¹ Yesu Igurmi ajata sai ga pidong uyer ikiti kacara, ² Adong ayer asinsinim agu ayita baina garganya yi katuk ka sabar. Don yani asuniyi ³ Yesu Igu peyu aka cara kan kakiti i coko anyezhanha akacaci kayer ⁴ Yesu ima bera kayer agu, mudugan ayishi kadan mana kadugan katuk kasabar ba adon adon muza dugan, agarkani biyer ba awun akizani natik. ⁵ Yesu iyita yani akishiga, ayisha kasugu kishigami uyani agu piyami de kacara kakiti, Idaska kacara kami ima Idaska kacara kami Yesu Igarganayi. ⁶ A Farisawa acira na kasasa makana kayer aheridus aka camsana kenna ana wuna Yeshi ⁷ Yesu yeni ayi na almajerai ayi, maworani akajiwa ka pandari. Ayer adun a zoboro yani ayu suku Galili na Uyahudiya. ⁸ usuku Urshalima na Edom kazono ku urdun umanru Taya na Sidon naya ma kosura adun agu ayita ukusu na iyimi. Akanuyi ⁹ Yesu Ima ribi almajirai ayi anapsayi kujirgi kucun kumani sabo amakossura mayer aghaki sabo na magu azuk ayamariyi ¹⁰ Yesu Igarganan ayar aghaki, aya adeshe kighana, ayisha kenna adama rebe Yesu ¹¹ Duk kathang kan na ayu ruhu umakari ayitanyi yani a tutunzura kazono kayi ayishi igum anagu pu piyi kono kashiri ¹² Yesu igu yani agu yeni azu damu, ayagotyayi ¹³ Yesu ima tuga uzo kupana, ayarkya aya nimani agu akana uyi. ¹⁴ Yesu ma teske ayer pituru akaba (ado yani nizagi agu manzanni) ayami ada mayi nayi, akuni yani, agu aka bashi abare ashiri, ¹⁵ Yesu Imadoyani uiko uma ciddaza ayajas ¹⁶ Yesu Ima teske ya pituru akaba, ado Simani nizagi agu Bitrus ¹⁷ Yakubu kono kazabadi na Yahaya kopina uyakubu adoh yani nizagi agu Buwanarjis nono na tsawa (marata ) ¹⁸ a a Andarawus na Filibus na Bartalamawus na Matta na Tama na Yakubu kono ka Halfa na Tddawus na Saminu Ba-kananiye, ¹⁹ Yahuza Iskariyo umi madoh Yesu agu awun ²⁰ kapakam ni ma rinya Ugira akapah kamakonusura har anya yani akari kamaninaru, ²¹ Ayu ugiruyi ama bota kene yani acira apuri, na ama gu Izayi matini maiyi ²² Amayakara aya yani atumu awor urshalima agu Ai Ba azabu ba itugi uyi, na uiko upigomo ayajas nayi ciddaza ayajas ²³ Yesu Ima yarkya yani, agu yani uyhong misali, nni na damadene shitan Icidda shetani ²⁴ idan na umurki kiwaktan kiba kinki dama dugurakini ²⁵ kene in na ugira uwakatan kiba mazamansana mada madara ²⁶ In na shitan idaniyi matini ida ma wakta, Idama Iyayi manyezhanha, kapa kayi kadari kenan ²⁷ Bapiyi dama rinya karari ka piyar i citari a gashi makusu, ana shishin buyi ashikphokso makusu mugirumi ²⁸ Nibin na in bashini agu Ibang inna ayar adama dene, adama gafarta yeni, Imis usabon ani aku anono na yeni ²⁹ amma duk piyi Ideni ibang Uruhu ufur adama gafartani yi ko na cun, i wani piyi ibang iza dara. ³⁰ Yesu i beren kena agu akunyi agu ide Uruhu uza dugan. ³¹ Akapa kami pina Uyesu na kobini amawana ama nyazanzanah uya, akunu uyi agu ko imani ko mazamani i wan. ³² Aya agbaki azomzi amanraniyi agi agu pinna na kobini ayi uya asu gbyeniyi ³³ Iguddu yani agu awani ayi pinna unang na kwani ³⁴ Ikumburga ayita ayami amagronyi agu ga pina unang na kwani nna. ³⁵ Piyi isha ukusumi na kashiri kamani ayi iyi kobina unang urumi na uyeni apina unang.