¹ Yesu ima yarkya almajirai pituru akaba, ima do yeni u iko uma ciddaza, iuruhohi iza dugan, maciddaza kigbana na maza gara. ² Azagi ama manzani mamma pituru aka ba. Piyu zoni, Saminu, unna ana Yesa agu Bitrus, na kobina Andrawas, Yakubu kono ka Zabadi, na kobinuyi Yahaya. ³ Filibus na Bartalamawus. Na Toma na Matiyu piyu ma she-she muharaji na Yakubu kono ka Halfa, na Taddawus. ⁴ Saminu na Bakaira wani Yahuza Iskariyoti unna ama zyi-zyi Yeshi. ⁵ Ayamiara pituru aka ba yeni na Yesu ima kunu, ima do yeni umurni ima gu, yena zu, rigya ka-ya za-yo Kashiri ko aya kudo ku Samariya na duk. ⁶ Agui akana kamagam mamma man wuru aka rari ki Isra'ila. ⁷ Nni ijar iyisu uwa'azi, a kumagu 'kigomo kiuzo kna pati.' ⁸ Garganin aya za gassa, cokonzyin ayaman kizyi a guzyin, nkpakti aciddaza ayajhas ukyauta ni zugi yimma dugin adon. ⁹ Zu detin uzinariya na azurfa na utagulla akupakti kuyin. ¹⁰ Zu zyinin kupokori a jaruyin, na mariga mayin maba na araka, ko kidogo don pitumzanan, aduk yi manunaru maiyi. ¹¹ Ko ushe ubiga ko kudo kunna irigyan izuga piyi dugan unyong uyeni azomo ugiruyi makana akapakanna idama worini, ¹² nni dama rinyu ugiraigu, usalama nayin. ¹³ Nna karari kade usalama uyin udamayiuyi mba izai ni usalama uyin udama guruyin. ¹⁴ Ko yami agabini masheri ni ko matara ato uyin nnai dama biskya karari kami ko ugirumi iyagriyi ka kpokkpok kibini yin. ¹⁵ Kene nan bashini, katuk kamatya adama piri mapotin mu saduma nau gomara ba ubirnung umuruba. ¹⁶ "Ita nkunini na magam aka caci kaya yo, abara kene iwana ayade idunta ne iyogo na aya za de managaza ne naputturu. ¹⁷ Nuskurin ayo naya shillaci, azu jagini kazono kagomo,yeni adama kpyillazyi ni amadhagh mayeni. ¹⁸ Adama jigini kazono kaya matya na aya zayo Kashiri magu dugin ushaida akazono kayeni na kazono ka ya shillaci. ¹⁹ NNna zyinni a dakarya izu damu kenna idama berbene, na ukusunna idama barya, adama doini ukusuna ina barya kapakami. ²⁰ Azan yini dama berbene au ruhu upicuyin uberbene a na no nayin. ²¹ Kobina idama do kobini uyi awuna, picu kono kaiyi, nono nada cokono awabaza adene awunza yeni. ²² Iya shillaci anagabani nizagi ninan; Ama piyi shigrugan makana akamangarin, ina supta. ²³ Nna piwanan ni unyong kudo kumi iworini aku kumanzu kudo kenna imbashini, kamin idur mamangri kudo ku Israila, kono k Kashiri kana wana. ²⁴ Pimagasan ina pirayi piyi magasan yi, pidere ina piri, picugiru yi. ²⁵ Mu dugan kono ka magasa awana ne pimakasan ukani pidere nnayi iwana ne piyugiru yi. Inna ayarkhan picugira agu Ba'alzabuba ana nagaza aya karari kayi. ²⁶ Izu potu usahd uyeni ukusu ausan unna adama saganyani. ²⁷ Ukusun na mbashini akanisa, barin ausarari ukusumina ipoton, unyong, unyong utuma bashin ni zaginikani aciri uzondagh. ²⁸ Izu potu sahd waya mawunza nipum nipiyar, maza iya mawuna nivataru. Potin usahd uiko uma wuna nipun anukya nivataru unyong ura. ²⁹ Azan munin muba na ma na zyi-zyi a kukobo? Ba kadha unyong uneni kadama jigi kajhas ba madumi mapicuyin. ³⁰ Kici kiyin ma aki bazzan. ³¹ Zu potin usahd u daraj uyin upiri umunin mu gbaki. ³² Min nagu duk piyi basha nizagyi ninan kazono kaya shillaci mima indama basha nizagyi niyi ka zono ka picu nan ungwu yi uzo. ³³ Piyi deni pikagara pi mayo manang ka ya shillaci, migima ndama dene pikagara piyi kazono kapicu nan kuri ki zo ³⁴ Izu deguba nwani ma yende usalama uyangwu, a mima wani mayende kutakobi a zan salama. ³⁵ Min wani ma dabakya rijma, piyarna picuyi kono kayeni na pinu kani piyini na pinyogo uyi. ³⁶ Ayi gaba na pu adama wana aya karari kamu. ³⁷ Na duk piyi piri ama mani piwaban uyi na pinau uyi a piri mi, azan unana, na piyi ma mani kono kayi ko piginni piyi nami, azan unang. ³⁸ Piyi zanyi ugiciye uyi azoboromi, a zanu nammi. ³⁹ Na duk piyi mani magaska nivataru niyi idama biza nini, piyar yazu biza nivataru niyi abaru mi, iya magasa nivataru niyi. ⁴⁰ Piyi sherini isheri mi kene. Piyi sherimi isheri piyi kunu mi, piyi sheri pikunzunun washiri abara nayi iyi pikunzunun wa shiri. ⁴¹ Idama sheri ilada ne ipikunzunun uKashiri. Piyi sheri pidisan ukusu matini, abara nayi iyi pidasan umatini, idama zuai lada ne pidisan umatini. ⁴² Kowan idugi unyong aya cincin ara ukofi umanimashir mazug iso, abara nayi almajiri anang, nbashi ni idama taba yi ma bizyi uladiyi magu iyi limajii ninan, kenne muyi, in bashini.