लिउ ३
1
ल्हो पापिकि ओरुङ्ला चो ङिङ्ज्ये बिनि वे ओरुङ्ला कन्ज्यककि गिपा सिक्यासुङ हुतुङ्राङ ओरुङ् तिनक् वे तुक किसा दि लुङ्बि मि तिवि ओरुङ्ला ङो माश्ये।
2
ङिङ्ज्येबु वे दजोला ओरुङ् कन्ज्यककि गिपा तिवा हिन् तेमे ओरुङ् काङ् हिन् सिनि हारुङ साक चा मातेना वे । ओरुङ्ला छ्या वे तजोला चावा येसु ओरे दाङ्ला थोङ्नि ओरुङ् साङ तिनक् राङ थोङु चिला सिसिन् खो चिनक् वे तिनक् राङ खोला थोङु।
3
चुकै खो ति चेङि वे तिनक् ताङ खोला रेवा ज्यकुप् तिवा तेरिककि राङ्ला चेङि ज्यकुउइ।
4
दिक्पा किरुप् तेरिक कि ठिमकि का मेङेन्बु तिराङ् दिक्पा हिन्।
5
दिक्पा ता ज्यितुप्ला राङ चावा छ्यार्सुङ् सिरुप् ताम छ्याराङ वे तेमे खोला ति दि दिक्पाराङ मेत्।
6
खोताङ देतुप् तिवि दिक्पा मिकिउइ। दिक्पा किरुप् तिवि ना खोला थोङु ना खोला ङो श्येक्यु।
7
ङिङ्ज्येबु तिवा खिराङ्ला सेम थारा थोरि मोजोसित्। चुकै चावा दुक्पा मेतुप् हिन तिनक् राङ दिक्पा मेतुप् लाका किरुप् तिराङ दिक्पा मेतुप् हिन्।
8
सिकि दिक्पा कि तिदि सैतान ति हिन् चिला सिसिन सैतान ति तङ्नेसुर राङ दिक्पा क्यानि वे। सैतानको लाका तिवि खाला ग्यालुप्ला कन्ज्यककि पुज्युङ छ्यार्सुङ।
9
सु कन्ज्यककि कन्ज्यक ने क्यानि वे तिकि दिक्पा मिकिउइ चिला सिसिन् कन्ज्यक चुकै वे तिनक् राङ तिसाङ गिउइ तिकि दिक्पा कि मुथुबु चिला सिसिन् दि कन्ज्यक नेसुर् क्याबु हिन् ।
10
दिला राङ कन्ज्यककि गिपा ताङ सैतानकि गिपा ल्यामु क्यनि ङो श्येक्यु। सिकि दिक्पा वतुप् लाका किउइ तिदि कन्ज्यकति मिन् तेमे सिकि राङ्ङि नुक्ला ङिङ्ज्ये मिकिउइ ति दिङ कन्ज्यककि मिन।
11
खिरे गमा ने ङेन्दुप लेन ति दिराङ हिन् हरे ति चिकि चिक्ला ङिङ्ज्ये कि गोक्यु।
12
ओरुङ काइन दगे हुङ्गुप् मेङु सुति डे ति हिन् तेमे तिकि राङि नक् ला सेसुङ। तेमे तिकि राङि नुक्ला चिले सेसुङ? चिला सिसिन् तिकि लाका तिवा मेलेवा नक् हिन्सोनाङ तिकि नुगि लाका ति लेमु नक्।
13
ङे नक् तिवा दि लुङ्बि खिराङ्ला ङिङ्मार क्यासिन खिराङ यामछेन माकि।
14
ओरुङ्ला छ्या वे ओरुङ् श्येप् नेसुर् मिजिला गाल्नि वे चिला सिसिन् अरेकि उज्यु नुक्ला ङिङ्ज्ये क्यानि वे सिकि ङिङ्ज्ये मिकि तिदि श्यिनि वे।
15
सिकि राङि नक्ला ङिङ्मार कि तिदि मि सेतुप् मि हिन्। तेमे खिराङ्ला छ्या वे मे सेतुप् मि ताङ नाम्लाङ मिसिन्बु मिजि मेङु।
16
दुक् राङ क्यानि ओरुङ ङिङ्ज्ये छ्या ङेक्यु चिला सिसिन चावा ओरुङ्ला सिनि राङि मिजि बिन्सुङ अरेकिसाङ अरे उज्यु मुक तिवाला राङि मिजि तेर् गोक्यु।
17
हिन्सिनाङ सुताङ दि लुङ्बि ताम तिवा गिउइ तिकि राङि नुकति गोवा ला वतुप् थोङ्निसाङ मेतेरु तिला ङिङ्ज्ये मिकिसित् चुक क्यानि ति ताङ कन्ज्यककि ङिङ्ज्ये गि?
18
ङे ङिङ्ज्येबु आङा तिवा ओरुङ छिक् ताङ खे क्याजिक् ङिङ्ज्ये मिकिउइ हिन्सिनाङ लाका ने ताङ हिन्दुप् ताम ने ङिङ्ज्ये किरुप् नक्।
19
दि नेसुर् राङ अरे छ्या ङेक्यु ओरुङ वतुप् ताम कि कन्ज्यक चाला अरे सेम्ति चेङि ज्यक तुप्क्यु।
20
ङिङ्ज्येबु तिवा दुक क्यानि अरे सेम्गि ओरुङ्ला क्येन बिन्सुङ क्यासिन् कन्ज्यक अरे सेम सिनाङ् छ्ये हिन् तेमे खोकि तेरिक् श्येक्यु।
21
ङिङ्ज्येबु तिवा दुक क्यानि अरे सेम्गि ओरुङ्ला क्येन मोतोङ्सियाङ ओरुङ् कन्ज्यककि दङ्ला चेङि मेङु।
22
तेमे अरेकि काङ लाङ्सुङ ति दि खो नेसुर् ओरुङ्ला ङेक्यु चिला सिसिन अरेकि खोकि का तिवा ङेन्ग्यु तेमे खोला गा लाङ्गुप् लाका तिवा किउइ।
23
तेमे खोकि का ति दिराङ हिन् खोकि ओरुङ्ला बिन्दुप् का तिवा खोकि पुज्युङ चावा येसुला मोवा कितुप् ताङ् चिगि चिक्ला ङिङ्ज्ये कि गोक्यु।
24
सिकि कन्ज्यककि का ङेन्ग्यु ति कन्ज्यिक तानि देक्यु तेमे कन्ज्यक ति तिनि देक्यु तेमे ति नेसुर् राङ ओरुङ्ला छ्या गिउइ खोकि ओरुङ्ला बिन्दुप् थु चेङिकि किसा कन्ज्यक ओरुङ तानि देक्यु।