लिउ ४
1
ङिङ्ज्येबु वे तिरिक थु तिवाला मोवा माकि हिन्सिनाङ ति थु तिवा कन्ज्यक नेसुर् हिन्ते मिनते सिनि लेमु क्यानो ल्हो चोला सिसिन् आला जुनाक् ज्वप् लोमा तिवा दि लुङ्ला वानि वे।
2
दि नेसुर् खिरेकि कन्ज्यककि थुला ङो श्येक्यु चावा येसु जुबुला वबु हिन् सिरुप् तेरिक थु कन्ज्यक नेसुर् वबु हिन्।
3
तेमे येसुला मोवा मिकिबु तेरिक थु कन्ज्यक ति मिन्। चावा येसु खाला लाङ्गुप् थु हिन् चुकै ति खिरेकि दि लुङ्बाला गिउइ सिनि ङेनि वे तिदि लुङ्बाला वानि वे।
4
ङे ङिङ्ज्येबु आङा तिवा खिराङ क्न्ज्यक ति हिन् तेमे खिरे तिला ग्याल्नि वे चिला सिसिन् खिराङ् ताङ सु वे खोति दि लुङ्ला वतुप् ति सिना छ्ये हिन्।
5
तिवा दि लुङ्बि ति हिन् तुक किसा तिवि सिक्याबु ताम तिवा तिवा ति लुङ्बि तिराङ हिन् तेमे दि लुङ्बिकि तिवि ताम ङेन्ग्यु।
6
ओरुङ् कन्ज्यक ति हिन्। सिकि कन्ज्यकला ङो श्येक्यु तिकि अरे ताम ङो श्येक्यु सु कन्ज्यक ति मिन् तिकि अरे ताम मेङेन्दु। दि नेसुर् राङ हिन्दुप् ताम ताङ मिन्दुप् ताम हाक् कोक्यु।
7
ङिङ्ज्येबु तिवा वे चिकि चिक्ला ङिङ्ज्ये किरुप् चिला सिसिन ङिङ्ज्ये ति कन्ज्यक ति हिन् तेमे तेरिक सिकि ङिङ्जे किउइ ति कन्ज्यक नेसुर् क्याबु हिन् तेमे तिकि कन्ज्यकला ङो श्येक्यु।
8
सिकि ङिङ्ज्ये मिकिउइ तिकि कन्ज्यकला ङो मेश्येउइ चिला सिसिन कन्ज्यक राङ ङिङ्ज्ये हिन्।
9
दिला राङ कन्ज्यककि ङिङ्ज्ये अरे पार्ला छ्यार्नि वे कन्ज्यककि दि लुङ्बाला खोकि चिक पुज्युङ तिङ ताङ्सुङ तेमे पुज्युङ नेसुर ओरुङ थार्थुप्सित् सिनि।
10
दिला राङ खोकि ङिङ्ज्ये वे अरेकि कन्ज्यकला ङिङ्ज्ये क्याबु मिन् हिन्सिराङ हरे दिक्पा नेसुर् सेम ग्युरुप् जिन्वा किरुप्ला खोकि पुज्युङ ताङ्सुङ।
11
ङिङ्ज्येबु वे कन्ज्यककि ओरुङला दजो आला ङिङ्ज्ये क्यासुङ सिसिन अरे साङ चिकि चिक्ला ङिङ्ज्ये कि गोक्यु।
12
कन्ज्यकला नाम्लाङ सिकिसाङ तोङु मेत् ओरुङ चिगि चिक्ला ङिङ्ज्ये क्यासिन् अरे पार्ला कनज्यक राङ गिउइ तेमे खोकि चेङि ङिङ्ज्ये किउइ ।
13
दुक राङ क्यानि ओरुङ्ला छ्या गिउइ ओरुङ खोताङ देक्यु तेमे खो ओरुङ तानि देक्यु चिला सिसिन ओरुङ्ला खोकि थु बिनि वे ।
14
तेमे ङेरेकि थोङ्नि तेमे श्येनि वे पापिकि लुङ्बाला थार्वा तेरुप्ला पुज्युङ् ताङ्नि वे।
15
सिकि चावा येसुकि पुज्युङ हिन सिनि मोवा किउइ ति तानि ति कन्ज्यक गिउइ।
16
तेमे ओरुङ्ला कन्ज्यककि क्याबु ङिङ्ज्ये छ्या वे तेमे मोवा क्याानि वे ङिङ्ज्ये राङ कन्ज्यककि हिन तेमे सु ङिङ्ज्येला देकि ति कन्ज्यक तानि देक्यु तेमे कन्ज्यकि तिङ तितानि देक्यु ।
17
ठिम किरुप् ङिमाला ओरुङ मोवा किरुप सिनि दिला राङ् ङिङ्ज्ये चेङिु गाल्नि वे चिला सिसिन खो चिनक्वे तुक राङ क्यानि ओरुङाङ दि लुङ्बाला वे।
18
ङिङ्ज्येला काङ ज्यिगाङ् जिवा मेङु । हिन्सिनाङ् ङिङ्ज्ये चेङि कि जिवाला तोर्जिक्यु चिला सिसिन् छ्यार्पा वासाला जिवा गिउइ । हिन्सिनाङ सु जिवा किउइ ति ङिङ्ज्येला चेङि मागाला वे ।
19
ओरुङ् ङिङ्ज्ये किउइ चिला सिसिन कन्ज्यककि गमाला ङिङ्ज्ये क्यासुङ।
20
सिकि ङा कन्ज्यका ला ङिङ्ज्ये किउइ सिनि सिउइ तेमे राङि नुक्ला ति ङिङ्मार किउइ तिकि जुनाक जोबु हिन् चिला सिसिन तिकि थोङ्गुप् नुक्ला साङ ङिङ्ज्ये मिकिउइ सिसिन मोथोङु कन्ज्यकला च्यक क्यानि ङिङ्ज्ये किउइ ।
21
तेमे खोकि दि का ओरुङ् तानि वे सिकि कन्ज्यक ला ङिङ्ज्ये किउइ तिकि राङि नुक्लाङ् ङिङ्ज्ये कि गोक्यु।