1
Ima biskya yeni ma kna a kudo kuyi, almajirai ayi azobori.
2
Asabar a wanah, i bagha yeni abere ashiri unyongha kulla gisa Kashiri, adong aya shillaci ama potya yi asasara kaci nayi zugi idugi ma bashi mamma. "Uyan hikima na Kashiri ka dugi?" "Ushe ukusu mamaki nayi disha ai cariyi ishi?".
3
"Azan kafinta kankana nka kono ka Maryayamu? Kobinu Yakubu na Yosi na Yahuza na Saminu? Azan a kobini a yeni nakiyi nayeni?" A poton yene urentu abaru Yesu.
4
Yesu ima gu yeni agu "pikuzunun u kashiri izayi kicibru, unyong kudo kuyi, kakobini naugiruyi."
5
Ima suskanyayi madene kadamana ka gbaki, aya cun na ima tashsha yene icara a garganzya yeni.
6
Uza u bangaskiya uyeni uma deni kasasa iwori a kudo ku bakti.
7
Ima yarkya almajirai ayi a kunu yeni aya bamba ado yenu iko umaka garganzya aya deh kigbana ki vunu.
8
Ima do yeni umurni kara azyi kadama aujarumi sai kidogo kara azyi manunaru ko mapokori ko ikorgo anajupu.
9
Agu yeni aden araka azu kpapsha mariga anapum a yeni.
10
Aguyeni agu "inaka zomo a karari kanna itoron har maka coko mayin.
11
Kudo kunku gab kuni masherini, maza potya abere ayin, i kpakrya yeni ka kpokpok ki biniyin."
12
Yeni ama cira uya asu basha abere Shiri, anagu aya shillaci, agu mhi a turborga ka Kashiri. Yeni ama woroani aka disu wa'azi kaya shillaci agu atub a biskya ukusu za dugan azoboro Yeshi.
13
Yeni ama ciddaza kigbana kiuvunu, adugutu aya shillaci ama mai agarganzya yeni.
14
Pigomoh Hiridus ima potya nizagi Yesu niman cira koiki adung asu kuma agu "A Yahaya piyu baptisma i ciri kayamaru kizyi ukusu deni idisha ukusu kassasa".
15
Adong su kuma agu Iliya, ading asu kuma agu pidong unyong a kunzun a Kashiri a zono
16
Na Hiridus ima potya, igu a "Yahaya umi nama bebkiyi naci i cokon".
17
A Hiridus ima dene a puru Yahayi a karkya akati na natazza ayi bang abaru Hirodiyan ( piyini Filibus kobinuyi abarana Hirodiya) ima yi uHirudus ai runga.
18
Yahaya ima barya Hiruduzyi agu " mu dugan mui magu ina rungan piyeni ukobina.
19
Piyinumi Hirudiya ima pog manigi ma Yahaya piyu baptisma amani ma wuni mummu ma wanza gana muni mi.
20
Hirudus ima pog usadh u Yahaya, imagu Yahaya a piyu matini ade kasugu kavur. Kusu ma dene Hirudus ima maniyi maguragu potya manig mai poton Yahaya su basha abere shiri, manigi mana puruyi, deh nizhagha unyong kasugu kayi.
21
Nna Hirodiya izugi u dama idama dene ukusu ni mani madene. Kapakanna ama waba Hirudus kama wana, Hirudus i cansana manunaru mari yenna ma matumzana unyong kigomo kiyi na aya cubru uyong u Galili.
22
Kono na Hirodiya kama kana mi aka chilla mi adoro yani, udoukani uma burge Hiridyzhy yanna ajamiyi pigomo imagu kono komiagu, "Karip ukusu na kamani yi dama do kani."
23
Ima "shiri kani, ko iyan na kamani kona ina dama tusa kogomo kiyi kiba ado kani."
24
Kata cir a ribi pina, "ngura gu idugmi yan?" igu " ni ci Yahaya uruna disu Baptisma."
25
Kata gur na wow a kidankyu taro ka pigomo aguyi agu " Mmani magu domi nici ni Yahaya pidisan uBaptisma au tireh."
26
Kasugu ka pigomo kanaguzura nakam, tunni ima maru do kono, magbaku mu kigomo magbaku mai tuma ama yinzyi mayi mayi ayishini, ina suskani makupa kani.
27
Pigomo ima kunu kidong kisoja a dokinin umurni. Kitar ayende rici ni Yahaya. Kisoja kimi ki gbyekpe yi rici unyong ka sassan kaya shillaci.
28
A yende rici nimi unyong utire ado kajinni kami, kajinni kami ajaga pina.
29
Almajirai ayi ama potya aberemi, ama wana azya kuyaza kumi aka niksha a kushek.
30
Almajirai ami ama wana uYesu, ama bashayi ukusun na yeni adishan na ukusu na yeni a bassan.
31
Imagu yeni, "kanin unyong kati kadugan a vanzana nacin" magu aya shillaci ayima gidarang akaci a zugani kapakama vanzana are manunaru.
32
Ama woro ani unyong ku jirgi kumani yenu tayeni.
33
Aya gbaki ama yita yeni asu jara, ama yogotya yeni ata cizzanu sum a wasu unyong mado asu sumana aka aganza yene.
34
Ama ka zaga a pituga kuteku Yesu yita aya shillaci a gbaki a potya kidere muyeni, ama wana ne, magam maza pizani, acu gaba na mabishi ma abere aShiri.
35
Morong mama wana, Almajirai ayi agiagu, "kaci kanka kadugan morong madagi.
36
Barya aya shillaci a soto ado marinzya mado ma gbakazyi na macincin a sheshe ukusu na dama rizyi.
37
Ima guddu yeni agu, "yin dugin yeni manunaru yeni rye". Yeni aguyi agu "kya zu ka shshe u waina i dari ba yeni a rye shi?
38
Ima ribi yeni na kugi "na war ni de nu borodi? ka yitin." Ama ka yita, aguyi, agu "na kpatara kishi nai sani ba"
39
Ima dene yeni zamzono a kajas angi zugi na dugu yeni.
40
Ama zonzono na kugi adong udari, adong uhamsin.
41
Ima zya kakpatara ku burodi iyi kishi nai sani ba, a cokonya ricinyi uzo a dene abalrkami a pukara uborodi umin, ado almajirai ayi magu atusa a yella a ma konosura agbaki nadug u yeni.
42
Na duk uyeni ama rye a shitunzura.
43
Ama konosha kudezye kuburodi umi utakasananunu kura na bende pituru a kaba na kudezye kisani.
44
Aya shillaci ara ama rye uburodi ama tumu ayar udubu kishi.
45
Imagu almajirai ayi a den kumina atuga ku jirgi kumani akana ka zono aka sukshi u Baitsaida, yi innyanzyanka a sallama aya shillaci.
46
Yani ama woro ani yi tuguzo katari a gisa Kashiri.
47
Moron mana wana kujirgi kunku mani kunyazhi aka caci ka kagubidotuyi uzoh kakungru yi utayi.
48
Ima yita yeni aya kidere uvunu uyaza yeni mijaru. Kapa ikarpe ama wana ma rikata, iwanu yeni asu jaru zo mani adama piranya yeni.
49
Yeni ama yitayi isu jara uzoh mani asadu sassara a degu a piyajhas a sada denigum.
50
Usadu uma yeni nama yita mayi. Yi ma barya na yani agu "wana shigrugin ami zu potin usadu."
51
Ima rinya kujirgi kunkumani nayeni, uvunu mi unyazhanna a sada sassara nawas.
52
Yeni ama ani abere akakugi kami. Namu wani kene asada shishizyi nasugu nayeni.
53
Na ama rapkya a rinya mayinzyimu Janasarita ama dene kujirgi kumi usarka a niri.
54
Ama cizzah unyong kujirgi, aya shillaci ayogotya agu a Yesu.
55
Aya shillaci ama sumana makana amado ma yene a yendezye Yeshi ayaza gassa uzo mahmoshi mayeni uYesu naduk akacinayi kanan.
56
Ko iki ni righan, kudo kugbaki na kucun, amayinzyi mami ana yendezye (agbana) aikasuwa ana gisayi, marebe koina kacara ku riga kuyi, ayangha ma repshi ama zugsugara.