लिउ २
1
ङे ङिङ्ज्येबु आङा तिवा खिराङ् दिक्पा माकि सिनि दि ताम ति टिगिन् वे हिन्सिनाङ खिराङ् सिसिाङ दिक्पा क्यासिन् अरे छ्याला ताम क्या तेरुप् मेरा चिक् दिक्पा मेतुप् चावा येसु वे ।
2
खो ति अरे दिक्पातिवाला सेम ग्युरुप् किरुप् वे, ङेरेति क्याजिक् मिन्, लु्ङ्बाला वतुप् तेरिक तिवाला हिन्।
3
वेरेकि खोकि का ङेन्नक क्यासिन् दिगिराङ् अरे छ्या ङेक्यु कि अरे खोला ङो श्येक्यु।
4
सिकि ङा कन्ज्यकला ङो श्येक्यु सिउइ हिन्सिराङ खोकि का तिवा मेङेन्सिन तिकि जुनाक् जोबु हिन्।
5
हिन्सिराङ सिकि खोकि सुङ ङेन्ग्यि हुतुङ्राङ तिमि ताङ कन्ज्यककि ङिङ्ज्ये चेङि गिउइ तेमे ओरुङ् खो तानि गिउइ।
6
कन्ज्यक तानि देक्यु सिरुप् मि ति चावा येसु थारुप् दगेराङ् थार्गोक्यु।
7
ङे ङिङ्ज्येबु तिवा ङेकि खिराङ्ला का साम्बा टिबु मिन् खिराङ् तानि तङ्नेराङ वतुप् ङिङ्बा काराङ हिन् खिरे ङेन्दुप् सुङ राङ् तङि का हिन्।
8
हिन्सिनाङ ङा खिराङ्ला साम्बा का टिगिन वे दिति चावाला खिराङ्ला वतुप् ताम हिन् चेला सिसिन् नाक्चुबि तोरिन वे तेमे ठाछालि तङ्नेराङ वारिन् वे।
9
सिकि ठाछालि वे सिनि सि तेमे राङि नुक्ला ति ङिङ्मारकि तिदि हारुङ नाक चुबिलाराङ वे।
10
सिकि राङि नुप्ला ङिङ्ज्येकि ति ठा छ्यालिला देक्यु तिला डिलुप् काङ् ज्यिगाङ जिवा मेङु।
11
हिन्सिनाङ सिकि राङि नुक्ला ङिङ्मार किउइ ति तारुङ् नाक् चुबिलाराङ युग्यु तिदि क्येनि डोइ वे सिनि तिला छ्या मेङु चिला सिसिन नाक् चुबिकि किसा तिला मिक् मोथोङु जोनि वे।
12
ङे ङिङ्ज
येबु आङा तिवा ङा खिराङ्ला टिगिन् वे चिला सिसिन् खिरेकि दिक्पा चावाकि मिन्कि सिनि ता चिसुङ।
13
पापि टेङ्रि वे ङा खिराङ्ला टिगिन् वे चिला सिसिन् तङ्नेराङ वतुप् तिवाला खिराङ् ङो श्येक्यु। ज्यादा नाज्युङ्मा तिवा ङा खिराङ्ला टिगिन् वे चिला सिसिन् खिरेकि डेला ग्याल्नि वे। आङा टिक्पे तिवा ङा खिराङ्ला टिगिन् वे चिला सिसिन् खिरेकि पापाला ङो श्येक्यु।
14
पापा तिवा ङे खिराङ्ला टिगिन वे चिला सिसिन खिरेकि तङ्नेसुर राङ वतुप् तिला ङो श्येक्यु । ज्यान्दा नाज्युङ्मा तिवा ङा खिराङ्ला टिगिन वे चिला सिसिन् खिराङ राम्बु वे तेमे कन्ज्यककि खिरे सेम्गि नाङ्ला देक्यु तेमे खिराङ् डे खाला ग्याल्नि वे।
15
जाम्बु लिङ्ला ङिङ्ज्ये माकि ना दि लुङ्ला वतुप् ताम तिवाला राङ सिकि दि लुङ्ला ङिङ्ज्येकि तिकि सेम्गि नाङ्ला पापि ङिङ्ज्ये मेङु।
16
चिला सिसिन दि लुङ्बाला वतुप् तेरिक ताम तिवा जुबुकि हाम्बा मिकि थोङ्गुप् ताम तिवा पापा नेसुर लेबु मिन् दिदि लुङ्बा नेसुर् लेबु हिन्।
17
लुङ्बा ताङ दि हाम्बा तोर्नि डिउइ। हिन्सिनाङ सिकि कन्ज्यककि सेम ज्यक्यु तिदि नाम्लाङ देक्यु।
18
टिक्पे आङा तिवा दि तिङि तुज्ये हिन् खिरेकि चावा खाला लाङ्गुप् तिवा हुङिन वे सिनि थोङिन् वे दजोला चावा खाला लाङ्गुप् तिवा वानि वे दुक्राङ क्यानि दिदि तिङि तुज्ये हिन् सिनि हाक कोत् ।
19
तिवा ङेराङ् नेसुर् थेनि गाल्सुङ हिन्सिनाङ तिवा हर्ति मिन्। तिवा अर्ति हिन्सिया तिवा ओरुङ तानिराङ देक्यु हिन्सिनाङ तिवा अर्ति मिन् सिनि छ्या ङेतुप्ला गाल्सुङ।
20
हिन्सिराङ खिराङ् ताङ कन्ज्यक नेसुर् कि ओङ् वे तेमे खिराङ्हिन्दुप् ताम श्येक्यु।
21
खिरेकि मिन्दुप् ताम क्याबु हिन् सिनि हिन्सिन ङेकि टिबु मिन् हिन्सिनाङ चिनक् ताम साङ मेलेवा नेसुर् लेमे ताम मेङु सिनि खिरेकि श्येवा किसित् सिनि ङेकि खिराङ्ला टिबु हिन्।
22
जुनाक् ज्वप् ति सु हिन्? जुनाक् ज्वप् ति ति हिन् सिकि येसुराङ चावा हिन सिरुप ताम ति सेम्ला मज्यगु। ति मि तिराङ येसुला सेम्ला मालाङु मि हिन् चिला सिसिन् तिकि पापा ताङ पुज्युङ्ला सेम्ला मिलिङु।
23
पुज्युङ्ला सेम्ला मिलिङु सुताङ्साङ पापा मेदेउइ पुज्युङ्ला सेम्ला लिङ्गुप् ताङ पापा गिउइ।
24
खिरेकि तङ्ने ङेन्दुप् ताम खिराङ् तानि हुङ्सित् खिरे तङ्ने ङेन्दुप् ताम तिवा खिराङ तानि गिउ सिसिन् खिराङ् साङ पापा पुज्युङ् ताङनि गिउइ।
25
खोकि ओरुङ्ला ना क्यालु ताम ति दि राङ हिन् मिसिन्बु मिजि हिन्।
26
खिरे सेम ना तोङ्गुप् तिवा ला ङेकि दि ताम टिबु हिन्।
27
खिरेकि खोनेसुर् ङेतुप् ओङ् खिराङ् तानि देक्यु तेमे खिराङ्ला लोप् मोगोउइ। हिन्सिनाङ खोकि ओङ्किराङ तेरोक ताम तिवा लोप् गोक्यु ति ओङ् वतुप् ताम हिन्। तिकि खिराङला लापुप् दगेराङ् खोतानि देत् ।
28
ता ङिङ्ज्येबु आङा तिवा खोतानि राङ देत् तेमे छ्यार्सिन् ओरुङ्तनि राम्बु मोबा हुङ्सित् सिनि तेमे खो हुङ्जि खोकि दङ्ला ङछा मालाङ्सित्।
29
खिरेकि खो दिक्पा मेतुप् हिन सिनि छ्या वसिन् दिक्पा मेतुप् मि तिवा तेरिक खो नेसुर् हिन सिनि खिरेकि श्याक्यु।