¹ Ama jima na cun, ayashillaci a dun ama kossura asu tuksana ana ci ayeni. Imma ciahg abere ka almajirai ayyi, "Ishin ukura na yisti ufarisawa, unimi uyi munafunci. ² Ba ukusu ugussan na adama gbanna ani, ba ukusu unisan umi na adama yokotani. ³ Ba ukusu na idama bara aka nisa umi na adama potya ani a pandarch, ukusu na ibaran a kutepu a kaci kanissan adama yisha ushela umuni ko inki. ⁴ In bashini acayi, kada ipoti usahd wa yami adama wuna nipum. Ama duru iguyeni, ba ukusu na yeni adama denini. ⁵ Indama doh ini abere kapiyami na idama potya usahd uyyi. ⁶ Azan mazhizhi munin muyi kishi a nanini ayi abah? Duk na kene, kashiri kadama wurunu kani kideh unyong umuni. ⁷ Kichi kimi kiyi anci ayin kankayo ugbaku ukini. Kada ipoti usahd, ipiri nanin a udaraja ukani. ⁸ Mbashini, piyer idama shaida mi kazono kaya shillaci, kono ka piyer kadama shaida piyami kazono ka malaiku makashiri. ⁹ Piyer igabiyimi kozono kaya shillaci, adama yabani yi kozono malaiku makashiri. ¹⁰ Piyer iberen kazono ka kono ka piyer adama veskeyi. Piyer ideni ubang kuruhu mai tsarki adama veskyani iyi. ¹¹ Inna a yendenni kazonoh kakudahg ko kazono kaya matya, ko kazono kaya de uiko, zu potin ugongono a ukusu na idama barya yeni a kare aci ayin, na ukusu na idamagu. ¹² Uruhu Mai Tsarki udama makashini ukusu na idama barya akapa kami.' ¹³ Pidong unyong makossura mami igu, "Pimakasan, bere ukobina unang kitusana ugado nayi. ¹⁴ Yesu iguyi, pigi, wan idenimi unwana piyu matya? Bapiyer idama riya kacaci kayin? ¹⁵ Immagu, "Denin ulurazu wannin aya madasshi katege, azan ukusu napide uni piria uhimanci unyong kazom kawur kazom piyer." ¹⁶ Yesu ima bara yeni madun tani agu, "kakap kapidong kama do uanfani nakam. ¹⁷ Ima mingya, agu iyan na indama dene, inzama katege ka tara uanfani ukakap, imagu inyo kenna indama dene. ¹⁸ Indama pusaru nami nanang asuga na manzu na gbakazhi kaci na indama tara inunaru na kudezhe kuma kusu. ¹⁹ Ingu nivataru ninang, nivataru, pide makusu nakam mami na atari magu pigi, vanzana, are, ashzhe, ayisha rizehgah." ²⁰ Kashiri kama puyi agu, kadaurah ka, unyong katuk kan ka amani nivataru nimu. Makusu mami na pikosson a camsana nici nimu, madama wana mawan? ²¹ Kenna piyer ikosson udukiya iyi, idan na izzaiyi udukiya kakashiri." ²² Yesu ima bara almajirai ayyi, "inbasgi maguragu, kada ideni udamuwa akazom kayin, maguragu, ukusu na idama reh na ukusu na idama dene anapum ayin. ²³ Nivataru nipiri mamnaru, nipum kuma nipiri makusu. ²⁴ Itin magag man binza mani, mana bubamani mazamani nami na dahg muma tazza makusu, kashiri kaduk mani maninaru. Yin ipiri nanin a udaraja. ²⁵ Wan unyong uyin isasana maguragu idama sukdana mapira nici yi atuk. ²⁶ Inna idama suskanani madene aci ayin kadamgma kacunba, yan idama dene idama a kudeze kwa ukusu? ²⁷ Itin kenna ibaskah unyong karimi ma kumza. Inna yishi ni utuma, ma na kpakura. Imbashini, Suleimanu, unyong udaraja uyyi, ideniyi makusu mapiri mayahni a u vura. ²⁸ Inna kashiri kadama dene ugi makusu ma vur, uni udamayi ukyaru, ukpa adene uni aura, adama denini kashiri kana dene kanini makusu, yin ide ubangaskiya ucun! ²⁹ Zu denin udamuwa a ukusu na idama reh, na ukusu na idama shezheh, zu mingzhing. ³⁰ Naduk alumma yua agbene makusu mamma, picuyin iyo magura imani makusu mamma. ³¹ Yin gbenin umulki kani, ada piri ukusun mu mi. ³² Zu potin usahd, yin aya cuncun, na rezahgah picuyin idama doini kigomo. ³³ Zhizhin na ukusu nayin ide atusa aya caza. Napshin mapokori mami madama naguzura mani, tarin makusuyin uzoh kenna madama daramami, kenna adakara adama suskanani nakana mi, ka kurgu kadama nagaza kani. ³⁴ Kaci na udukiya nyi, kaci nakasugu kadamayimi. ³⁵ Tuzhin ucogo umakusu mayin, camsanin, muwana itilla iyin mu reh kouyanku. ³⁶ Wanin nana aya suksa mazaga mapiyu gira izaga aciri kaci ku buki, inna itumi makpara karon, na kumina yena dama gbannayi. ³⁷ Aya Libarka adere ami na kashiri kayeni kadma zuga yeni yana suksa matumu makani. Anibin na mbashini, idama yisha udamara adene yena zomzono ado yeni maniraru acinkani. ³⁸ Kona kashiri kadam wana katuk na kacaci katuk, amazuga yeni aman cansana asu suksa kani adere ami ade libarka. ³⁹ Yokotin mummu, piyu gira inana yo kapakami na pidakara ida wana, idama biskya yi apusayi karari ariya. ⁴⁰ Zomin na macankarana iyoni kapakan kono piyer kadama guru. ⁴¹ Bitrus imaguyi agu kashiri amuri na pibashi idi maduntani mamma, ba kowan na kowan?" ⁴² Ubangiji um agu," piyer de uaminci, piyer ide uhikima umi na ubangiji uyyi udama de adere acara iyyi, abarayi agu idete nateng a duksha yeni maninaru unyong kapa? ⁴³ Libarka kapidere, unna picu ugira ima zuga yi isu isa ukusu na adeniyimi. ⁴⁴ Kenna muyi, imbashini, idama zha naduk umallaka uyyi adoyi. ⁴⁵ Pidere unwu, imagu unyong kasugu kayyi ubangiji ujinkurgan matumu, aciahg ma kpaba ma dere ami, ayarumi na ayani ajami akidere, ima reh a sheshe a pina. ⁴⁶ Ubangiji upidere unwu idama puru a kapa kanna pidere umi deniyi kasugumi, unyong kapa kami pijimmi idama yisha igaba na pina; pina ukono karumi idama yisha igaba na piyini ukono kaiyi. ⁴⁷ Piderumi, iyo uhali upicu giruyi, ana cmsunayi madene ukusu na picuguruyi imani, idama shezhe makpaba na magmillazhi nakam. ⁴⁸ Piya zayo, idenukusu za dugan,idama shezheyi makpaba na magmillazhi nakam. Duk piyana adugiyi ukusu gbaki adama gbene ukusu gabki uyi kuma piyana adugryi ikusu nakam amana, adama gbene ukusu piri amagbaki uyi. ⁴⁹ Nwani madere ura auduniya nmani magu uni unaman shepte. ⁵⁰ Ama mi, nde ubaptisma unna adama yisha mi ubaptisma nauni, kuma ngagi, anaman yishuni! ⁵¹ Ido guba ntumi auduniya mayende usakma? ngu babu, cutsattsiguwa. ⁵² Daga mina adama zuga aya kishe a karari kadha yene dama katazana, ayatar ayisha ugaba na ayaba ayaba ayisha ugabe na aya tar ami. ⁵³ Kono na picu adma yishugaba, kono kami kadama yishu gaba na picu, pina iyisha piyimni idama yisha igaba na pina; pina ukono karumi idama yisha igana napiyini ukono kaiyi, piyimi ukono idama yisha igaba na pina ukono karuni. ⁵⁴ Yesu ima bara ayashillaci, "ina yita uriru unu coko usuku umarong ita guragu kashiri kadama dogoh, munmu na wane kene. ⁵⁵ Inna uvunu uvullu aciri uku ugu adama yisha kutepeku kude tsanani, mummu nawana kene. ⁵⁶ Irogo, iyokoton ufatsara kenna kajes ina uzo, idama yokotini ukusu wanzagana? ⁵⁷ Yar ideni na idama yikotini ukusu udama mukini? ⁵⁸ Inna yara na jangu umaciti makana matya adene ukukari inapsana aujina, matya mami mazu mazu kana piyu matya. Kada piyu matya izhi ado agusa, piyu magusa idama saganayi ma mani wu unyong kudehg kuma gusa. ⁵⁹ Mbarambu, pidama cirabu pidama bisa ikorgo imi na azobbumi.