¹ Yesu imazobco ayi iyi imayita ayashillacyi anadene ikorgo iyeni uyog komi. ² Imayita piyini na pirumi makye igayi kadanmhana imadene ikorgo iyiba nadug imagu.'. ³ Ribin naribashini, piyiza kadanmha piyi na pirumi imakye ima kadene ipiri naduguyin. ⁴ Madug ayan ana amado na ubaiko uyi uciri uyog ukusun na yeni dae. Apiyi za piyarum, uyog magade maiyi, izya nadug ikorgo iyi ikazom kubiga nimade." ⁵ Ne kenna adog abyerbyene haikai, kenna ayisan ini magyakara na natari nade kicupru na baye-baye, agu. ⁶ "Akene na makusu naizyinzyini, ummhi nabatatari akadhana kazomo uzo kamanzu na yiki ani kajyes." ⁷ Ama ripshiyi, magu, "pimagasan, uyanku namukusu kusu mummunu madama wanashi? iyan idama wana maciah kapana maku man macyamsana mawashi?" ⁸ Yesu irete, "tarin kumina kuyin azucipanzyini kena aya bhaki adama wana arizagi ninang, asukuma agu. Mi inyi yi; kenna kapa kana pati, izoboro yeni. ⁹ Kapakamna inapotya abere a ciguma na marin durga, izu kantha, a kene namakusu mammana madama wanzagan udotho, kamangarin damatumu kani nawau". ¹⁰ Akenna imagu uyani, 'Alumma adama cokonya al'umma kigomo kicokonya pigomo. ¹¹ Adama dene madigutura mamayinzyi nakam, anategye na dhandha adama yishigbom na annaba. Adama yisha nadammhana nadama dugsha usati na alamu agbakazyi aciri uzo. ¹² Na kapa kamakusu mammana madoto, madama puru ayar, adenidi akidere, asujagashayidi ka majami'u na nararyi naderye, adama yendini kazono ka Gomo na magwanori abara rizagi rinang. ¹³ Mudama wanini kapa kushaida. ¹⁴ Akene ina cyamsana anasugu nayin izu taszana kenna idama etye. ¹⁵ Mi idama dugshini abere na kumina, imi na aya zamani ni adama deri ni biskya ribin niyin. ¹⁶ Nadug na awaban na rikobina na ubiga na ajami adama vyerkenya idi ashi wuna adon'awur. ¹⁷ Ayar adama gabanidi abara rizagi nimu. Ayar adama gabanidi abara rizagi nimu. ¹⁸ Akene nabakini kopidon uwur kidama naguzura. ¹⁹ Unyong kumina kuyin yin idama cinda avataru ayin. ²⁰ Kapana idama yita urushalima usu mharuzura na isojoji, itayogotyi agu majigi ma'uni mana patyi. ²¹ Na ayaga ayi Yahudiya asuma makana'na kugrhu, ayayi akacyaci kubigo ata worani, azu biskya aya yi ubiga rigya unong. ²² Kene na mummunu nadhar na maramaki, saga nadug ukusum na amagyakarya mukura. ²³ Kidere kyayade nadura na shitin na ayawaskazya nono anatug anghana. ²⁴ Adama shezye ukunci ugbaki amayinzyi mami, na kishiga maka kayanghari. Ama yita masukunzura ma ummyi na upi na ityatum. ²⁵ A uya'umi, ayazazop kashiri adama she-zye kidere, adama rindurga na'ne kumana na marakumi ma'ma makumana. ²⁶ Aya shillaci adamasuma na usat na mamigza mukusu dama wana kaya jyes Adama jigatya agomo usammai. ²⁷ Adama shi yita kono kapiyer kajara uyog magyogogyogo na kigomo na mayaba madun. ²⁸ Akene na makusu mammana ma'ma ciah mawanzagana, cokin katye tye ama zopkaci uzo, na magaska mayin mana pati. ²⁹ Yesu idugi misali,"Agu itakaci ka kusheren, na kudezye kunaci. ³⁰ Kapana aciddaza ara, idama utaini madu rigus nina pati. ³¹ Inada yita makusu mammana iyogotya agu kigoki kashiri kanapatyi. ³² Aribin na isherimi, uzamani udama sotuni, she makusu mami mawanzagana. ³³ Uza na kajas adama dara, aberenang adama darani. ³⁴ Ina dukara utayini, sa izu zhapkanya na sugu nayin na ribye ah na maku maya jas nama shezye na mazapog urentu ukyaru. Kenna katugkam kadamawana bama camsana. ³⁵ Ne kazono kane tumu ukowa izomi ayan mu mayingzyi muwa. ³⁶ Inazomzono na macamsana na kokashe kapa, asugisa kashiri sa izuga ushuru umagaranya makusu manmada wanzagana, na kene yin idama gyezanya kazona ka kono kapiyer.' ³⁷ A kotug na'masu magasa uyog kudeah, kokashekag inacoko awuri akatar na'ana yesa zaitum. ³⁸ Nadug ayar anakanzami uyi konishe nikita sayaru apityayi a kuhaikali.