लिउ ५
1
राङ्ओङ्ला सिनिते ख्रिष्टकि ओरुङ्ला थेन्नु हिन्। तिकि किसाला, डेक्ला देत् तेमे याङ्लोङ् उपु कि यासिङ् हक्ला मास्योर्।
2
ल्होसा! ङा पावल खिराङ्ला सिउ, खिरेति खतना क्यासिनाङ् ख्रिष्टला खिराङ्ला खाङ् ग्यामु मेत्।
3
तेमे याङ्लोङ्, खतना क्याबु तेरिक् मि तिबाला ङा दि थोङ्ङुप् ताम् सिउ, ठिम् तिबा तेरिक् ङेदुप्ला ति टेगे डिउ।
4
ठिम् नेसुर् दिक्पा मेतुप् जोबु हये, खिराङ् ख्रिष्ट नेसुर थारे जोबुवे। खीराङ् काटिन् नेसुर थारे गालुप् वे ।
5
चिला सिसिन् थु नेसुर रेवा क्यानिते ङिरेकि क्ष्योलुकि नाम्ला गुनिते हये।
6
ख्रिष्ट येशूला खतला क्याबु ताङ् माक्याबु तेरिक् को छेतुप् गिउ। ङिङ्जे नेसुर यक् किरुप् रेवा तिकिदि क्याजिक् कोक्षेतुप्।
7
खिराङ् ल्यामु क्यानि छङ्ङन् हये। तिला ङेदा किरुला सिकि केक्सुङ्।
8
दि याक् किरुप्ला लेपु स्युपुर् ति खिराङ्ला कातोङ्ङु नेसुर मिन्।
9
च्याज्यिक् फाप् कि टे फे पाक् तिला बो जिकिनक्।
10
चावानेसुर ङा खृआङ्ला रेवा किउ, खिरेकि राङ्सा नासाम् मोतोङ्ङु। खिराङ्ला येजितुप् ति खाङ् हसिराङ् तिकि दाक्पि दुताक् थेप्किद।
11
ङे उज्यु नुक् तिबा, ङा हारोङ्साङ् साङ् चेत्पा(खतना) कि कला लापु हिन्सिन्, ङा हारोङ्साङ् चिला दुताक्ला स्योर्कि? तिनक् हिन्सिया ग्याङ्सिङ्ला ग्येकुप् ति ना डप्जा।
12
खिरे सेम् ना तोङ्ङु तोबिया खप्रे यान्लक् ति चेसिराङ् गिउ।
13
नुक् तिबा चिला सिसिन् कन्ज्यक्कि खिराङ्ला राङ्ङोङ् ङेतुप्ला काताङ्ङु हिन्। दाक्पि राङ् ओङ्ला जुबिलाकाला माथक्। ति सिना ङिङ्जे क्यानि च्यिगि च्यिक्ला दाल्जा कि।
14
चिला सिसिन् ठिम् तिबा तेरिक् का च्यिक्ला ख्योल्ग्यु।, “खिरेकि दाक्पि युल्बाला दाक्पुला दगेराङ् ङिङ्ज्ये कि गोक्यु।”
15
हिन्सिराङ् खिरेकि च्यिगि च्यिक्ला फेदु ताङ् खिमा ग्याकुप् क्यासिन्, ल्होसा, खिराङ् दाक्पुराङ् दादाक्पि नेवा ना मोडोसित्।
16
ङा सिउ थु नेसुर य्युसा, तेमे खिरेकि दाक्पि जुबुला सिनिते गोबुतिबा खोल्बा मिकिउ।
17
चिला सिसिन् जुबुकि गोबा किरुप् ति थुकि फिलक्पा गिउ, तेमे थु कि गोबा कि जुबुकि सिना फिक्पा गिउ। चिला सिसिन् दि फिलक्पा गिउ। दि ति खिरेकिरुप् चाल्बाति मिकिबु च्युङ्ङुप् हिन्।
18
तेमे थु कि खिराङ्ला गमा क्यासिन् खीराङ् ठीम् कि ओङ्ला म्येङ्ङु।
19
जुबुकि यक् तिबा ल्येमु क्यानि थोङ्गीत। तिबा ति – श्याम्डेन् क्यिरुप्, मेचेङा, स्याम्डेन् क्यिरुप् नासाम्
20
कुला साङ् देकुप्, ङा ग्याकुप, डा ग्युरुप्, थामु ग्याकुप्, ङेर्मा, राङ्ज्येन्, टालुप्, पोङ्जा,
21
मिजेर, क्षाङ् थुङ्गुप्, किर्मु ल्हाक्पा क्यिरुप्, ताङ् ज्येन् ताम् तिबा यिन् । ङेकि खिराङ्ला तङ्ला सिक्याबु दके तान्दासाङ् सित, सिकि दि ताम् दिबा क्यिबे, तिबा कन्ज्यक्कि ग्याल्खाप्ला मुस्युक्त ।
22
हिन्सिनाङ् थु चेङिकि डाल्बा तिबा ति – ङिङ्ज्ये, किर्मु, लोदिमु, गुताङ्, च्याम्बा, लाका ल्येमु, मोबा,
23
सेम् ज्यापु ताङ् राङ्जि हिन् । तिबि खाला खाङ् साङ् ठिम् मेत् ।
24
ख्रिष्ट येशूकि यिन्दुप् तिबिकि राङ्गी जुबुला तिकि नासाम् ताङ् नासाम् मेलेबा तिबा तानि राङ् ग्याङ्स्यिङ् लला काल्नि वे ।
25
ओरुङ् थु नेसुर् मिजि क्योङ्सीन् याङ्, ओरुङ् थुकि नाङ्लाराङ् युकुप् न ।
26
ओरुङ् ठादक् मिक्यि, च्यिगि च्यिक्ला ङेर्मा मोलोङ् तेमे मिजेर मिक्यि ।