लिउ ४
1
ङेकि दुक् सिनि वे, ओङ् ङेतुप् मि ति पेजा हता साक् तिति तेरिग् गिज्याकि ज्यिन्दाक् यिन्सिनाङ् ति यक्पु सिनाङ् राङ्सा मेङ्गु ।
2
ति छापुला, खरे पापा तिकि चिबु तुज्येला खो पापा-आमा ताङ् मि क्षेतिबि ओङ्ला दे गोक्यु ।
3
तुक् क्यानि राङ् ओरुङ् साङ् तङ्ला पेजा वतुप् ठला, जाम्बुलिङ्की ठिम्ला युबु यिन् ।
4
हिन्सिनाङ् तुज्ये लेप्सिमा, कन्ज्यक्की नावाला हतुप् दके पुम्पेजानेसुर केबु खोकि पुज्युङ्ला ताङ्सुङ् ।
5
ओरुङ् ति राङ्गी पेजा च्युङ्गुप्ला खोकी ठिम्गि ओङ्ला हतुप् तिबाला थार्वा तेरुप्ला दुक् क्याबु यिन् ।
6
खिराङ् दि पुज्युङ् तिबा यिन्दुप्कि कन्ज्यक्कि खोकी पुज्युङ्की थुला अरे सेम्ला ताङ्सुङ्, ति थुकि ‘अब्बा, पापा सिनि सिउ
7
तिकि क्यिसाला, ता ख्योरुङ् यक्पु मिँदाला पुज्युङ् यिन् । ख्योरुङ् पुज्युङ् यिन्सिन्, ख्योरुङ् -कन्ज्यक्की ओन्ज्येन् वतुप् मि साङ् यिन् ।
8
हिन्सिनाङ् गमाला खिरेकि कन्ज्यक्ला ङो मेस्येबु ठला, खिराङ् कन्ज्यक् मिन्दुप् तिबि यक्पु नक् ।
9
यिन्सिनाङ् तान्दा खिरेकि कन्ज्यक्ला ङो स्येनी वे तेमे कन्ज्यक्की साङ् खिराङ्ला ङो स्येनि वसिन्, च्यिले खीराङ् ङार मेतुप् ताङ् खाङ्ला साङ् मेफेन्दुप् क्यिताङ् तिबि क्षला ग्युरिन् क्यि ? खाङ् खिराङ् लोङ् राङ् यक्पु ग्युरुप् सेम् लाङ्गीनक् ?
10
खिरेकि तुक्षेन्कि ङिन् तिबा, नाम्गाङ्, तुछिक् तिबा ताङ् लोतिबाला तेन्ग्यु ।
11
ङा खिराङ्ला सिनि सेम्दुक् क्यित, च्यिले सिसिन् ङेकि खिरे कला तोजोराङ् लाका क्याबिन् ।
12
उज्यु नुक् तिबो, ङा चुक् क्याप् वे तिन्दक् राङ् वङ्गा क्यि सिनि खिराङ्ला गङ्बा स्यित, च्यिले सिसिन् ङा खिराङ् दके राङ् च्युङ्नी वे , खिरेकि ङाला खाङ् साङ् मेलेबा माक्या।
13
यिन्सिनाङ् ङेकि जुबुकि नेर्पाकि क्यिसाला ङेकि खिराङ्ला तेरि सिनाङ् थाल्माला लेन् ल्येमु स्येतिन् सिरुप् ति खिराङ्ला क्षा वे ।
14
ङेकि जुबुकि क्यिसा खिराङ् खक्पा ल्हाप्ला खेल्सीनाङ् खिरेकि ङाला सेम्ला मोडो माक्या । तिकि छापुला, खिरेकि ङा राङ् येशू ख्रीष्ट यिन्दुप् दके क्यानि ङाला कन्ज्यक्कि थु यिन् सिनि सेम्ला लासुङ् ।
15
तिकि क्यिसाला, ता खिरे किर्मु खेन् वे? च्यिलेसिसिन् खिरे कला ङा दि पाङ्बु तेर्क्यित, क्षुङ्सीयाङ् खीरेकि ङाला राङ्गी मिक् साङ् थेन् तेर्क्यिच्यु ।
16
ङेकि खिराङ्ला हिन्दुप् ताम् क्याबुकि क्यिसाला खाङ् ङा खिरे डा च्युङ्गुप् यिन्?
17
तिबिकि खिराङ्ला सेम्गि दिङ्नेसुर छोल्ग्यु, यिन्सिनाङ् खाङ् साङ् ल्येमु च्युङ्स्यित सिनि मिन् । खिरेकि तिबाला दकु सिनि तिबि ङानेसुर खिराङ्ला क्येङे जप् नासाम् तोङ्गीनक् ।
18
ङेकि खिरे दङ्ला तिराङ् मिदा नाम्लाङ् लाका ल्येमु क्यिरुप्ला नासाम् ताङ्गुप् ति गा यिन् ।
19
ङे आङा टिक्पेतिबो, खिरे सेम्ला ख्रिष्ट माक्येबा साक् ङेकि लोङ् राङ खिराङ्ला सिनि आङा क्येताङ्की दुक्पा खुरिन् वे ।
20
ङा ता खिरे चाला वुङ्गुप् नासाम् नासाम् वे, तेमे ङेकि ताम् पोतुप् नासाम् वे, च्यिले सिसिन् ङा खिरे कला खाङ् क्यिरुप् क्यिरुप् गाल्नि वे ।
21
खिराङ् ठिम्गि ओङ्ला देतुप् नासाम् तोङ्गु, ङाला दि स्येत्, खाङ् ठिम्गि खाङ् सि सिरुप् ति खिरेकि मोकोनक्?
22
च्यिले सिसिन् दुक् सिनि टिनि वे, अब्राहमकि ति पुज्युङ् मेरा ङि नक् , मेरा च्यिग् यङ्मुनेसुर तेमे ज्येन्ज्यिग् ति राङ्ओङ् वतुप् आम्पुम् नेसुर केनक् ।
23
हिन्सनाङ्, यङ्मुनेसुर केबु ति जुबु नेसुर तिराङ् केनक्, तेमे राङ्ओङ् वतुप् आम्पुम् नेसुर केबु ति ना क्यालुप् ति छेबुला केबु यिन् ।
24
दि ताम् दिबा पे ज्यिक् थनी स्ये थुप्क्यु, च्यिले सिसिन् दि पुम्पेजा मेरा ङि ति ना दक्पु ङि दके यिन् । तिबि पार्ला मेरा च्यिग् सिनै लानेसुर् यिन् । तिकि दिन्दक् पुज्युङ्पुम् तिबा केसुङ्, तिबा ति यक्पुयङ्मुतिबा यिन् । ति ति हागार यिन् ।
25
तान्दा हागार ति अरबकी सिनै ला यिन्। तिकि तान्दाकी यरुशलेमकी ता तेर्क्यु, च्यिले सिसिन् ति ति मरे पुज्युङ् पुम् तानि यङ्मु च्युङ्नी वे ।
26
यिन्सिनाङ् यो वतुप् यरुसलेम ति राङ्ओङ् वतुप् यिन्, ति ति अरे मामा यिन् ।
27
च्यिले सिसिन् दुक् सिनि टिनि वे, ‘ओए आङा के माथुपु पुम्पेजा, आङा के माथुप्सिन् किर्मु क्यि। आङा केसिन् चुक् क्याप् गि सिनि क्षा मेतुप् ति सेम्गि दिङ्नेसुर गा क्यानि ओरु तेन् । च्यिले सिसिन् ति आङा के मुथुपु तिकि ख्यवा वतुप् तिबा सिना माङ् पुज्युङ् पुम् दिबा वे ।
28
उज्युनुक् तिबो, ता खिराङ् साङ् इसहाक् दके ना कि पुज्युङ् पुम् दिबा यिन् ।
29
ति तुज्येला जुबु नेसुर केबु तिबि थु नेसुर केबुतिबाला दुक्पा बिन्सुङ् । तान्दा साङ् तिन्दक् राङ् वे ।
30
क्षोकि थेप्कि खाङ् सि? “पुम्पेजा यङ्मु ताङ् तिकि पुज्युङ्ला तेन् तोङ् । च्यिले सिसिन् पुम्पेजा यङ्मुकि पुज्युङ्की राङ्ओङ् वतुप् पुम्पेजि पुज्युङ् तानि डाँडा ओङ्ज्येन मेङ्येत ।
31
तिकि क्यिसाला, उज्युनुक् तिबो, ओरुङ् पुम्पेजा यङ्मुकि पुज्युङ्पुम् तिबा मिन्, यिन्सिनाङ् राङ्ओङ् वतुप् पुम्पेजि पुज्युङ् पुम् तिबा यिन् ।