¹ Na Yesu ima duru mayishi almajirai ayi u waazi ima biskya katikami, aworoyi amayinzyi mayeni makasa kayashillaci na waazi. ² Na yahaya piyu ma guzu mi bang ima potya ayi inyong aku karkan kenne ukusunna Yesu idishi, ima kunu ukun ka almajirai ayi. ³ Ima guyi, "pigi pidama wana?" Ba kiden ayizyi ka pidong. ⁴ Yesu ima guddu yeni agu, "kanin aka bara Yahayi u kusunna iyitan na ukusunna ipoton. ⁵ Adumu a zugsa ma dukara kati, na gundari na Jara, aguzu inkpakti, aturi a pog abere innayeni a cokonzya aya man kizyi, aya mani ana duksha ubishara. ⁶ A piyu libarka unna izana ciri a baru mi. ⁷ Ama duri aworoni, Yesu ima cigya mayishi yashillaci u jawabi anici ni Yahaya piyu ma guzu mibangi yanna uvunu u suma? ⁸ A iyan ni kanza ma dukara a magara. Piyar ideni makusu mayi na kpetekep? Mbashini, aya disha makusu mayi na kpetekep a zomzyi a kudagh kwagomo. ⁹ Ama yanna ikanza dukara anabi? In bashini ma apiri anabi. ¹⁰ Mummu muni munna a nyakaran uyi, "ita, inkunzu pikunzun unan, unna adama woroyi kazono kamu maka napsa bu ujina kati na pidama zoboro. ¹¹ In bashini nibin unyong ayini anna awabazyi ba piyi piri amacin uyong kigomo kyiu zo ipiriyi au gbaku. ¹² Tun ana duk ari Yahaya piyu maguzu mi bang ma-ma zaga mina, kigomo kyiuzo kiya she-she u gwagwarmayai aya uhusuma ye nima ana gaza na ushiru. ¹³ Gama ababawami na duk na mtya ama yisha annabci har makana akapaka Yahaya. ¹⁴ Yinma ina mashere, piyallu iyi Iliya unna innama wana. ¹⁵ Piyi de ato amapoti, ipoton ¹⁶ Iyanna nna kwatanta uzamani? unuyi na nono na gangana amayokro, ama zomo asu yasa aci ayani. ¹⁷ Asu kumagu ki peprezyi ni matatum igabini madoro ki yisan ugongono, igabini mashibana. ¹⁸ Yahaya ima tumu, ama reyi gurasa ba ma so mani mi nabi, amagu, "ide lijannu". ¹⁹ Kono ka Kashiri kama tumu asu re asu she-she, amagu "yita" piyu hamada, pishe-shen, pijamu u piyi na she-she kagandu na ayi bang!" Ama iduntu, ka utuma yini nana dumya na ini. ²⁰ Na Yesu i ma cigya ma, nyana yeni unyong ubiga umi kti na ima disha utuma uyi, domin ama guskan ani ibang iyeni. ²¹ Kidere kimu korasinu, kidere ki mu batsaida! Ana kenna ayisan utuma u kasasa a utaya na usidon kenna ama dene unyong uyin, anamang gusku ibang iyeni adene makusu magamantazi a sokoto nto. ²² Ama mu dami wana mu bagha na usidon a katuk kamatya a pirin. ²³ Puh Kafarnahum, pidogo ba adama do ibu kigomo makanu zoh babu u dama! Toddo bu kajas makana u hades. Ama anama da yisha udugu u al'ajibi unna ama disha u sodom, ununa yinni maka tumu akapakanka, ²⁴ ama nna gu ini agu anama mukya u sodom akatuk kama tya a pirini. ²⁵ Akapa kami Yesu igu "u yabo umu ushe, Kashiri, Kashiri ku zo na kajas, pini sasan ayi duntu na mayokoti mayin, pisaganan aya yoeni ayokotya, na nono na cincin. ²⁶ Kene Kashiri mummu muni muyi mudugan upu. ²⁷ Aman domi koiyan ka picu nan ba piyu yo kono sai picu, ba piyi yo picu sai kono, piyi mani magu a saganiyi. ²⁸ Wanin umi na duguyin aya yi kidere na makusu mazyip, mi ndama doini mavanzana. ²⁹ Zyinin ukarkya unang a makasa umi, miginde utawali'u na madugan muhalici a kasugu, sannan idama zuga mavanzana a ujaru yin. ³⁰ U bauta unang uni ugon uni makusu manang mazyip mani.