1
Ufarisawa ama konusura u Yesu na a dong anyakaran a woru urushalima.
2
Yeni mayita almajirai a Yesu asu rye ugurasa ichari ide kirik, magu yenya ma guzuani icara.
3
(Ufarisawa na a yahudwa ana rye ani manunaru bama guzyi icara nateng, abara magu yenya na zop manang maya cubru.
4
Inna afarisawa aguri awor ukasuwa, awu lallai ayami azura ashii rey manunaru. Yenya de mamanzu manang na yeni na zob ne maguzu manceke, injunu, na idong isantali i'u dalma, yenna kidegha kikari ka manunaru.
5
Afarisawa yenna aya ma nyakara a ribi Yeshi agu "Iyan ideni almajirai amu ana gabani ma zoboro manang ma ya cubru, abara magu yenya na rye manunaru ba ma guzi cara?"
6
" Inyi ma shere yeni agu, Ishayi ma yisha anabci uyin ina mani magu ayitini isu yisha kakusun uzaunini unyong nasugu, ima nyakarya agu 'ayami ana tutunzurami anano nazig, nasugu nayeni na danganzan nami.
7
Matutunzura ma uwan na yenya na yisha mi asu basha i kaidodi ya yashillaci agu a iyirukunai iyeni.
8
Ima nikya manang ma Kashiri apuru manang mayashillaci.
9
Inyi magu yenyagu "ima zuga manang ma Kashiri abara magu izob manang mayin mayashillaci!
10
Abara magu Musa ima nyakarya agu 'ana dukshin aci na nai ki cubru' kuma 'piyi zogonon picu ko pinau yi itumi magu a wuni'
11
Yinniyi kugu, 'inna piyar ikuapicii gu, "mamuki mama mayi magu indinni" (ma inzyan ado Kashiri).
12
Abara kene, idugi yi u izini magu izu dene apicii na pina ka dangmana.
13
I zhiza manang makashiri ukusu wami abara manang mayin mamna imaru do yeni, mani na na dangmana na manzu nayi na yisha."
14
Ima gurumi a yerkya aya manzu agu yeni agu "tarin ato ana bere nang ado ini ma yogotya.
15
Ba kadangma ka wor ka piyar kankada nagaza yi inna ukusumi urighan piyami, amma ukusu ciri ka piyar uni udama nagaza yi."
16
Piyi pog abere ipotya.
17
Na Yeshi ma biskya kati na aya shillaci a konoson a rinya ugira almajirai ayi a ribiyi maduntani mamma.
18
Yesu igu, ainyi gbantazyini? aini mana yaini gu ukusu rian piyer uworuya azan uni una nagaza piyer ba.
19
Abara magu unu dama rinyani a kazaka aka sugu. Saidai unu rinyi unyong aka cira a mazomo akigobi?" Ama bari kene, Yesu guddu, ko mashe manunaru mawani ma dugan
20
Imagu, "ukusu yi unyong nipum ni piyer ununa nagazayi.
21
Abara magu unyong nipum ni piyer, yenna kasugu ka piyer, kumina ku makari, ulalata, udakara, kicama,
22
kagben, kitau kico, mugunta, kucok, kagben kagbaki, iputkunu, kicinzaru, mazhaba manici kidhanra.
23
Duk makusu mamma ma makari mana cizza dagu unyong u piyar, kuma mani mana nagaza piyer."
24
Acoko daga akatikan a kanu shiyyar sur yenna u sida. Inyi ma rinya kadong ka rari abara magu imaniyi agu a yogoti agu iyimi, amma ima nisanayi.
25
Pidon uyini umina pijinni ide u ruhu u makari, inyi ma potya agu Yesu yimi inyi ma kanami aka tuturga kazono kayyi.
26
Piyini umi a umayinzhi mu girka mi, ayi piyer iciri usuku Fonishiya. Yi ma gisa yi agu i cidda uruhu unwu makari umi uyi ukono kam.
27
Inyi magu yi agu, "varah ado nono manunaru tukuna. Mu dugan muni magu azyi manunaru manono ado mũ sang"
28
Piyanu mi igu yi agu, " I Kashiri, mũ sang muna rye manunnaru mamma jikshin awor au tabur u nono."
29
Igu piyinumi agu, " jara worobu, ayajhas ami ami ayu nyong ukono kamu aman cizza."
30
Inyi ma riti ugira akatumu kono kami ka ghmashi aka komi, ayajhas ami aman cira daga ani pum ni kani.
31
Inyi ma gurumi a cira awor shiyar sur, a zoboro u sidon, makana u teku u Galili au shiyu u Dikafolis.
32
Ama yende yi pidong uturi, izasu berbene, a pisayi agu itarki icara iyi uzo u kono kam.
33
Inyi ma cidda kono kami daga unyong ay shillaci ami a konusuran, ajaga apituga, adene icara iyi ana to aka dhanghra kam, a tubrya kitau a rebe nirem ni kono kami.
34
Ka yitu zashiri, a daska ni vataru uzo aguyi agu. "IFatha", agu magu "Gbana"
35
Ata guddu kani mapogma bere, ukusumi uma shishin kani nirem inui biskya kani, ka cigha abere nateng.
36
Inyi magu yeni agu, azu ka barin pidong. Amma duk na magu yeni kene, ama basha ko inki.
37
Asu sasarana agu, "I yisan ko iyan na teng, har adene aturi a potonzya abere, na danghra kuma na suskanya mana berya.