लिउ १४
1
ता निस्तार ताङ् हखमिरि कि सिबाङ् कि तुक्षेन। हुङ्ङुला ङिमा ङि क्याजिक् नक्। क्षोला खामु ताङ् क्षोने गेर्पु तिबिकि येशूला च्युक्क्यानिते जिम्बुजा सिनिते सेम्तोङ्ङिन नक्।
2
तेमे तिबिकि सिक्यासुङ्, “तुक्षेन् कि तुजेला मिम् तुक्यासिन् मि तिबि नाङ्ला हाराङ् होरोङ् डिउ।”
3
येशू बेथानियाकि सिमोन मिन् क्याबु मि ज्यिक् (कुस्ट रोगि) कि खाङबाला नक्, खो चक्चिला ङेनिते देनि हतुब् तुजेला पुमा जिक् चेङ्ङे (जटा मसि) थनिते जोबु आला कुन्बु (अत्तर) सिङ्गमरकि ङेक्यक चिगि नाङ्ला खुर्निते खोकि चाला लेसुङ्। तिकि ति ङेक्य्क ति टुम्निते खोकि गो खाला ति अत्तर ति पुसुङ्।
4
तेमे त्ये हतुप् लाला तोबाति ङेर्मा किरु छालसुङ्। “तुक्यानिते मेलेबा ति चिला क्याबु हिन्।
5
ति अत्तर ला साउ सुम् ङुल्कि मुन्डा सिना आला ला चोङ् थुक्यु तेने मेतुप् तिबाला तेर्थुक्यु।” तेमे तिबिकि तिला होरुकिताङ् नक्।
6
तेमे येशूकि सिक्यासुङ्, “तिला ताङ्तोङ् खिराङ् तिला चिला दिक्पा तेर्कि? दिकि ङाला सिनिते आला लेमु यक् क्याबु हये।
7
टेङ्बुतिबा खिराङ् तानि नाम्लाङ् हुङ्ङु। तेमे खिराङ्ला सेम्ला गालुप तुज्येला तिबाला सिनिते ल्येमु यक् दितिबा किथूक्यु, हिन्सिराङ् ङाया तिबा तानि नाम्लाङ मेङ्ङु।
8
तिकि खांङ्कि थुकि तिराङ् क्यासुङ्; तिकि ङे जुबुला उपुला टेमा सिबुखाब् तिबा दार्निते टेगे जोसुङ्।
9
ङा हुतुङ्रराङ् खिराङ्ला सिउ, तेरिक् लुङ्बा खाङ् खेन् खेन् लेन् ल्यामु खोल्ग्यु, ति दासाला दि पुमाकि क्याबु यक् ति दिकि नासाम् क्यानिते लाप्कित।
10
तेमे मेरा च्यिङ्ङि नेसुर मेरा च्यिक् यहुदा इस्करियोति ति छ्योला खामु तिकि चाला गाल्सुङ्, किखि खोला तबिलाक्तुला बिन्थुसित्
11
छ्योला खामु तिकि दि कोसिमा, दिबाला याम्छेन् लासुङ् तेमे तिबिकि तिला डेबा(टाङ्ङा) तेर्क्यु सिनिते ना क्यासुङ्। तिकि येशूला तिबि लाक्तुला तेसरिला लाम् ल्हास्युसुङ्।
12
फाप् मेतुप् सिबाङ् साप् तुछेन्कि ङिन्किक् गमाला खोकि टाबा तिबिकि खोला सिक्यासुङ्, “ङिराङ् खेनि गाल्निते टेगे गालुप् ति ख्योरुङ्ला सेम्डि? तिकि किसाला ख्योरुङ्ला सामा साप्ला जोल्मु च्युङ्सित्।”
13
खोकि दाक्पि टाबा दिबा मेरा ङिला ताङ्निते सिक्यासुङ्, ग्यासाला ग्युक् तेमे दिङार् खुरुप् मि च्यिक् खिराङ्ला ठेक्यु तेमे तिला तिङ् ङ्यसा।
14
ति च्यिन् खाङ्बाला स्युकिबे तिला तिङ्ङ्यसा तेमे ति खाङ्बि जिदाक् तिला सिसा, "ङे डेन्बुदेतुप् खाङ्मिक् ति खेनि हये त्ये ङेकि दाक्पि टाबा तिबा तानि देनिते निस्तार तुछेन्कि डेन् सेउ।
15
तिकि तिबाला टेगे जोबु बोबु खाङ्मिक् च्यिक् तेङ्ङाङ्ला हतुप् छ्यादेन्गित। त्येराङ् ओरुङ्ला सिनिते टेगे जोसा।”
16
टाबा तिबा त्येसुर थेनिते ग्यासा नेबा गाल्सुङ्। तिकि तिबाला खोकि साबु दगेराङ् ङेसुङ् तेमे तिबिकि निस्तार तुछेन् ला सिनिते टेगे जोसुङ्।
17
ङिमा र्होसुङ् तेमे खो खोकि टाबा तिबितानि लेसुङ्।
18
तिबा च्यक्चि ला ङेनिते साइ किसिन्, येशूकि तिबाला सिक्यासुङ्, “ङा खिराङ्ला हुतुङ्राङ् सिउ, ङा तानि साइ किरुप् च्यिगि ङाला जुन् जेत।”
19
तिबा तेरिक् आला सेम् ना क्यासुङ्, तेमे तिबा तेरिक्कि खोला सिक्यासुङ्, “खाङ् ङानि मिन्?”
20
येशूकि ताम् लगिन्ताङ् तिबाला सिक्यासुङ्, “ति मेता च्यिङ्ङि नेसुर मेरा च्यिक् हिन् दिकि हादा ङातानि करिनाङ्ला सोबाङ् पाकिन् हये।
21
मि पुज्युङ् च्योला खोकि कला टिबु दगेराङ् क्यानिते डिउ। तेमे मि पुज्युङ्ला जुनक् किरुप् तिला क्युक्टो। ति सिनाया ति माकेबु हिन्सिराङ् ल्यामु च्युङ्ङु।”
22
तिबिकि साइ किसिन् येशूकि सिबाङ् लासुङ्; मलाम् बिन्सुङ्, र च्याक्सुङ्। खोकि ति सिबाङ् तिबाला बिन्सुङ् तेमे सिक्यासुङ्, “दि लसा। दि ङे जुबु हिन्।”
23
खोकि करा लासुङ्; थुच्ये बिन्सुङ्। तिबाला बिन्सुङ् तेमे तिबा तेरिक्कि तेसुर थुसुङ्।
24
खोकि तिबाला सिक्यासुङ्, “दि ति का कि ङे ठाक् हिन्। दि ठाक् मेरा आला ला सिनिते जोबु हये।”
25
हुतुङ्राङ् ङा खिराङ्ला सिउ, दि गुडुम् कि दिङ्बु नेसुर ति तुज्येसाक् खिरेकि थुङ्ङु नाम्साक् ङेकि कन्ज्यक् कि ग्याल्काप् ला सापा क्यानिते ङेकि मुथूङ्ङु।
26
खोकि स्वादेबुकि ल्हु सासुङ् तेमे खो तिबा जैतुन गाङ्ला गाल्सुङ्।
27
“खिराङ् तेरिक् ङेकि किसाला तिङ्ला ग्युर्क्यु, चिला सिसिन् दुक् सिनिते टिबु हये, ‘ङा लुक् जि तिला लिक्यु तेमे लुक् तिबा तेरिक् थाराथोरा डिउ।’
28
तेमे ङा सेन्बु लासिमा ङा खिराङ् सिना तङ्ला गालिलला डिउ।”
29
पत्रुसकि खोला सिक्यासुङ्, तेरिक् तिङ्ला ग्युर्सिनाङ् ङा मुग्युरु।”
30
येशूकि तिला सिक्यासुङ्, “हारिङ् नुप्ला च्याबु खेप् ङि पोतु सिना तङ्ला छिमाल् सुम् साक् ख्यरेकि ङाला मिन्सिनिते सिउ।”
31
हिन्सिराङ् पात्रुसकि सिक्यासुङ्, “ङा ख्योरुङ् तानिराङ् स्यिगोसिराङ् ङा ख्योरुङ्ला मोतोङ्ङु।” तिबा तेरिक्कि दुक्राङ् का लासुङ्।
32
खो तिबा गेतसमनि सिरु सादाला लेम्निते ख्योल्सुङ् तेमे येशूकि दाक्पि टाबा तिबाला सिक्यासुङ्, “ङेकि मोबा किरुप् तुज्येला द्ये देत्।”
33
खोकि पत्रुस याकुब ताङ् यूहन्नाला दाक्पु तानिराङ् तिनिते गाल्सुङ्, तेमे खो आला सेम्ला नावा क्यासुङ्।
34
खोकि तिबाला सिक्यासुङ्, “ङे तु ति सिवा साक्राङ् दिङाल्ला खोल्निते हये। त्या देत् तेमे ङिमालक्पा देत्।”
35
येशू च्याजिक् फार्नेबा गाल्सुङ्, साला ज्युकुलि गाल्निते मोबा पुल्सुङ्, दि हुङ्थुसिन् दि तुजेति खोकि त्येराङ् डोसित्।
36
खोकि सिक्यासुङ्, हे हाबा, पापा खोरेकला तेरिक् च्युङ्थूक्यु। दि करा ङे खानेसुर थेन्। हिन्सिराङ् ङे सेम् ति मिन्, ख्यरे सेम् तिराङ् ख्योल्सिता।”
37
खो ग्युर्निते लेसुङ् तेमे तिबाला ङ्याल्निते हतुप् थेप्सुङ् तेमे खोकि पत्रुसला सिक्यासुङ्, “सिमोन, खाङ् खोरुङ् ङिसिबुला हये? खाङ् च्युजिजिक्(१ घन्टा) च्यिक् याङ् ङि मालक्पा देमाथूप्?
38
ङि मालक्पा देत् तेमे खक्पा ल्हाप्ला मोख्योल्सित् सिनिते मोबा कि। हुतुङ्ला थु ति टेगे हये हिन्सिराङ् जुबुति ङार मेतुप् वे।”
39
खो याङ्लोङ् गाल्सुङ् तेमे मोबा क्यासुङ् तेमे खोकि दिराङ् का तिबा लाप्सुङ्।
40
तेमे याङ्लोङ् खो लेसुङ् तेमे तिबाला ङ्याल्निते हतुप् थेप्सुङ्, चिला सिसिन् तिबि मिक् तिना रिनिते हतुप् कि किसाला तिकि खोला खाङ्सिरुला सिनिते छ्या माङ्ङे।
41
खो छिमाल् सुम्ला लेसुङ् तेमे तिबाला सिक्यासुङ्, खाङ् खिराङ् हारोङ् साक् ङ्याल्निराङ् हये? च्युङ्सुङ्! तुज्ये ति लेपु हये। ल्होसा मि पुज्युङ् ति किक्पा हतुप् तिबि लाक्तुला तेरिन् हये।
42
लसा डि ङाला जुक् जप् ति चालाराङ् हये।”
43
खो ताम् कि हतुप् तुजेला मेरा च्यिङ्ङि टाबा तिबा नेसुर यहुदा ति लेसुङ् तेमे ति तानि छ्योने गेर्पु, छ्योला खामु हतुप्, ताङ् छ्योकि लबेन् नेसुर लेबु तरवाल ताङ् ग्युक्पा खुरुप् आला मितिबा लेसुङ्।
44
ता खोला जुनक् किरु तिकि तिबाला ज्ये बिदुप् हये, “ङेकि सिला पुका क्यासुङ्, ति तिराङ् हिन्। तिला जिम् तेमे जिबा म्येतुप् दासाला टिनिते ग्युक्।”
45
यहुदा लेप्सिमा, ति स्यारि येशूकि चाला लेसुङ् तेमे सासुङ्, “ रब्बी!” तेमे तिकि खोला पुका क्यासुङ्।
46
तेमे तिकि तिङ्ला तिबिकि खोला लाक्पा ग्याप्सुङ् तेमे जिम्सुङ्।
47
तेमे ते लानिते हतुप् नेसुर मेरा च्यिगि दाक्पि तरवाल थेन्सुङ् तेमे छ्योला खामु तिकि पुज्युङ्कि नाम्ज्यक् ति तुप्सुङ्।
48
येशूकि तिबाला सासुङ्, “च्याक्पा ला जिबुला हबु दगे तरवाल ताङ् ङ्युङ् तिबा खुर्निते गिउ।
49
ङा ङिमि टाङ् खिराङ् तानिराङ् हतुप् तुजेला तेमे ङेकि छ्योखाङ्ला लापिन् हतुप् तुजेला, खिरेकि ङाला माजिम्। हिन्सिराङ् च्योला टिबुतो खोल्सित् सोनिते दिनक् गाल।“
50
तेमे येशू तानि हतुप् तेरिक्कि खोला ताङ्निते टोसुङ्।
51
मि जेदाज्यिक् खोकि तिङ्ला लेसुङ् तिकी सोरा कि माज्या क्याजिक कोन्नक; तिबिकि तिला जिम्सुङ्,
52
तिकि ति सोरा कि माज्याति तेराङ् ताङ्निते पेर्तुङ्बाराङ् टोसुङ्।
53
तिबिकि खोला छ्योला खामु कि चाला टिनि गाल्सुङ्। त्या तिबिकि क्ष्योला खामु तिबा, क्ष्योने गेर्पु तिबा ताङ् खामु तिबा जोम्निते नक्।
54
ता पत्रुस ति थारे नेसुरराङ् क्ष्योला खामु तिकि खाङ्बा साक् तिङ् ङ्यानिते गाल्सुङ्। तिदि रिदु मितिबा तानिराङ् देसुङ्, तिबा मे देइ नक्।
55
ता क्ष्योला खामु ताङ् तेरिक् यहूदी तिबिकि येशूकि खाला लागुप् ताम् तिबा चोलोन् नक्, तिकि किसाला तिबिको खोला सेतुला लाम् ङेसित् सिनिते। हिन्सिराङ् तिबिकि ताम् च्यिकाङ् माङे।
56
चिला सिसिन् मि आलाकि खोकि खाला लागुला मेतुप् ताम् तोबा खसुङ्, हिन्सिराङ् तिबि लापु ताम् माडिक्।
57
लाला तिबा लानिते खोकि कला मेतुप् ताम् तिबा लाप्सुङ्; तिबिकि सासुङ्,
58
“दिकि दुक् साबु ङेकि कोसुङ्, ‘लाक्पा थनि जोबु दि क्ष्योखाङ् ङा तेरिक् ना तोङ्ङु, तेमे ङिमा सुम्गि नाङ्ला लाक्पाङ् मेता क्यानि ङा जेउ।”
59
हिन्सिराङ् तिबि ताम् तेरिक्कि दि माडिक्।
60
क्ष्योला खामु ति तिबि पार्ला टाङ्ङि लानिते येशूला टिसुङ्, “खाङ् ख्योरुङ् खाङ् मिसिउ? दि मि तिबिकि ख्यरे खाला बिदुप् ताम् तिबा खाङ् हिन्?”
61
हिन्सिराङ् खो खाराक्पा देसुङ् तेमे खाङ् मासा। क्ष्योला खामु तिकि तिला याङ्लोङ् टिसुङ्, तेमे सासुङ्, “खाङ् ख्योरुङ् थुच्येकि पुज्युङ् ख्रीष्ट हिन्?”
62
येशूकि सासुङ्, “ङा हिन्। तेमे खिरेकि मि पुज्युङ्ला ङारकि लाक्पा याबि छ्यला देतुप् ताङ् नाम्गि मुक्पा तानि हुङ्ङिन् हतुप् थोङ्ङि त।”
63
क्ष्योला खामु तिकि दाक्पि माज्या राल्सुङ् तेमे सासुङ्, “खाङ् ओरुङ्ला हारोङ् थोङ्ङु ताम् गोक्यु ना?
64
खिरेकि कन्ज्यक्ला मारे तोङ्गुप् कोतुप् हये। खिरेति खाङ नासाम् हये? तेमे तिबा तेरिक्कि सेगोबु हतुप् दगेराङ् क्यानि आत्तु चुसुङ्।
65
लाला तिबिकि खोला छ्युम्दुर ग्याकु तेमे खोकि ङोदुङ् उपु ताङ् लितु स्युसुङ् तेमे सासुङ्, “लुङ्देन् लोप्!|” तेमे ओङ्जेन् खुरुप् तिकि खोला टिनि गाल्निते लिसुङ्।
66
पत्रुस हक्ला लाङ्खाला हतुप् तुजेला क्ष्योला खमु तिकि लाप्तक् च्यिक् तिकि चाला हसुङ्।
67
तु तेन्बु डप्ला मे देइ किसिन् तिकि पत्रुसला थोङ्सुङ् तेमे तिला ल्यामुक्यानि ल्हासुङ्। तिकि सासुङ्, “ख्योरुङाङ् येशू नासरि तानि हतुप् हिन?”
68
तेमे तिकि मिन् सिनिते सासुङ्, “ख्योरेकि खाङ्सिताङ् हये कि हाक्कोमाथू। तेमे ति लाङाङ् खाला गाल्सुङ्।
69
तेमे यङ्मु तिकि तिला त्येराङ् थोङ्सुङ् तेमे ति टाङ्ङि लानिते हतुप् तिला याङ्लों सिरु स्युसुङ्, “दि मि तिङ् खिरे नाङ्नेसुरराङ् हिन्।”
70
हिन्सिराङ् तिकि याङ्लोङ् मिन् राङ् सिनिते सासुङ्। उकुर् ज्यिक्ला त्यर लानिते हतुप् तिबिकि पत्रुसला सासुङ्, “हुतुङ्राङ् ख्योरुङ्, ख्योरुङ्ङाङ् तिबिनाङ्नेसुर राङ् हिन्, चिला सिसिन् ख्योरुङ्ङाङ् गालिलि राङ् हिन्।”
71
तेमे तिकि दाक्पुलाराङ् मता ग्याकिन् सिरुप् स्युसुङ्, “खिरेकि ताम् किताङ् हतुप् दि तुकि कला ङाला खाङ् छ्यामेत्।”
72
याङ्लोङ् स्यारि च्याबुपोसुङ्। तेमे तेसुर पत्रुस कि येशूकि सिक्याबु का ति नासाम् ताङ्सुङ; “छिमाल् ङि च्याबु पोप् सिना गमाला ख्यरेकि ङाला छिमाल् सुम् मिन्सिनिते सित।” तेमे पत्रुस मिक्च्युर ज्युरुरु ताङ्निते ङुसुङ्।