¹ A kadon kapa, Yesu ima yi aka gisa ka kashiri aka don katege, piyu dho unyong almajirai ayyi imagu, "ubangiji, makashidi mayishi ma magisa mashiri kenne Yahaya ima za san almajirai ayyi" ² Yesu i magu yeni agu, "inna iyyisha gisa kashiri igu, picu nizagi nimu ni guskura kigomo kimu kiwana. ³ I dho idi maninaru kire ko kashe katuk. ⁴ Veske idi ibang, kenna kina veske aya yishi ibang, zu jaki idi unyong ubang". ⁵ Yesu i magu yeni, 'wan unyong uyin ide pijami, akana uyi kacaci katuk aguyi agu," cha, domi kuta kugurasa uyi utar,. ⁶ Pidong ujami ima tumu aciri. ⁷ Ima yi unyong, ima shere abere, agu, zu dama mi. Maru gusa karong, migi na nono kiman nomzono. indama suskanamin macoko adobu ugurasa. ⁸ Imbaranni, kona ina cokonyi adobu gurasa aka Yehzu kama guragu apijami uyyi, pipoton bu ubor, madene kasugu aka gisa idama choko adobu ugbaki gurasa kunna pimani. ⁹ Migi nagu ini agu, gishin adama do ini; abenin idama zuga, bgakrin adama gbannini. ¹⁰ Piyer umi igisa isheshe; piyer umi igbene idama zuga, piyer umi igbagra, adama gbannayi. ¹¹ Pishe ucu unyong uyin, inna kono ka ribiyi pisani, ido kani piyogo a magu apisani? ¹² Ba kanka ribi nikpa, ado kani kuna? ¹³ To, yin ide ibang iyo kene na idama do nono nayin ukyauta umakusu madugzan, balle picuyin umi iyi uzo idama do yini u ruhu uvur kaya agisa ni. ¹⁴ Kadhog kapa, Yesu imasu ciddaza pituri kono kayajes, kono kami kayajes kama cira, piyami ima yi pituru ibere. Daga kene ayashillaci ama yisha umamaki! ¹⁵ Adong unyong ayashillaci a magu, "Auiko u Ba'al zabuba pigomo wayajes ina ciddaza aya hes." ¹⁶ Adhag ama makkayi agu isagani alama aciri, uzo. ¹⁷ Yesu ima yokota kumina mayeni, iguyeni, kigomo kimi kiwaktan kibah, kinki dama shoto ugira uni uparguran kibah, uni dama jigi ¹⁸ Nna shaidan iwakurgan kiba kazono nayi, adama deni kigomo kinyi kin yesahne? yin ikugu nciddaza ayajes a kabina ka Ba'al zabuba, ¹⁹ Kawani na yella azobni aciddazami ayajes mi? Magu kene,yeni adama wana aya yisha matya. ²⁰ Nna migi nciiddazan ayajes a nizagi nikashiri, to, muwani maguragu kigomo kikashiri kiwani kiyin. ²¹ Piyer ishiri,ide makusu ma piciti amente kararikayyi , makusu mayyi madama cira. ²² Nna pidong ipiriyi aushiru itumiare nasara anici niyyi, idama zya makusu mapiciti mami, agaza makusu mayyi aicara ipiyami. ²³ Piyer izaiyi na umi, kazono kanang na iyimi, piyer kossonyi nami , ama sotoni na iyimi ²⁴ Nna uruhu makari uciri kapiyer, uni una zoboro nati na rokso asu gbene katikama vanzana, nna unu zugiuni unu nagu, ndama gurumi akarari kami na nbiskin. ²⁵ Unimaguru, azuga avezhi ugira, anapsankani nateng. ²⁶ Nima kaza amanzu ayajesaya kushere ami apirini a kucok, agu nima zomo akatikam. Amadara mamuni piiyanwu kigbanakimi kima pira kizoni ama makari. ²⁷ muma wana kapakami na imasu bashya ukusu mummu, pidong uyini ima coko na nimiigh ama kossonmayashillaci aguyi agu, " Libarka ni piyer iwabambu na mawazhi mami na pishezhen. ²⁸ Yi kuma igu, "Aya libarkaayami a potonzya abera kashiri asu yisha matini; ana berami" ²⁹ Akapa kami na ayashillaci amasu pizzhura makossura, imma cigha "kusana kunku, akusana kuku cokunku ghene alama, ba alama ami na adama doh kuni, ama kun kuyi na Yunusa. ³⁰ Kenna Yunusa ima wana alama kayashillaci a unenba, kono ka piyer kadama wana alama kaku sana kunku. ³¹ Ku sarauniya ku kudu kudama Yesahne yazhonha ayisha matya maya shillaci akusana kumi, kunku dama ulunza kusana kumi, kunku tumi aucor akaci kadangan ma potya u hikima usuleimanu ga pidong ipiri Suleimani nakam. ³² Ayashillaci uneneba, yeni adama yazhone UNeneba, yeni adama wunza yeni.Amaguragu yana poton abere shiri wu Yunusa a gusku ibang iyeni. Pidong ipiri Yunusa unwu. ³³ Ba piyami idama zuku fatila a wukana, dabkana ko kuma itar a akadira uiko joh, adama tara akatari kapini piyrt iriaang kidahg idama yita matus. ³⁴ Ayizhi ayin ani ayi fitala pia apum ayin, inna ayizhi ayi a zhinzhini nateng, apum ayin adama pirya matus. ³⁵ Inna ayizhi ayin amen ani nateng, apum ayin adama kura na majin. Deni matini, kada matus mami mayi uyinmawana majin. ³⁶ Idan na apum ayin adama wana nana fitila piduksha matus anci ayin". ³⁷ Ima duru mberbene, pidong kufarise kuma guyi agu iriyi ugira ukuni are maninaru, Yesu ima riya azomo. ³⁸ Kufarise kuma yisha kasasa kuma yita isaang yi ashi reh maninaru. ³⁹ Yesu ima guyi agu, "yin afarisawa ina guzu kacini kukopi yenna ubangaji, nyong umi kuri ude kirik na ubang ⁴⁰ Yin ayashillaci izaini mamingi, piyer ikanan uya azanyi ikanan unyong? ⁴¹ Dugan ukusu uyi unyong kaya caza, ko iyan idama varuni. ⁴² Ukaito uyin afarisama, isheshe uzakka a udaddoya na ko ashe ava ulambu asotona manang mama tini ga kashiri. Yishin matini, adene ma mani makashiri,na kudeze kumanangmadugan. ⁴³ Ukaito uyin afarisawa, imani magu adukshini na zomi na vussa unyong kuddahg, asumazhi kusumazhi kuki cupru unyong kasuma. ⁴⁴ Ukaito uyin, iyi nana mashek mami na adeni ani ushaida mi, a yashillaci ajara ana ci ayeni na azagi ayieni". ⁴⁵ Pidong ubasan unyong usharia wa Yahudawa ima shere yi abere agu, 'pibasan, ukusu na piku uni nagazandi nasugu." ⁴⁶ Yesu imagu "ukaito uyin abasan a matya! iciganan ayashillaci makusu mazhip mapiru ushiru umaguragu ciga. Yin ko kibon kicun ijima ciga. ⁴⁷ Ukaito uyin, iisuga manang mama mingi mashek ma annabawa, na acu ade manzu acu ami ama wunza yeni. ⁴⁸ Iyo na ukusu na acu na acu ari, ayeni ama wunza annabawa ami na minzha yeni. ⁴⁹ Sobona kene ukusu deni uhikima ukashiri ukugu" Ndama kunu aya dama makasani yenna annabawa uyin, yeni adama unza adheg unyho uyin. ⁵⁰ Kusana, kudama za lihaki namayo ma annabawa ami na ama wunza tun auzamani umatara muduniya. ⁵¹ Tun amayo ma Habila, ma wana amayo Zakariya umi na ama wuna acaci kubagadi na kati ku mai tsarki. Imbashini adama gbene uhaka uyeni aku sana kunku. ⁵² Ukaito wa basan matha wa Yahudawa sabona izzan mabudi mamayo, anaci ayin ama iriyangni, iyazhi aya ma riyi yena riya! ⁵³ Na Yesu ima biskya katikami, Anyakaran na a farisawa yeni ama potya manigi maiyi, yene ama dazana an kusu mugbaki. ⁵⁴ Yena ama isha ukokari magingya ka kaku asu gbene mapuriyi unyong mabashi mami nayi basha.