¹ kusu ru uma woro, Kashiri kama canka adon aya ituru kushere a kunu yeni kubamba, kubamba, agu yeni aworoni ko ushe ubiga na kati kami na imani makana. ² Igu yeni agu, "Kibuba ki gbaki, atumzanan acun. Kenna ina gisa Kashiri nakam ka Kashiri ka kibuba, magu ikuni na utumzanan unyong kakab kayi. ³ Worin ni, yitin inkunin ne nono na magam unyong ukyarkyetai. ⁴ Izu zya karirinta ka ikorgo, ko kupakti kupi jari, ko araka izu shimazya pidon aujina, ⁵ Naduk ugira umi na irigyan, i cingya agu, usalama uwar augira uru. ⁶ Ba pidon piyashillaci ide usalama ugira umi, usalama uyin uwana anici niyi, ba uni uzauni, usalama uyin uda guru uyin. ⁷ Zomin au girumi, irah a shezye ukusu na camsanan ni. ⁸ Naduk kibiga kimina irinyan kisherini, ireh ukusu nayeni adeni kazono kayin. ⁹ Igarganiya aya gonono ayi kati kami, agu yeni agu, kigomo ki Kashiri kina pati. ¹⁰ Ubiga umi na irinyan ba agabi ani masherini, iworini unyong kijini kiyeni agu, ¹¹ Ba kakbkpok kubiga kayi a ibina iwur, ki bakaranni kani muwana u shaida anaci ayin, iyogotya agu kigomo ki Kashiri kina pati. ¹² Imbaranni, akatuk kamatya saduma idama pirini amazuga mubagha. ¹³ Kaito umu, Korasinu! kaito umu Baitsaida! Utuma ugbaki na ayisan anyong uyin, anama yisha unyong ntoh namakusu mu ugongono. ¹⁴ Katuk ka matya, Taya na sidon adama pirini mazuga ubagha. ¹⁵ Pigima Kaffarnahum, piminza maka kana uzo adama tukdanzya bu? Babu adama tukdanzya bu maka zaga uhades. ¹⁷ Yeni iture kushere ami ama guru na rizhagha asu kuma agu, Kashiri har na aya kajhas yeni a yisha idi biyayya, unyong nizagi nimu. ¹⁸ Yesu igu yeni agu, "in yitan setan isu kogshi awor uzo ne mabelle. ¹⁹ Ita, indugi ushiru ituksana a iyogo na manna, na uzo naduk ushiru u setan, idama dene ini kadangma konacun. ²⁰ Naduk kene izu zhaghana agu aya kajhes ayishini ukusu na imani, iyishin rizhagha agu agykan azagi ayin uzo. ²¹ A kadah kami, iyisha rizhagha nakam unyong uruhu uyi na pes, agu, "in dugibu kicubru, picu, Kashiri kuzo na kajes. Agu pigisan ukusu kayade iduntu na ayogoton. Ipicu a kene mu mani yimi." ²² Ukusun na picu ideni a icara inan, ba piyi iyo kono kami, a picu iyo, ba piyi iyo picu, a kono kami kayo, sai piyi na kono kade kumina kuma cidda picu uyi. ²³ I kuburgan usuku almajirai, ima barya yeni utayi, aya de nibarka ayami ayita ukusu na iyitan. ²⁴ Imbarini, akuni a gbaki, na agomo a gbaki ama mani mayita ukusu na i dukara, ba ma yita, ama mani ma potya ukusu ipok, ba ma potya. ²⁵ Pidon ubasan uma tya u Yahudawa, ima tumu magya yimi aguyi agu, "pibasan, iyannan da dene azuga nivataru niza uteu?" ²⁶ Yesu iguyi agu, "inna napina karanta ukusu na agyakaran unyong matya? ²⁷ Ima shere yeni abere agu, "azamani pi mani Ubangiji Kashiri na kasugu kamu naduk nivataru nimu naduk ushiru umu, naduk kumina kumu, aman piyi patimbu na nici nimu." ²⁸ Yesu ima shereyi agu, "pisheri nateng, inna podeni kene pidama garga. ²⁹ Na, pibasan umi ima cidda nici niyi, igu Yesu agu, "Wan piyi patibu?" Ishere agu, "Pidon piyashillaci imasu jara awor urushalima makana u Yeriko. ³⁰ Ima jigi a icara ya dakara, yeni aciddayi makusu a nipum a gaza ukusu na ide, akpaba yi, abiskya yi na imaru keh. ³¹ Muma wana kene pidon ufirist ima zob ujina uru, ima yitayi izoboro uparu umi na ima woromi. ³² Kene pidon balawi, kapa na ima wana akati kami, ima yitayi azoboro a uparu udah aworoyi. ³³ Pidon ba samariye, isu jara kenna ima tumu katikam na piyashillaci iyimi, ima yita piyashillaci inshishi muma wanayi. ³⁴ Itumu kati na piyashillaci iyi, ima shishiyi mako mamina ayisan yi, asu sugutu mamai na mani ma inabi. A tarkyayi uzo kizanku kiyi a yendeyi a kamuri kayi akula nayi. ³⁵ Ama ca cira iyende makobo maba ado piyu kati kami na ima mura mi aguyi agu, 'kula nayi, inna pi wuni ukusu piri kene inna in guri indama beybu'. ³⁶ Unyong aya atar ara, wanna pi minza agu iyi piyi pati piyashillaci na ima jigi ka adakara?" ³⁷ Pi basan umi igu, "piyima sagana yi ujinkai." Yesu iguyi agu, "worobu puma aka dene kene." ³⁸ Kapa kamna yeni amasu jara, ima rinya udon ubaga, pidon uyini ide nizagi agu Marta ima toddoh yi ugira uyi. ³⁹ Ide kobina na ana yessayi gu Maryamu, unna ima zomo a ibina i Kashiri a pok ukusu ibasha. ⁴⁰ Yi Marta ima mani ma napsa maninaru. Ima tumu u Yesu agu, "Kashiri pidaman bu kobina unan i biskinmi insu disha utuma mi utami? baryayi i mukyami." ⁴¹ Kashiri kama shereyi abere aguyi agu, "Marta, Marta, pidamanna ukusu ugbaki, ⁴² Ukusu udah uwanni udole. Maryamu ima canka ukusu upiri a uvurah, umina adama suskanyani magazayi uni."