकि दाक्पि लाक्पा थनि रुलतिबा जिम्गित, तेमे तिबिकि तुक् तिबा थुसुराङ् तिबाला तिकि खाङ् मिकिउ। तिबिकि नाबु मि तिबि खाला लाक्पा ज्यकु तेमे तिबा टेकु।”
19
टाबा तिबातानि तामक्यानि सिन्सिमा खो देवाचेनला तेङ्नि खुन्नि गाल्सुङ् तेमे कन्ज्यक् कि लाक्पा याबि छ्यला देसुङ्।
20
तेमे त्येसुर टावा तिबा गाल्निते तेरिक दादाला मिला लाप्सुङ् तेमे चावाकि तिवातानि यक् क्यासुङ् तेमे दाक्पि सुङ्ला ति तानि हतुप् याम्छेन् कि याक् तिबानेसुर ल्यामु जोसुङ्।