¹ Akapakami, Yesu ama woriyi katuk kasabar, a zoboro unyong kakab kininaru. Na almajirai ama potya igbom, yeni ma cogha mayisza ininaru are. ² Na ayu farisawa ama yita yeni, ama gu Yesui, "Ita, almajirai amu a disha ukusunna udoki nyazyimi akatuk ka sabar. ³ Ama Yesu imagu yeni agu, "iyitanni ukusunna Dauda ama dishi unna ama Nyakara. Akapakanna ima pog igbom na yarumi ami amayi nayi? ⁴ Kenna ima rinya karari ka Kashiri, ima re maninaru manna adumun ani agu ari kono a yarumi ami ayi na yeni mani nama re ma firistoci nazik madama re maninaru mami? ⁵ Ima yitini a kunyakaran unyong matya agu, katuk kasabar, mapiristoci mammayi unyong kudo, ku Kashiri yeni adisha ibang katuk kasabar, amenna azani ibang? ⁶ Ama nbashini agu, piyi piri kudahg ku Kashiri ama gbaki iyimi. ⁷ Inayo ukusun na aberengha a kuma, "Inpiriama mani magaska, na magu uhadaya inama yishini matya mapiyi rapu. ⁸ Ama kono ka Kashiri kani kayi Kashiri. ⁹ Yesu ima biskya katikami, aka rinya kudahg kuyeni ku Kashiri. ¹⁰ Pidon ima tumu unna kacara kayi ka kiti, mafarisawa ma ribi Yesui, agu Udoka uma nyazu ni ma garganzya katuk kasabar? Ama mani ma puruyi na irapu. ¹¹ Yesu imagu yeni, "wan unyong uyin unna ide kugam kude kujigi unyong katege kadangan igabayi mariti aka cidda kuni agu akatuk Kasabaryo? ¹² Nni na dama kwatanta udaraja u piyar na u kugam! Toh Kashiri kama dene ukusu dugan katuk kasabar" ¹³ Yesu imagu piyami "Dakana kacara kamu" Ima dakana kacara kayi, kacara kami kama garga na kamanzu kacara kami. ¹⁴ Ama mapiristoci mama cura uya ama cigha macansana maza dugan, asu gbene ujina kenna adama wunayi. ¹⁵ Na Yesu ma potya mummu, ima cidda nici niyimi, ayashillaci adun ama zoboroyi, ima gargana yeni na duk. ¹⁶ Imagu yeni agu asu barin pidong. ¹⁷ Magu ukusumi uwani nibin a ukusunna ama man barya ka anabi Ishaya agu, ¹⁸ "Yitin pidere unang unna in samgan unna imanimi unna ina domi rizhagha a kasugu kanang nakam. Nna dene uruhu anaci ayin, ina ciske abere ka ayashillaci. ¹⁹ Ida dazayi abere ba mazakpo marimhigiba piyi na potya rimihig niyi. ²⁰ Idama tuzuyi kusagha kunkuman kandurgai idama rimtayi matus mammana dama rinti, ima yende maceske ga unasara. ²¹ Ayashillaci ana shira ani zagi niyi. ²² Pidong iyi pidumumi, iyi pituri ayajes ayi unyong nipum niyi, ama yende yi u Yesu, ima deneyi garga ima zuga mayitta kati, kuma a yogotya abere. ²³ Kasasa kama puru ayashillaci nakam asu kuma gu "Ba piyanghu iyi kono ka Dauda shi?" ²⁴ Na ufarisawa uma potya ukusunna idisan, yenagu, "piyanghu iciddaza ayajes u bahalzabuba pigomo waya jes" Ama Yesu iyo kumina kuyeni imagu, ²⁵ "Duk kigomo kinki parguran kazono na nici nikini. Inama yazanhayi, ubiga ungu parguran ununa yazanuni. Ko karari ka wakta, inama yikiri. ²⁶ Inna shaitan iciddan shaitani, iwakan niciniyi. Inni na kigomo kiyin ki9dama nyazanha? ²⁷ Inna ciddaza ayajes a u iko u ba'alzabuba uwan na ayo Kashiri anama ciddaza yo? Ingu yani adama yishuni matya. ²⁸ Inna in ciddaza ayajes uruhu u Kashiri, in bashini ki wani uyin. ²⁹ Kuma inni na piyer idama rinya karari kapiyi shiri a kpoko yi makusu ba macigha ma shi-shizyi yi? Kenne ama ima suskanyama dakarayi makusu a karari kayi. ³⁰ Piyi maniyimi, musaganan magu iya mazamansa nami piyi zayi nami, iyamayanza. ³¹ Nbashini mummu koishe ibang na irapu, ana gusku piyar, ama irapu uruhu adama guskani. ³² Duk piyi nagazan kono ka Kashiri adama guskuyi ibang iyi- am piyi nagazan a uruhu upigomo anama guskaniyi ibang iyi, inna unyong uya ba uteu. ³³ Ko kuma a guddu kaci kavur, nono nakani na vurka, ko a guddu kaci kaza vura, ama ana yokotya kaci unono na nakani. ³⁴ Yin non niyogo, tunna iyi irogo mi, nni na anama barhe ukusu dugan? Ama kurgani ma kasugu kano ka berbene. ³⁵ Piyu matini ide kasugu kavur inna ciddaza makusu maku cok. ³⁶ In bashini katuk kamatya, ayashillaci ana bashu ukusu uwam unna ama basha. ³⁷ Ama berbene mayin, na'ana gaskinimi, kabere ayin na'anama wunzyini. ³⁸ Adon abasan a ma konusura, na mafiristoci ama rete agu Yesui "pi basan kimani mayita alama a ciri upigi" ³⁹ Yesu ima shere agu yi, "U zamani uku sana kude kucok, amani alama, ama ba alaman na adama do yeni, sai alama a pikunzun u Kashiri. ⁴⁰ Kenne Yunusa ima dene aduk atar na mamuma matar unyong nasugu mayinzyi. ⁴¹ Aya shillaci amigi na azan anama nyazane kazonon kamatya a u zamani unghu awunza yeni, magu a gusku ibang iyeni a potya u wa'azi u Yunusa ama yitin piyi piri Yunusa iyimi. ⁴² Ku Sarauniya ku kudu kunama coko na ayashillaci a u zamani inama wunza yeni ima wana aka mangarin ka uya magu i potya iduntu i sulaimanu yita piyi piri sulaimanu iyimi. ⁴³ Inna uruhu ude kirik ubiskin piyar ushillaci. Ina woro agbene kati na manimashir mayi, mavanzami, izugi yi. ⁴⁴ Imagu, indama ritimi ugyirunan katina in ciri" Na ima guru ima-ma yita karari kami avizyi kani ka vurka. ⁴⁵ Ima ritiyi aka yende idon iruhohi iyi kushere, aya piriyi aku cok, ama na duguyeni ana zomo mi piyanghu u kamangarin a uya unupiri uzoni ama makari, kenne muyi unyong uya. ⁴⁶ Na Yesui imasu disha ayashillaci u jawabi, pina na a kobini ama wana ama nyazanagh uya, asu gbene ma bera uyi. ⁴⁷ Pidun imaguyi, "ita piwaban umu na a kobinumu ayi uya, amani ma berha upigi". ⁴⁸ Yesu ima guddu agu waniyi piwaban unan? Na a kobinu nan yo? ⁴⁹ Ima dakanagh ka cara kayi a sagana yeni almajirai ayi agu, "yitin piwaban unan na abinunan!" ⁵⁰ Piyi disha ukusun na picu unan uguhg yin unyong uzo, yi iyi kobinunan na piwaban unan".