लिउ ५
1
येसु राङ चावा हिन सिनि मोवा किरुप् तरिक् कन्ज्यक नेसुर् केबु हिन्। सिकि पापाला ङिङ्ज्ये कि तिकि खो नेसुर् केबुलाङ ङिङ्ज्ये किउइ।
2
तेमे ओरुङ् कन्ज्यकला ङिङ्ज्ये किउइ खोकि का तिवा ङेन्ग्यु दि ने राङ् ओरुङ् कन्ज्यककि गिपा तिवाला ङिङ्ज्ये किउइ सिनि छ्या ङेक्यु।
3
कन्ज्यककि ङिङ्ज्ये दिराङ हिन्कि ओरुङ् खोकि का तिराङ् ङेन्ग्यु तेमे खोकि का ति च्येन्दि मेत्।
4
चिला सिसिन कन्ज्यक नेसुर् तेरिक लुङ्बाला ग्याल्ग्यु तेमे लुङ्बाला ग्यालुप् राङ अरे मोवा हिन्।
5
लुङ्बाला ग्यालुप् ति सु हिन्? तिराङ् हिन् सिकि येसुराङ कन्ज्यक हिन् सिनि मोवा कि।
6
खोति देराङ वे सुति छ्यु ताङ् ठाक नेसुर् लेसुङ् चावा येसु खो छ्यु नेसुर् क्याजिक् मिन् हिन्सिराङ् छ्यु ताङ् ठाक नेसुर् लेसुङ्।
7
चिला सिसिन सेतुप तिवा तिवा राङ हिन्।
8
थु छ्यु ताङ् ठाक दिसुङ्राङ डिङ्नि वे।
9
अरेकि मितिविकि श्येतुप् ताम ङेन्ग्यु सिसिन् कन्ज्यककि श्येतुप् ताम ज्येन् यार गिउइ। चिला सिसिन् कन्ज्यककि श्येतुप् ताम ति दिराङ् हिन् राङि पुज्युङ्कि ताम श्येनि वे।
10
सिकि कन्ज्यककि पुज्युङ्ला मोवा किउइ ति तानि राङ श्येतुप् ताम गिउइ। सिकि कन्ज्यक्ला मोवा मिकिउइ तिकि खोला जुनाक् जोबु हिन् चिला सिसिन ति कन्ज्यककि पुज्युङ्कि श्येतुप् ताम्ला मोवा माक्याबा वे।
11
तेमे श्येतुप् ताम ति दिराङ् हिन् कन्ज्यककि ओरुङ्ला नाम्लाङ् मिसिन्बु मिजि बिनि वे तेमे दि मिजि खोकि पुज्युङ् तानि वे ।
12
सुताङ् पुज्युङ् वे ति तानि मिजि वे सुताङ् कन्ज्यककि पुज्युङ् मेत ति तानि मिजि मेत्।
13
ङेदि दि ताम कन्ज्यककि पुज्युङ्कि मिन्ला मोवा कितुप् खिराङ्ला टिबु हिन् तेमे खिराङ् ताङ् नाम्लाङ् मिसिन्दुप् मिजि वे सिनि छ्या ङेत्।
14
कन्ज्यककि दाङ्ला अरे मोवा तिदि दि राङ वेकि अरेकि खोकि सेम्नेसुर् काङ ताम तिवा लाङ्सिन् खोकि ङेन्ग्यु ।
15
तेमे अरेकि खोताङ काङ् लाङ्सिन् खोकि अरे मोपार ङेन्ग्यु सिनि छ्या वसित् खोताङ् लाङ्नि वतुप् ताम ङेनि वे सिनि छ्या वे।
16
सिसिाङ् राङि नुगि सिमिजिम् दिक्पा किइ किरुप् थोङ्सुङ क्यासिन् तिदि मोपार किगोक्यु सोमिजि दिक्पा किरुप् नुक्ला कन्ज्यककि थार्वा तेर्क्यु । सि जितुप् दिक्पा साङ गिउइ तिला सिसाङ मोपार कि गोक्यु सिनि ङा मिसिउइ।
17
तेरिक मेलेवा लाका तिवा दिक्पा हिन् हिन्सिनाङ् श्यि मिजिबु दिक्पा साङ वे।
18
ओरुङ्ला छ्या वे कि सु कन्ज्यक नेसुर् केनि वे तिकि दिक्पा मिकिउइ हिन्सिनाङ सु कन्ज्यक नेसुर् केबु तिवाला कन्ज्यककि तिवाला ल्यामु क्यानि ज्यगु तेमे डेकि तिवाला मेरेगु।
19
ओरुङ्ला छ्या वे ओरुङ् कन्ज्यक ति हिन् दि लुङ्बाला लाक्ला लानि वे।
20
हिन्सिनाङ ओरुङ्ला छ्या वे कन्ज्यककि पुज्युङ वानि वे तेमे ओरुङ्ला रिक्पा टेमु बिनि वे सुति टेङ्बु कन्ज्यकला वे खो ति टेङ्बु कन्ज्यक ताङ नाम्लाङ् मिसिन्दुप् मिजि हिन्।
21
ङिङ्ज्येबु आङा तिवा खिरेकि राङि राङ् राङ्ला कु नेसुर् थारे राङ् ज्यक्।