¹ Ana tugami a aya shillaci ama konusura na kham, bama de maninaru mari. ² Yesu Iyerkya yi agu I pog kidere kya yangha a konoson yeni atugayeni atar kenna ayer ayi azani maninaru mari. ³ Nnan ugu yeni a zagsanani ana rari na yeni bayeni marini maninaru, yenya dama ka potya macaza aujina abara na, na rari na yeni na dangan. ⁴ Almajirai ayi a shere agu, inkii na kidama zuga ugurasa akarimi kanka umi u dama wana a yangha? ⁵ I ribi yeni agu ''ugurasa uwar na ideh?'' yeni agu ''kushere.'' ⁶ Igu kowan izomo, Imazya ugurasa umi kushere agu shambarka, a pukaruni agu almajiraai aiyi agu zyinin a tusa ayashillaci. Yenya coko a tusa ⁷ Ade musani mucun-cu nacun. Iyi ma gurumi agu shambarka a do yeni agu yeni agu tusa aya shillaci. ⁸ Yeningha mare a shitunzurah, akonosha kudezeh kum har kura na bende pituru akaba. ⁹ Ayashillaci amayi ayar i dubu i naz. Aduru agu yeni awasoani. ¹⁰ I ma ta rinyi kujirgi kumani yenna almajirai, ayyi makana au yenki u Dalmanuta. ¹¹ Afarisawa atumu amacigha pikagara na yi. Amani magu I dugi yeni maduntani mawor uzo, mayita kenniyi. ¹² I daska nivataru anagu, ''iyan ideni kusanakugbene maduntanyo? Hakika in bashini, ba ma dong ma duntani na adama do kusana kunku.'' ¹³ Ita biski yeni agurmi a rinyagh kujirgi makana urapku. ¹⁴ Akapa kami almajirai ayyi a wurunun mazya u burodi akade. Manna yenya taka de uburodi udagh nazik unyong kujirgi ku mani. ¹⁵ Nbashi ni agu, ''zu ghanghanin na u yisti wa Farisawa na u yisti u Hiridus.'' ¹⁶ Almagirai ami a cinyagh kutepu mi anagu ba, ''manna kizaidi uburod.'' ¹⁷ Yesu iyo, aguyenyagu, Iyan ideni na yi berbene abara mazamani mauburodi? Idoto ma yogotya kene? I yoini kene? Ba kumina kuyin kadoto ma gbanta shi? ¹⁸ Ide a yizi, bama zingzini? I de ato bama pokgo? I minganniyi? ¹⁹ Imma tusa uburodi ka yar Idubu kishi, nabende na war nama tako? Yyeni agu ''pituru ayiba'' ²⁰ Yenna manna imma tusuru Iborodi Kushere atusa ayar madubu manas,na bende na war nama taka na kuri nau burudiyo? Yeni aguyi agu ''Kushere'' ²¹ I guyeni agu, i doto ma yokotya kene? ²² Yeninyagh ma tumu u Baitsaida. Aya shillaci aka tikam a yende yi pidong udumu, agisayi agu i ryeb pidumumi. ²³ Yesu yima puru kacara ka pidumumi, a jaga yi ukamru kudohkum. Inyi ma tubrya kitau ana yizi apidumumi, a tarkya kara kapiyami, aribiyi agu ''pizingzini kadangma?'' ²⁴ Izhapkha ayizi uzo agu ''inzingzini aya shillaci ayi na naci na jara. ²⁵ Inyi ma gurumi a tarkya yi kacara anayizi apiyami i gbanna ayizi, a cinyagh nnamen ma tege nateng. ²⁶ Yesu i tagurayi agu jara worobu ugira aguyiagu, ''azu a ringzya unyong kudo.'' ²⁷ Yesu na almagirai ayyi aringzya modo mu kaisariya u Filibi.Yenenyagh nnayi aujina, Yesu Iribi yeni agu, a yanyara ana gu amigi wano? ²⁸ Yeni agu yi agu, Yahaya piyu baptisma, adong agu, Iliya, adong ma agu piyu dah unyong u annabawa. ²⁹ I ribi yeni agu, yin do isu kumagu ami wan? Bitrus Igu, A ''ahpu Almasihu.'' ³⁰ Yesu igu yenyagu zubarin pidong. ³¹ Inyi mapuru ma magasa yeni agu, a u dole kono ka piyer ka sheze kidere. aya cubru na mapriest na nyakaran adama gabani yi, awunayi. Unyong atuk atar Idama coko aworiyi. ³² Ima berya kene a candharen. Bitrus ita daska yi apituga a nyanga yi. ³³ Yesu ikuburga ayita Almagirai ayyi anyanga Bitruszi asu kumagu, guru kacini kanang. Shaidan, abara na pipiri ama koti na ukusu na yashillaci ayimi bama koti na Kashiri. ³⁴ Ima yarkya ayashillaci na Almagirai ayyi akati kade, agu yeni agu, piyi mani mazoboro mi muwani magu ikupa niciniyyi, azya ugiciye uyi a zoboromi. ³⁵ Piyi kugu idama gaska nicii niyyi, idama biza nini. Piyi bizhi navataru niyyi abarumi na abere nang Indama gaskayi. ³⁶ Iyan i dama mukya piyer inna i zugi makusu maya abiza nivataru niyyi. ³⁷ Iyanna piyer idama do aumaimako univataru niyyi? ³⁸ Piyi poton ugbor unang ko abere anang a kusana kunku ku makari kude ibang, kono ka piyher innakani kadama potya ugbor upiyami adhar kannayi dama guru unyong u daukaka u picu na malaiku madu utsarki.