1
Na yenya matumu urakpu u teku, umiyi uyong mayinzhi mu Garasinawa.
2
Aka dar kanna Yesu ima cira awor unyong ku jirgi ku mani pidong iman kye icira awar unyong shere yi.
3
Piyami izomi unyong masheg. ama shishizhinyi amanyeng.
4
Amana shishizyi yi amanyeng na kiyeh, i kpekere na piring. Ba piyi ma suskanya ma gurumi a shishiyi.
5
Mmayi na katuk ina zomi unyong masheg asuyi shigum asu ghmãnã makusu ana tari na shisshi.
6
Na ima yita yeshi idoto dangan, itaka cepke Yeshi a tuturga kazono kayi.
7
A zabkha nimyigh agu, " Kadangma kadaman minapu? Yesu kono ka Kashiri kauzo ingisa bu ani zagi ni kashiri azu disha mi a kadere."
8
Abara magu Yesu imagu pugi piyijhas cira bumi unyong piyan wunu.
9
I ribi yi agu, "nizagi nimu agyano? "Nizagi ninang agu ugbaku" abara magu "wur kigbaki."
10
Inyi ma yira gisa yi agu izu sotonya yeni na yajhar amayinzhi mam.
11
Kati kami alade ta kanonson mi asuzana acia'ani au paru kipana.
12
Yenyangha ma gisha yi agu i biski yenyarinya unyong aladu ami. Inyi ma dumya yeni.
13
Ayajhas ami atumi ne idubu iba. Aladu ami idubu iba a dungarya kagub na usum aka rinzya manimashir.
14
Aya ladu ami a rinya unyong kudo kumi na kudezye ku na tege nami na pstazya asu basha ukusu wani. Aya shillachi a kana mi aka tĩkan maka yita ukusu wani.
15
Yenyangha maka tumu ayita piyami ide ayajhas izomi, kumina kuman guruyi, inyezhi ade mukusu ani pum, ayimi a potya usaid.
16
Ayami ãma tumu ayita piyami ima de kigbana kya yajhas, ama woro ni aka basha ukusunna yenya yitan unyong aladu ami.
17
Ayashillachi ami ãmãgisa yi agu i cir yeni mi amayinzhi.
18
Piyami na ayajhas ama righan, inyi mayita Yesu idama rinya kujirgi kumani a woro yi, i gisa Yeshi agu idama zoboroyi.
19
Yesu ina dumya yi. Aguyi agu " worobu ugiru yin, aka barya yayin ukusu dugan umi na Kashiri ka deni bu."
20
Piyaminyi marinya unyong u Dikafolis asu basha ukusunwu ugbaki na Yesu ideni yi, yenya apotonzya kasasa.
21
Yesu inyi ma guru mi arakya urapku kumana makana urapku manzu, unyong ku jirgi kumi aya shillachi a gbaki a ka gatkyayi, au ƥaru kumana kum.
22
Adong unyong aya ghakazi a basan ami na ana Yesu gu Yariyus, itumu uyi inyi ma yita yi aka tuturga kazono kayyi.
23
Inyi mayira gisa yi, ana gu pijinnunan igara yi har ina pati make. In gisa bu wandi ki kana ugiru nang sa pika tarkya kani icari mu sa kanka garga.
24
Inyi ma zoboro piyanmi, ayashillachi a gbaki zoboro yi aka gbokorya yi
25
Pidong uyini umi namanyo mamasu cizza yi har kiwa pitura kaba.
26
Ima sheze kidere na kham, akanza ka yu ganhar a wunza ikorgo nakham, bama garga kigbanu kimi kisu pizzura.
27
Inyi ma potya abere a Yesu. I zoboro kacini kayyi isu jara unyong aya shillachi a gbaki, ita ryeb pituga pi kuriga kuyyi.
28
Abara magu iyo agu inna irebi pituga pi kuriga kuyyi indama garga.
29
Inyi ma rebe manyo mam mata nyhazanha, i potya anipum niyyi igargan.
30
Yesu inyi ma potya u iko u cira yi ani pum, igu " a wan irebi mi kuriga?".
31
Amajirai ayyi agu, " unyong aya dunna a konusuran pigu wani ryebi bu shiyi?"
32
Yesu inyi ma kuburga mayita piyi ryebi yi.
33
Miyinmumi iyo ukusu wani, inyi ma wana uyi a pok usahd asu zara aka khaghanha kazono ka Yesu a barya yi ribin.
34
Inyi magu piyinumi agu, "jinni ubangaskiya umu u gargananbu, woro bu kigbana kimu kidari."
35
Aka dhar kam na i masu berbene kapiyinumi adong ata tum awor ugira ukugbaku ku kudhagha ku Kashiri agu "jinnibu iman kye iyan ideni pimpi gusa malamia toyo?"
36
Yesu inyi ma potya ukusu na yeni aku igu kugbaku ku dhangha ku Kashiri agu, "azu potya usahd dumya kawai."
37
Ba ma biskya pidong iyi nayi sai a bitruzi na Yakubu na Yayaha kobinu Yakubu.
38
Yeningha ma wana ugiru kugbaku ku kudegha ku Kashiri ayita ayashillachi ana pok ani urentu ana sugu na yeni, au shibana na was.
39
Inyi ma rinya karari kam agu ayashillaci ami agu "iyan ideni nasugu nanna makari ni inyi shibano? Kajinni kanka ka kini kani ammura na kayimi.
40
Yenya cejje yi. I cidda yeni uya naduk uyeni. A yerkya picu kajinni kami yenna pina na ayami na yenya mayi nayi aringda yeni unyong umi na kijinni kami kayi.
41
I puru i cari kajinni kami agu kani agu "Tabitha Kuom" agu magu inkugu coko."
42
Kajinni kami kata coko ajatya nawau (kiwa ki kani kitumi pituru a kaba) aya shillaci ata poti kasasa nawas.
43
Inyi magu yeniagu azu barin pidong. Agu yeni agu dugin kani maninaru karye.