लिउ १३
1
येसु ल्हाखङ् नेसुर् थेनि डोइ वसिन् खोकि टावा चिगि सिक्यासुङ् चावा ल्होताङ् चो ल्येमु दो तिवा! चो लेमु खाङ्बा तिवा !
2
खोकिक तिला सिक्यासुङ् काङ् ख्यरेकि दि लेमु खाङ्बा तिवा थोङिनक्? तेमे चिक दो कि खाला ज्येर्मा दि मज्यगु तेरिक् राम्ग्यु।
3
खो ल्हाखाङ् चाला वतुप् जैतुन लाला देसुङ् पत्रुस याकुब युहन्ना ताङ आन्द्रियास ति सुसाङ् मेतुप दासाला टिसुङ्।
4
ङेराङ्ला सि दि ताम तिवा नाम गि ? दि ताम तिवा हुङु छोल्सिन् चिनक् ता गि ?
5
येसुकि तिवाला सिरु ज्युसुङ् "च्याङ्बु क्यानि देत् सिकिसाङ् खिरे सेम फार छुर मिकिसित्।
6
ङे मिन्ला आला मि तिवा गिउइ तेमे ङा तिराङ् हिन् आला मि तिवि सेम तिवा फार्छुर् किउइ।
7
तेमे खिरेकि माक तिवि ताम कोक्यु सेम् फारछुर् माकि दि ताम हुङ्राङ् गोक्यु हिन्सिनाङ तारुङ दि ङिमा मालेप्पा वे।
8
चिला सिसिन् मिरिक चिकि मिरिक चिक् खाला ताङ् लुङ्बि खाला लुङ्बा गिउइ तेमे बाङि दासाला साइ डिउइ तेमे मि तिवि साप् सामा तिवा मेङेउइ। दि ताम तिवा दुक्पा हुङ्गु्प ज्युबु हिन् ।
9
राङ्ला च्याङ्बु ज्यक्। तिविकि खिराङ्ला ठिम किसाला क्योल्ग्यु तेमे मि जोङ्खाङ्ला खिराङ्ला दुङु। ताम श्येतुप् तिवाला गालुप् तिवि दङ्ला खिराङ्ला छोल्ग्यु।
10
हिन्सिनाङ तेरुक मि तिवाला लेन् ल्यामु श्ये गोक्यु।
11
तेमे तिवि खिराङ्ला जिम्नि मुत्दा ग्यागु खिरेकि काङ ताम किरुप्जा सिनि नासाम मातोङ् काङ ताम कि गोक्यु खिराङ् ला लोप्क्यु तजोला ताम किरुप् ति खिराङ् मिन् तिदि थु चेङि हिन्।
12
उज्यु कि नुक्ला सेतुप्ला जिम्नि तेर्क्यु तेमे पापिकि राङि पुज्युङ्ला। पुज्युङ पुम तिवि राङि पापा मामि खाला लाङ्गु तेमे तिविकि तिवाला से जिक्यु।
13
ङे मिन्कि कर्ला किराङ्ला ङिङ्मार किउइ। हिन्सिनाङ् सुति तिङ्ला साक ज्येर्पा गोम्नि देक्यु तिला दि थार्वा तेर्क्यु।
14
तेमे किरेकि तेरिक् ना तोङ्गुप् मेलेवा ताम तिवा हुङ् मोगोबु दासा वतुप् थोङ्गुउइ यहुदिुयाला वतुप् तिवा लाला डोसित्।
15
खाङ्बि गोला वतुप् तिवा थुला मापाप्सित् तिकि खाङ्बि नाङ्ने काङ जिङ मेथेन्सित्।
16
तेमे श्यिङ् नाङ्ला राङि यालुक लिङ मोडोसित्
17
हिन्सिनाङ् ति ङिमाला क्येप् वतुप् ताङ् आङाला हमा तेरुप् तिवा !
18
दि गुन्बु मेङ्सित् सिनि मोपार कि।
19
चिला सिसिन् ति ङिमाला दुक्पा गिउइ। दिज्युङ् याङ् कन्ज्यककि लुङ्वा जोबु ने तारुङ् साक माह वे ना तिङ्ला राङ गिउइ।
20
कन्ज्यलककि ति ङिमाला माचेबु हिन्सिया सुङजिङ् मि माथारु हिन्सिनाङ टालुप् तिवि कला तिवाला खोकि टाल्नि वे खोकि ङिमा ति माज्याक्सुङ्
21
सिसिन् खिराङ्ला ल्हो ख्रिष्ट दे वे! त्ये वे सिक्यासिन् खिराङ् मोवा माकि।
22
चिले सिसिन् जुनाक् ज्वप ख्रिष्ट ताङ लुङ् तेम्बा तिवि टालुप् तिवालाङ सेम फारछुर् किरुप्ला याम्छेन लोङ्गुप् ताम तिवा किउइ।
23
च्याङ्बु क्यानि देत्! ङे खिराङ्ला तङ्लाराङ् दि ताम तिवा सिक्यानि वे ।
24
हिन्सिनाङ् दि ङिमाला दुक्पि तिङ्ला ङिमा उनाक् चुबि डिउइ औला ति ठा छ्यालि मेङु।
25
कार्ज्येन तिवा नाम्ने ल्हुम्ग्यु नतेमे नाम्ला वतुप् ङार तिवा तेरिक फार छुर डिउइ।
26
ति तिङ्ला मि पुज्युङ्ला मुसि खाला ङार आला सँवाला हुङिन् वतुप् थोङु
27
तेमे खोकि राङि देवाचेनकि थु तिुवाला तोङु तेमे खोकि तेरिक् क्ष्य नेसुर् जाम्बुलिङ्कि नामु नेसुर् राङि टालुप् तिवाला दासा चिक्ला राङ जेउइ ।
28
आप्लक् दोङ्बु ने लोप्! तिकि याल्खा चोलो गिउइ तेमे दामाक् तिवा ग्येक्यु तेमे यार छेसिन् सिनि खिराङ् हाक कोक्यु।
29
तुक क्यानि राङ खिराङ दि ताम तिवा थोङु खो चालाराङ वे सिनि खिराङ छ्या ङेत्।
30
हुतुङ्राङ् ङा खिराङ्ला सिउइ दि तेरिक ताम तिवा मागालु साक दि गिपा मिसिन्दु।
31
देवाचेन्ताङ जाम्बुलिङ्ति सिन्ग्यु हिन्सिनाङ ङे सुङ ति नाम्लाङ् मिसिन्दु।
32
हिन्सिनाङ् ति ङिमा ति सुला साङ् छ्या मेत् ना देवाचेनकि थुला ना पुज्युङ्ला दि ताम ति पापाला क्याजिक् छ्या वे।
33
च्याङ्बु क्यानि देत् चिला सिसिन् ति ङिमा ति नाम गि सिनि खिराङ्ला छ्या मेत् छ्याङ्से देत् मोपार नारि कि।
34
दि डोगोबु दि मि चिक दगे हिन् तिकि राङि खाङ्बा तोङु तिकि राङि यक्पु तिवाला लाका पोप् रे ज्याक्सुङ् तेमे ह्रिन्दुप् तिला च्याङ्से देत् सिनि का तेर्क्यु।
35
तुक किसा च्याङ्से क्यानि देत् चिला सिसिन् खाङ्बि ज्यिन्दाक सा रिप्सिन् नुप् फे नाम् लाङ्गुप् खाला चोला गि सिनि खिराङ्ला छ्या मेङु।
36
खोति थेम्थङ्ला वासि खिराङ् ङि गालु मेङ्सित्
37
खिराङ्ला ङा काङ काङ सिउइ ति ङा तेरिक्ला सिउइ च्याङ्बु क्यानि देत्।