¹ Aya kosson ama coko, ayende Yesu kazono ka Bilatus. ² Yena ama cingah majagshi matya maiyi asu kuma, "kizugi piyan'uvisu wuzzha mayinzyi mawur, agu azu do Kaisar yi kagandu, asu kuma agu iyi anici niyyi aknin ka shiri, pigomo." ³ Bilatus ima ribiyi, "Akene agu pigi apigomo wa Yahudawa?" Yesu ima shereyi agu ,"Kenna pikugu." ⁴ Bilatus imagu magbaku ma mafiristoci na aya kosson adun, "unzugi mi idong ibang ka piyangwu." ⁵ Yeni ammangu, "icokonzya nasugu na ayashillaci ama makasa naduk u Yahudiya, acinga ugalili mawana ati kanka." ⁶ Bilatus ima potya mummu, ima ribi ba piyanwu iciri ugalili. ⁷ Ima yogotya magura gu iyi iciri akigomo ki Hiridus, ima nura Yesu u Hiridus, umi anici niyi iyi Urushalima ana tuk ami. ⁸ Hiridus ima yita Yesu, isada kura na nizhagha. Ima mani mayitayi na magoro. Akapa kari ima potya manang maiyi asu suksa mayita kipampa kimi na idama yisha. ⁹ Hiridus ima ribshi Yesu unyong abere adun, Yesu ima gudduyi adho abere. ¹⁰ Magbaku ma mafiristoci na anyakaran ama yhazanzhanha, asu yishayi u zargi upu. ¹¹ Hiridus yeni nan soja muyyi ama yisha yi uzargi, asu yogsoyi adeneyi makusu mavur, akunu agudduyi Yesu makana u Bilatus. ¹² Hiridus yeni na Bilatus ama wana ajami katuk kami (yeni ama zomi macaza). ¹³ Bilatus ima yarkya magbaku ma mafiristoci na aya ade kigomo na ayshillaci ami a kosson. ¹⁴ Imagu yeni, "iyendenmi piyanwu nana piyar umi idaza ayashillaci amanang ma makari, yin yitin, migi isan matya maiyi kazono kayin, unzugi ibang idhe kapiyanwu a ukusu nayin ibasha. ¹⁵ Azan kene, Hiridus, igurimi a guddu yi umi, yitin, ideniyi kadangma kami na idama keh. ¹⁶ Amummu adama doyi akidere a biskyayi." ¹⁷ (Mu wani Bilatus ima biskya a Yahudawa pidongg ishishin udah ku idi). ¹⁸ Na duk uyani, ama yisha igum, anagu, "Aworani ade piyanwu a biskya yeni Barrabas!" ¹⁹ Barrabas a piyami na ama tara unyong kidhagnah kimagussa ayi ibang imasu cokonzya nasugu unyong kudho na ma wunzha ayashillaci. ²⁰ Bilatus ima gurmi aberya uyani, amani ma biskya Yesu. ²¹ Yena ma cigna igum, asu kuma gu, "A sagari yi, asagara yi." ²² Ima gurmi agu yeni ma nitar, "Magura agyan, ishe ibang na piyanwu ideni? Inzugimi iyi na ukusu udama wana ma wuna maiyi indama doyi a kidere abiskyayi. ²³ Yeni ama yazanha arigmi nigbaki agu a sagarayi, ami ayani ama zya kumina ku Bilatus. ²⁴ Bilatus ima dumya yeni a ukusu na yeni amani. ²⁵ Ima biskya yeni piyami na yeni aribi ado yeni piyami na adeni a kidhanga kima gusasa abara ama guragu ina cokonzya kumina na ma wunza. Ima do Yesu ama mani mayeni. ²⁶ Yeni ama woroani ade iyi, apuru pidong na ana yesah yi agu Simon bakurane, ima tumu awor unyong wa ya magara yeni ama pananayi kaci kanka masagari agu izyi a zoboro kacini ka Yesu. ²⁷ Aya kosson agbaki, nayini ayi a augongono na kaso abara uyi azob iyi. ²⁸ Ima kuburga uyeni, Yesu umi igu, "Najinni nu Urushalima, zu shibinim agu amigi, shibanin abara anaci ayin na nono nayin. ²⁹ Yitin, atuk adama wana na adama gu, albarka adama yesaahna ka ya jima waba na ya jima shezye mamazyi na yani. ³⁰ Yeni adama cigna anagu natari, jigin uzo uwur, na tage na zanganzyi, 'a gushi di.' ³¹ Inna yeni ayisan ukusu unu akapa kanna kaci kazuk, yeni idama wana inna ka rogi?" ³² Ama jaga aya bah ade ibang agu awun yeni nayi. ³³ Ama tumu akati na ana yesah agu kwalluwa a sagariyi na adakara, piyu deh a kacara kareh piyu deh akacara kagiri. ³⁴ Yesu imagu, "picu, veske yeni, ayoni ukusu na ayimi." Yeni ama roh ukuria, a tusana marigaa mayi. ³⁵ Ayashillaci ama yhazhanzha a zyinzyini akapakan na aya kigomo amasu yishayi kibata, anagu, "I ciddan adong, i cidda nici niyi, inna ayi yi kono ka Kashiri, unna asamgan." ³⁶ Un sojoji muma ceszheyi, asu dukshayi manimashir manyaki. ³⁷ Asu kuma agi, "Idan na piyi pigomo wa Yahudawa gaska nici nimu." ³⁸ Ama dene alama uzo uyi, "Piyanwu yi pigomo wa Yahudawa." ³⁹ Piyu dah unyong adakami na ama sagarya, izo ganayi agi, "Azan pigi kono ka Kashiri? gaski nici nimu na wur!" ⁴⁰ Piyu dah ima shere ayhangi pijami agu, "pi pok usahd uKashiri, na matya mayin ma wani madeh nayi? ⁴¹ Wuri adenidi natek a ukusu na kideni, piyanwu ideniyi kadangma ka makari." ⁴² Ima barya yesu agu, "Yesu, mingyami akapakanna piri au kigomo kimu." ⁴³ Yesu imagu yi, "Nibin na mbashabu, ukyaru pidama zomo na migi a ufirdausi." ⁴⁴ Ama yimi akapaka kutashi, katege kashirgi naduk amayinzyi makana akapa kaku torunyi. ⁴⁵ Akapa kanna unmi muma jigi. Kuriga ku haikali wakta akacaci dagi izo makana kajhas. ⁴⁶ Asu shiba a nimgyi nishiri, Yesu igu, "Picu undugi u ruhu unang a icara imu." Kacini kami nima barya kene, ata ki. ⁴⁷ Ku jarumi kuma yita ukusu uwani, kuma daukaka Kashiri, asu kuma agu, "Piyanwu apiyu matini." ⁴⁸ Duk ayama kosson agbaki ami ama tumu ayi amani maguragu yeni ayita anayizyi ukusu wanzagana, ama gurani asu kpaaba nasugu na yeni. ⁴⁹ Na duk aya ayoyi, na ayini ami ama zoboro aciri u galili, ama yesanah adangan, asu dukara ukusu uwanzagana. ⁵⁰ Pidong na nan yesah agu Yusufu a piyu majalisa ide matini adugan. ⁵¹ (Ima dumyayi na ushawara na ukusu na yeni adeni) usuku Arimatiya mayinzyi ma Yahudawa, umi ima su suksa kigomo ki Kashiri. ⁵² Piyanwu ima zuga bilatus aribi yi agu adugi nipum ni Yesu. ⁵³ Ima toddoyi kajhas avusu yi unyong u likafani u kini uvur, anomokya unyong kushek kumi na ama gogo kuciri a katari, kumi na adoto ma niksha pidong mi. ⁵⁴ Anmyi mumi, anmyi muma camsana masabar ana patana. ⁵⁵ Ayini ami ama tumu nayi aciri ugalili ama zoboro kacini ma yita kushek kumi na kaci na atariyi. ⁵⁶ Ayini ami ama gurani, aka napsa makusu marentu kuya na ima dugtunu yeni ama vanzana katuk kasabar u dka uyeni.