¹ Ama zomzyi idingurasa marayist ima patana, imi na anayasa idin ketarew. ² Aya gbakazi afaristoci na gyakaran ama taszana kenna adama wana Yesu, yani apog usat waya shillaci. ³ Shaidan ima rigya yahuza iskariyoti piyar udah iciri kayar pituru akaba. ⁴ Yahuza imaka taszana na ayacupru firistoci na jarumawa kenna idamado Yesu uyani. ⁵ Yani amapotya rizhagha, amadumya madoyi ikorgo. ⁶ Imadumya, imabyane ujina kenna idamadoyani akapakam na'azani kazam. ⁷ Katug kamarye maninaru kawana, na ushiru nadamayisha uhadaya ukugam ku idinketarewa. ⁸ Yesu imakunu Bitrus na yahaya, aguyani, "kanin akacyamsana maninaru mu idin ketarewa, sayar arye.' ⁹ Amaribiyi, "ikina pimani magu ayar akacyasana shi?" ¹⁰ Ima retye yani, "kanin, kapakam na irian ubiga umi pidon uyor kigtana kigunu kimani mashir idama mazugini. Izoboroyi makana ugira'umi na'idama rigya. ¹¹ Ama barya piyugira, 'pimagasan agu," kidha'a kyajen kisho, katina idamarye maminaru idin ketarewa na almajirai ayi?". ¹² Idama barin karari kuzo kami na acyamsa ika taszana kuri." ¹³ Amaworoni, ama zuga koiyan nane kenna abaranyeni. Ama cyasana maninaru mu idin ketarewa. ¹⁴ Nakapakam kama wana, ima zomo na almajirai. ¹⁵ Imagu yani agu, "ide kusheg nakam marye maninaru ma idin ketarewa nayin ashi rigya kiderye. ¹⁶ Ima baryini, idama pasakemi marye, shena makura makigoo kyeshiri." ¹⁷ Yesu imazya kicyekye, imaguda, ashigu, "sherin imaimi, atusanzana utayimi. ¹⁸ Amani na ibashini, idomasomi mani manmana inabi, shemaguru makigomo kiuzo kidamawana." ¹⁹ Imazya manunaru, inyimaguda, atusuru ini, ashido yani, agu, "ukusunu amagyo manag namado abaruyin, inadenekene samana ming nami." ²⁰ Imaza kicyekye kimi ki ujibi, agu "ukusun u kicyekye a alkawari ugyo magyo manang, manna anikan abaruyin. ²¹ Inadukara piyan idama zyizyimi wurkiyi nayi auteburi. ²² Kenena kono kapiyor kadama wurokoni kene nama barya. Kidere kiyami idama zyizyi!. ²³ Ama ciah marinshi aci ayani isuyani, awan uyog uyin idama dene ukusumi. ²⁴ Pikara picoko usuyeni abara a piyi piri a magbaki. ²⁵ Imagu yeni agu, "Agomomi alumai asu saganzya ushiru aci ayeni, nayade ushiru anagu yeni agu aya kigomo daraja. ²⁶ Muzu wana kene nayin. Namuwani kene, sai piyer umi ipiri amagbaki unyong uyin iwana piyi cin. Piyi piri a madugan iwana piyutuma. ²⁷ Awan ipiri amagbaki, piyi zomon autebur, ba piyi yishutuma?,Azan piyu mazomo autebur shi? akene nyi na piyisan utuma uyin. ²⁸ Ayin imayi namiunyog ujaraba unag. ²⁹ Ndugini kigomo na kenna picunang idugimi. ³⁰ Rinin ashezhe nami a kigomo kinang, azomo aikursuyi ayisha kibiga piitura kaba matya. ³¹ Siman, Siman, tallanya kumina, shaitan igbeni ujina adakani buyi inipshibu ne alikama. ³² Akene nyisan kagisa abaru pu pizu jigi a mazo ma kashiri. Ima tumburga a kizanzya akwani." ³³ Bitrus iguyi agu, "Kashiri, imari ma camsana mazoborobu makana a kidangh ki kidere makana make." ³⁴ Yesu iguddu agu,"Ibashya bu bitrus, magokori ma kugono ukyaru, pidama sunumi kitar magu piyo mipi." ³⁵ Yesu imapa gura yeni agu, kapa kanna nmakunini ba kupakti, na kararinta, ba araka, ibizhi kadamana?, yena guddu agu "Babu." ³⁶ Imapa guyeni agu, "Piyide kupakti izya na kipokori. Piyi zayi kitan kico izyi-zyi kuriga kuyi asheshe kudha. ³⁷ Nbashini ukusu na anyakaran abarumi unu dama kura, magu, abarganyi unyong aya de ibang, ukusunna abaran umi makura mauni ma dagi." ³⁸ Amagu, "Kashiri, yita ntan muba mucokso." igu yeni agu, "Muwani." ³⁹ Ama duru, iworoyi a katari kuzaitun kenna iman minami, almajirai azoboroyi. ⁴⁰ Amaka zaga, iguyeni, "Gishin kashiri, izu jigi a kidere." ⁴¹ Ima biskya yeni, adangura,atuturga ayisha kagisa, ⁴² Anagu," Picu nna pidumun pizya mi kiceke ki kidere kinki, azan a kumina kunang sai dai kumu" ⁴³ Maleka uzo ma vergura uyi ashi shigranzyayi. ⁴⁴ Imaya kidere nakam, isada tarushiru a kagisa ka picu, kutebeku kushi jigshi kajes ne mangyo. ⁴⁵ Ima coko akagisa kayi, aguruyi ka almajirai ayi, azuga yeni a pushi nmura abara manigi, ⁴⁶ Iribi yeni, "Iyan ideni nipusan mura? coki agisa kashiri izu jigi a kidere." ⁴⁷ Imaya nabere, ayashiilaci atumu, pidong uyar na anagu Yahuza, iciri unyong aya pitura kaba ishi zonzo. ima wana a pati Yesui madeneyi usumba. ⁴⁸ Yesu igu, "Yahuza, ausumba na pidam dokono ka kashiri?" ⁴⁹ Aya maghatkhan Yesui ama yita ukusu wani, agu, Kashiri, kigog yeni antan muwur?", ⁵⁰ Piyahr udha unyong uyeni ima gbepke kuto ku pderude uku firist kugbaki ku kacara karhe. ⁵¹ Yesu igu, "Muwani kene." irebe kuto ku piderumi kuzugu. ⁵² Yesu imagu magbaku ma mafiristoci na aya ma mente uhaikali,na madattawa mayi kazono kayi, "Iciri na ne idama puru pidakara, ade ntan nicira?", ⁵³ Kapana nmayi nayin kokashe katuk auhaikali, igabini mapurumi. kKapa kayin na uiko umajin" ⁵⁴ Ama puruyi aworanimi a karari ka kufiris kugbaki. Bitrus izobyi madangan. ⁵⁵ Ama dene kumina a pebrura akacaci kugira azomzono,Bitrus ma izomo nayeni. ⁵⁶ Kadong kajinni kama yitayi izomi ashi baska, katuri ayizhi agu, 'piyanwu iyi nayeni". ⁵⁷ Bitrus isarayi anagu,"Nyomi piyanwu." ⁵⁸ Ama minzya pidong iyitayi, i magu, "Puma pimayi nayeni", Bitrus igu,"Kwani azan kene." ⁵⁹ Ama dene usaa udha pidong ipa gurmi agu, nibin piyellu iyinayi, apiyu Galili". ⁶⁰ Ama Bitrus igu, "khat nyomi ukusu napikuna" akapakami kamin igusa kano kugono kugokorya. ⁶¹ Kashiri ka tunburabyi agu "ukyaru kamin kugono kugokori pidama nibshi kitar. ⁶² I cara uya ashiba nawas. ⁶³ Aya puttunu Yesu acejeyi, aka kpabayi. ⁶⁴ Ashi-shiyi ayizhi, ana ribiyi agu, barya, wan ikpallanbu. ⁶⁵ Akanani ma bashiya abere caza adun, ashi zogonzyayi. ⁶⁶ Macira ma nikata, magbaku mayashillaci makossura, namagbaku ma mafiristoci, na malamai ma taura ajaga yi akidang ki matya agu, ⁶⁷ "To, nnayi pigi piyi Almasihu baridi", iguyeni agu, "Mi myazu bariniidama dumini". ⁶⁸ Nde nribini, idama guddinimi. ⁶⁹ Ama kazono, kono ka ka piyhar kadama zomo a kacara kare ka kashiri piyu iko. ⁷⁰ Yenagu, "Kenna yinibaran, ami", ⁷¹ Yenagu, "Ushe ushaida na ki gbene?, kipoton utawur a kano kayi."