1
Ima cinya mabashi auparu uka gup. Aya Shillaci a gbaki a deniyi aka daahchi, inyi rinya kujirgi kumani unyong kumana kubagbaki azomo. Aya shillaci ami agbaki ayi uzo ka kungru.
2
I magasa yeni manang magbaki na misalai, unyong mabashi mayyi Ima gu yeni agu,
3
"Potin pidong u bizzan imakana kibirah.
4
Ima su amizi i duk, iduk ide i jikshi a ujina, nanin na ma gabini
5
dong kuma ini jigi ana tari, akati kaza mayinzi nakam. Ini ta cir na wau abara magu nadakara namna zullun nani.
6
Inmyigh mummu ma taska, ini roto abara magu ini zaini kinyagha, ata rog
7
I dong ijigi unyong masab, mamma kybokori ni, ini na denini ayizyi.
8
Idang Ijigi amayingzy ma dugan, adene ava, adene ayizyi, a kumza, a do mapiri na ituru itar, idong ituru kutashi, idang ituru pituru.
9
"Yi imaguyeni agu, piyide ato amapog ipoti"
10
A ka dar kanna Yesu, Ima yi utayi, ayami ama patiyi yenna almajirai aiyi pituru akaba. Yeni aribi maana mu misali munni yisan.
11
I guyeni agu, "Yini adumunni ma yogoti asiri umulki ukashiri, amma ayami azani unyong u yin sai a bashi yeni na misalai,
12
Abara magu yenya yitan, bama yogotya. Mapoti, kuma yeni ma potya, ba ma potya, a bara magu, yenya gabyani ma wana ama zuga magusku mi ibang.
13
Yi imagu yeni agu, aini magu iyogotonni misali mami uyanku naidama yogotya kudezye kumi
14
piyu kibira kinpa apibizzan wa berya kashiri.
15
Idug imi imajigi aujina, a ayami apoton abere akashiri, shetan ima rinya nasugu na yeni a gaza.
16
Kenna idug imi na ama bizza a natari, yeni ayi ayami ana potya abere akashiri ashere nawau ana sugu nabok
17
azani nicini, bama shirii, nna kidere ko utsanani uzug yeni, yenya ta gur kacini.
18
A dong kuma ayeni ayi maduntani mi idug imi ijigi amasap, yeni ayi ayami a poton abere mi,
19
amma makusu ma uyah unwu, yenni kiciparu kimade na kitau kico kina damana, ringya kumina kupiyami abere mi ana dene ani utuma umatini.
20
I mi na a ma biza ama Yingzyi madugan, ayeni ami ayi maduntani ma ya poton, ashere, ayishu tuma mi azuga mapiri ma iyuru itar, adong ituru kutashi, adong ituru pituru.
21
Igu yeni agu, ana yende ura ugira atara agusa aka bende ba ana tara aka rangha kaka komyo? Baina yende ama tarkya uzo kazomi kuwuni?
22
Ba ukusu nisan, kenna adama yogotya ni, unna a dama ciddani a candharya ba.
23
Piyi de ato amapoti, ipoti
24
Inyi magu yeni agu, tarin kumina aukusun na ipoton, kukuran kunna pikuran mi, kuni na adama kurgya bumi, har namapiri.
25
Abara magu piyamide nadama pirya yimi, piyi zayi, adama sheruyi a pirya piyi de.
26
Igu yeni agu umulkyu kashiri uyi ne piyi myizyi duk kajhas.
27
Kadong katuk inicira a kumza bamayo kenna adeni inicira
28
Mayinzyi mana dene matini, macira mai dug mani mayi kacing.
29
Ashii fotton, ashi dene Inunaru. Kapa kamna iniyeni, azya kuramjiya a cezye mi, macira matege madagi kenan.
30
I pa guragu, iyan na dama duntarya na u mulki u kashiryo? Ba mashe masali na dama duntarya na uni?
31
Unu yine pigbangaran piuzara pinna nna biri, ka da yake apini pi piri ama cun unyong igbangarang i uyangwu
32
Duk na kene inna a biiri pini pimpi na kumza apira kudezye ku ki bizzuman kinkiyi uyangwu ama kumza adene mpaga mugbakazyi, har nanin nana guza mi ampaga mum.
33
Ima bashayenya bere, na misali mummu, kenna ushiiru umayo mayeni uyi.
34
Ina barya yi yeni kadamana sai na misali, amma apituga, Ina basha u almajirai uyyi ko iyan.
35
Katuk kankana, morong mamma ma wana, Igu yeni agu wanin ki rakya kuri urapku.
36
Yenyangha ma biskya kudezhe kwaya shillaci mi a rinzyi kujirgi a zoboro Yi. Mamanzu majirgi mayimi nnamani.
37
Uriru ugbaki na uvunu uma coko, mani mashir macinya Imayigata kujirgi kumi, kujirgi kumi ku kura na mani mamma ringzan.
38
Yesu Izomi kacini kaku jirgi kumi akugasa. A purimmura, yenyanghama zhimya yi, aguyi agu, kumalami kidama kizii pina koti bu?
39
I zyinta a coko a nyanga uvunu mi. Agurumi agu mani muteku umi agu Anyazhanin a kizyini na tic. Uvunu mi unyezhenha, katii ka kiza na kiu.
40
Igu yeni agu, Iyan idenini i potu i sahd nayo? Haryanzu i zaini u bangaskiya?
41
Yenya potu sahd agu a ciyeni agu, wanninde uiko nashi uvunu Yenna uteku adishayi ubiyayya?