¹ Kagmob akatuk kazoni ka kusati amawana a kushek kumi, ayende makusu marentu kugya manna anabsan. ² Amazuga aman kipintarya katari kami. ³ Aringya unyon,bama zuga nipum ni Yesumi. ⁴ Mumawana kene akapa kanna yenama doto jinkari aukusunghu wani, bamayo, ayaba a ngyazhanha kazono kayeni, ade makusu mabelle. ⁵ Kapana ayini ama gingan aci kajas apok usahd agu ayinami agu, yan ideni nayini gbene piyi gara unyong ayakitazhi? ⁶ Izayimi, iman coko! mingyin ukusu na imabarini adoto ugalili, ⁷ Agu ada do kono kapiyer kayashillaci ade ibang yeni a giciye yi, akatuk kari tar ida coko.'' ⁸ Ayinami ama mingya na abereyi, ⁹ Amarityani aciri akushek aka zuga aya pitura kade kami abashya yeni ukusu wanzaganan. ¹⁰ Amaryamu magdaliya yuwana, maryamu pina uyakubu, na kudeze kwayinanna yena mayi adukshya akunzun akashiri ukusuwani. ¹¹ Akunzun akashiri ama zyaaberami piganganni, bama dumya nayinami. ¹² Bitrus ima coko, asumta makana kushek kumi, a tuturga asu dukara unyong ima yita kupari kutari utakuni. Bitrus isu ritiyi ugiruyi, aya kasasa ku kusuwani. ¹³ Katukkami, ayaba unyong uyeni asu jara makana a kudong kudo kucun na ana yhasa agu Imawus, unna madangan umil ude dagu urshalima. ¹⁴ Asu donono a ukusu wazaganan. ¹⁷ Yesu imaguyi agu, Yanna yin isherimeo a ujaruyin?'' Yena ghazhan-zhana akatikami aya ugongono. ¹⁸ Piyude ''ungyong urshalima piyobu ukusu wanzaganan mikuri ana tuk angha?'' ¹⁹ Yesu uguyi agu, ''ukusushe?ashereyi, ''ukusu uYesu banazarat, pikunzun, piyutuma gbaki, na abere aciri ka Kashiri na ayashillaci, ²⁰ Na ifiristoci igbakazi, na aya kigomo amadakanayi agu awun, agiciyeyi. ²¹ Kideni kasugu aguyi dama gaskidi na uisraila. Na maduru mamummu atuk atar na mawanzagana mukusumi. ²² Duk kene adong ayini unyong uwur adenidi akasasa, mayi a kushek tun nikata. ²³ Nayena mayitani nipum niyi aguru, agu yenima ayitan uwahayi umalaiku mabaran yeni agu igara. ²⁴ Ayarumi unyong uwur aworani a kushek kumi, muyi kenna ayinami abaran. Anayitani yi.'' ²⁵ Yesu iguyeni ''yin nadangrha, ayaza dumun na ukusunna akunzun akashiri abaran! ²⁶ Muwani muni udole agu Almasihu isheze kidere kiukusumi, aringya kicubru kiyi?'' ²⁷ Dagu musa makana ka kudeze kwa kunzun ami, Yesui ma pasara yeni aukaunici niyi unyon mangyakara. ²⁸ Na yen ama patana kudo kumi, ashejara. Yesui dene na idama piranya yeni. ²⁹ Ama golloyi, agu ''zomo nawur, morong manapati ngmi muna dasa.'' Yesui kazomo nayeni. ³⁰ Na ima zomo nayeni mare manunaru, imazya ugurasa adene libarka, apukara adoyeni, ³¹ Ayiza yeni agbanta, nama yokotyayi Yesu i wuru yeni, ³² Yenagu aciyeni, ''nasugu nawur napiwan nani, akapa na iberbenuwur aujina akapa ni gbanan idi litattafai?'' ³³ Acoko akapakami ariti urshalima. Akazuga aya pitura kade kami naduk, na kudeze ku kaduniya kanna yenayi, ³⁴ Agu, ''Anibin, kashiri ka cokon, asaganya nici nikani usiman.'' ³⁵ Yena bashya ukusu wani aujina, nakenna a saganan yeni Yeshi akapa nima pukaru gurasa. ³⁶ Yenasu bashya mummu, Yesu ima ngyazhanha akacacikayeni, agu yenagu, ''sannukuyin akasugu kabok.'' ³⁷ Yena ghatta usahd upuru yeni, adoguba yitan upatalwa. ³⁸ Yesui guyeni agu, ''iyan ugongono agyano? imingza anasugu nayin agyano? ³⁹ Yitin icara na ibininan, amigi rebenmi ayita, Uruhu uzauni nipum na makubu, kenna nde.'' ⁴⁰ Namabari yeni kene, isaganya icara na ibiniyi. ⁴¹ Yenama potya nizagha na kasasa, Yesui guyeni agu, ''Ide madong maninaru?'' ⁴² Yenamadoyi isani ipopson, ⁴³ Yesui shere are kazono kayeni. ⁴⁴ Iguyeni agu, ''kapanam mayi nayin, nma barini agu ukusunna ngyakaran unyong idokoki musa nakunzun akashiri na uzabura udole mukur.'' ⁴⁵ Ima gbana kumina kuyeni, aguyena, yogoti litattafai nimi. ⁴⁶ Aguyeni agu, ''Mu ngyakaran, agu Almasihu. Dama sheze kidere, idama coko amake katuk kani tar. ⁴⁷ Bashin abera mashere kashiri na magusku ibang anizagi nikani kayazayo Kashiri, cingyin urshalima. ⁴⁸ Yin iyo ukusu mawana. ⁴⁹ Yitin, nkuni na likawari nipicunan uyin, sukshin a kudo adenini makusu mu iko maciruzo shiri. ⁵⁰ Ima jaga yeni uya apati ubetanya, azabkha icara adene yeni libarka. ⁵¹ Namadene yeni libarka nimi ibiskya yeni, azyayi makanuzo shiri. ⁵² Yena madoyi kicubru, aritushalima na nizhagha nakam. ⁵³ Ko kashe katuk unyong kudagha ku kashiri ashi shibsa Kashiri.