लिउ ६
1
उज्युनुक् तिबो, मि लालाकि दिक्पा क्याबु क्षा ङेसिन्, खिरे पार्कि कन्ज्यक्ला मोबा राम्बु हतुप् तिबिकि ति मिला लोङ् राङ् कन्ज्यक्ला मोबा राम्बु हतुप् मि जोट क्यि गोक्यित । खिराङ् दाक्पु राङ् खक्पा लाप्ला मेखेल्स्यित् सिनि च्याङ्से देत् ।
2
च्यिगि च्यिक्ला र क्यिट क्यि, तेमे दुक् क्यानि खिरेकि ख्रिष्टकि ठिम्ला छे ज्यिक्यित ।
3
च्यिलेसिसिन् सिसाङ् दाक्पु खाङ्ला साङ् को मेक्षेबु हसिनाङ् ङा मेता क्यानि मेगु सिसिन्, तिकि दाक्पुला राङ् जिनक् जेत ।
4
तेर्कि राङ्गी लाका च्येन्डक् नक् सिनि ल्हा गोक्यु । तेमे तिराङ् सु तानिसाङ् रिनि माल्हाबा क्यानि साङ् खोलाराङ् ठादक् क्यिरुप् तेन्दक् गिउ ।
5
च्यिले सिसिन् तेरिग्कि राङ्गी खुर्बु खुर्क्यित ।
6
7
माकोला । कन्ज्यक्कि ङेजाक् मिक्यित । मिकि खाङ् जुक्यिबे तिराङ् रुकित ।
8
च्यिलेसिसिन्, सिकि राङ्गी दिक्पी क्यिताङ् नेसुर सेन् देप्क्यीबे, तिकि ना डोताङ् रुकित, हिन्सिनाङ् थु नाङ् नेसुर सेन् देपुप् तिबिकि नाम्लाङ् मिस्यिबु मिजि रुकित ।
9
ओरुङ् लाका ल्येमु क्यिरुप्ला ङेर् क्षेता मिक्यि, च्यिले सिसिन् अरेकि ङेर क्षेता माक्यासिन् तुज्ये वइँ राङ् अरेकि चाँबा रुकित ।
10
तिकि क्यिसाला, अरेकि क्यिरुप् ङेसिमा तेर्ला ल्येमु क्यिरुप्न। तेर् सिनाङ् माङ् मोबाकि मिछाङ्ला ल्येमु क्यि ।
11
ल्होसा ङेकि राङ्गी लाक्पा थनि यिकि गेर्पु गेर्पुला खिराङ्ला टिकिन् वे ।
12
जुबुला लेमु क्यिरुप् छोलुप् तिबिकि खिराङ्ला च्येत्पा क्यि गोबु जेत। ख्रिष्टकि ग्याङ्स्यिङ्ला सिनि दुक्पा खोर मोगोस्यित् सिनि तिराङ् तिबिकि दुक् क्यित ।
13
च्यिले सिसिन् च्येत्पा क्याबु तिबिकि राङ् ठिम्ला माङ्येन्बा गित । ति छापुला, खिरे जुबुकि कला ठादक् क्यि थुप्स्यित् सिनि खिरेकि च्येत्पा क्यिस्यित् सिरुप् ति तिबि नासाम् वे ।
14
अरे चावा येशू ख्रिष्टकि ग्याङ्स्यिङ् सिनाङ् राङ्सा ज्येन् ताम् खाङ्ला साङ् ठादक् क्यि मोगोस्यित् । खोनेसुर राङ् ङा ज्यिक्तेन्ला सिनि ताङ् ज्यिक्तेन् ङाला सिनि ग्याङ्स्यिङ् लला काल्नि वे ।
15
च्यिले सिसिन् च्येत्पा क्याबु ताङ् माक्याबु ति खाङ्लासाङ् मेफेन्दु । ति छापुला जोताङ् राङ् फेन् थुपु वे ।
16
ति ठिम्ला मिजि क्योङ्गुप् तेरिग्ला तेमे इस्राएलला लोदिमु ताङ् मलाम् च्युङ्स्यित् ।
17
तानेसुर ङाला सिसाङ् दुक्पा मेतेर्स्यित् , च्यिले सिसिन् ङा राङ्गि जुबुला येशूकि ता तिबा खुर्क्यु ।
18
उज्यु नुक् तिबो, खिरे सेम्ला अरे चावा येशुकि काटिन् उङ्स्यित् । आमेन् !