¹ Na ima guru awor Kafarnahum unyong a tuk acin a potya agiy. ² Aya gbaki akonusura kuri ba kaci kuma woro harkarog Yesu iberya, ³ Adong ayar a wanyi adeh pidong uyar ideh kupentu kukiti, a ya nas ade piyam. ⁴ Kapakanna amaiyani makanu a pati abara na ayashillaci ama gbaki, ama ragha kusuno kuki daghallim a dunturya a kati kamina yiyi. Ama whakha kusura atondo kakomi kanna pigbana ima ghmoshi mi. ⁵ Na ma yita mazob maKashiri mayeni Yesu, i gu piyar kikiti kupentu "ana man gafarta bu, ibang imu." ⁶ Adong a nyakaran azomzyi a katikami ayi ki mina anasugu nayeni, ⁷ "Adenini na piyangwu idama berya kene? Ideni ibang! Wan dama gafarta ibang shi, she Kashiri utakani?" ⁸ Igu yeni, " iyan deni yini migza mummu ana sugu mayin? ⁹ Iyan piri au dugan na dama barya piyu kitikupentu amaru gafartabu ibang imu, ba abari bu agu coko azya kugbmoshi kumu a worobu? ¹⁰ Abara magu yogotin, kono ka piyar kadeu iko uma gafarta ibang, uyangwu" igu piyi kitazyi kupentu kuri pum, ¹¹ " nkubagu, coko zya kuye kumu aworobu ugirumu." ¹² Ima coko na wau azya kuye kuyi, ciru girumi aworo kazono kayeni naduk u yeni ama sasara. Ama do Kashiri kucibru. Yeni amagu kidotu mayita iyiri kusu neuru. ¹³ Ima pa cir a pituga pika kajiwa, utaro wa yashillaci ukanu yi, ibasha yeni. ¹⁴ Kapakanni masu woso ayita Levi kono ka Halfa izomi kai sheshe kagandu, igi agu, "zoboromi". I coko a zoboro yi. ¹⁵ Yesu ima rinya karari ka Levi, isu re ma manunaru, asheshen aka gandu, na ayi ibang amakanuyi na almajirai ayi a gbaki, ayashillaci atun a zoboroyi. ¹⁶ A nyakaran u farisawa yeni ayita Yesu su reh maninuru na ayibang na aya ma sheshi maka gandu, yeni abarya almajirai "iyan deni isurena aya ma sheshe maka gandu na ayi bang?" ¹⁷ Yesu poton kene ibarya yeni ayashillaci a ara gassa apum amaniani piwuga, aya gassa amani awuga nwami mayarkya aya de iduntu, aya di bang nan mani. ¹⁸ Almajirai a Yahaya naufarisawa asu disha azumi adong ayashillaci a wana abarya "iyan deni almajirai a yahaya na alamjirai aufarisawa a disha azumi amu anasu dishani?" ¹⁹ Yesu ibarya yeni, "ajami a ku ango adama disha azumi akapana ku ango kuyi nayeni? Inba ayi kuango adama dishani azumi, ²⁰ atuk ajara na adama zya ku ango mi uyeni, atuk ari nayeni adama disha azumi. ²¹ Ba piyar idama tuzza kuriga kupas a parkya naku gus kuriga kumi kudama gbanta a gbanta mamakari. ²² Ba piyar idama dene mani inabi a kishibi kugus, ai ai usaikumi udama puta kuma mani mainabi majigi, na duk mani mirnabimi na kishibi adama biza yeni. Na madene dene mani minabi mapas a lishibi ki pas." ²³ Katuk ka sabar Yesu ima kanu unon nakap mi ninaru, almajirai ayi a puru ma sulla mi nnunaru. ²⁴ Ayu farisawa abarin yi, "yita, iyan deni yeni disu ukusu uza dugan katuk ka sabar?" ²⁵ Yesu ibarya yeni, "i karanta ni ukusu na Dauda deni akapa na ima pokigbam - yenna aya mayi nayi - ²⁶ kenni ma rinya karari Ka-shiri, akapa na abiyata amayi kufirist kugbaki ana marya uburodi ku firist muduganmuni, ba pidong imanarya, she mafiristoci, a do aya mayi nayi?" ²⁷ Yesu magu atari asabar abara kapiyar a fari ni asabar abara kapiyar ba. ²⁸ Abara kene e, kono kapiyar au Ubangiji har na wa sabar.