¹ Yesu ima su woro ayita pidon udumu tun kenna ama wabayi. ² Amajirai ayi aribiyi, "Malam, wan i deni ibang, piyanwu ba wababn ayi, har na ama wabayi pidumumi? ³ Yesu i shere, "azang piyanwu ko awaban ayi adeni ibang, amma sabona utuma uKashiri u bhaskah unyong uyi. ⁴ Dole kiyishi utuma upiyar i koni mi tun amyigh. Katuk ka dama wana ba pidon idama iya mayisha utuma. ⁵ Akapa na inyi auya, migi matus muya." ⁶ Na Yesu ima duru ma bashi ma makusu mamma, a tublya kitau khajas, a borgo mayinzhi a kitai kiyi, a sogotya ayizi a piyami na mayinzi mami. ⁷ Agi yi agu, "worobu, aka sagha aakajing ka siloam (agu: akuni)". Piyami i woroyi, aka sagha, aguru amen katege. ⁸ A jami aka zom na ayar angha ma yo iyi tin isu gisa agu, "azan piya ungwu ina zomi asu gisa?" ⁹ Adong agu, "a yi." Adong agu "ba'bu, amma iyi na yi." Amma yi igu "a migi piyami." ¹⁰ Yeni agu yi agu, "To adeni a gbanna bu ayizhi o?" ¹¹ Igu yeni agu "piyami na ana guyi agu Yesu yi i borgon mayinzhi a sogotya mi ana yizhi agu mi agu 'kana kumana ku siluwan aka sagnah.' In kanami aka sagnah, a zuga mayita katege. ¹² Yeni agu yi agu, "iyin ki?" I shere agu, "In yomi.' ¹³ Yeni ama yende piyami ima yi pidum ka Farisawa. ¹⁴ Amayi katuk ka sabar na Yesu ima borgo mayinzhi a gbanna yi ayizhi. ¹⁵ Har akapaka a Farisawaama ribiyi kenna izugi mayita katege. Igu yeni agu, "i denimi mayinzhi anang, in sagnah, kuma in men. ¹⁶ Adong unyong a Farisawa agu, "piyanwu azan yi ciri Kashiri sabona i kiyayeyi katuk ka sabar." Adong agu, "yaya piyi ibang idama yisha alamu iri angha?" Mawamta marinya yeni. ¹⁷ yeni agurmi a ribi pidumumi kuma, "iyanna pi kuma gami nayi na yi gbannan bu ayizhi?" Pidumumi igu, "iyi annabi mi." ¹⁸ Har mina a Yahudawa adumun ani na kidumu kiyi na mamen ma katege na izugi, sai na yeni ama yarkya awaban a piyanwu izu mayita ma katege. ¹⁹ Yeni aribi awaban ayi, "piyallu iyi kono kayin na ina gu ama waba kani kayi pidumu? A deni ni kamen?" ²⁰ Awaban ayi a shere yeni, "kiyo kono kanka aka wor kuma ama waba kani kayi pidumu. ²¹ Kenna kamen mina, piyoyidi, kuma piyar i gbannan yi ayizhi, kiyoyidi, ribin yi, azan kono. Idama iya abere a nici niyi." ²² Awaban ayi ama gu kene sabona yeni ama pok usahd wa yahudawa. Sabona a yahudawa ama mari abere agu duk piyar idumun agu Yesu iyi Almasihu mi adama chidda yimi unyong majami'a. ²³ Domin kene awaban ayi amagu, "ai yi zayi konomi ribinyi." ²⁴ Yeni ama gurmi a yesah piyami ima yi pidumu u karo niba, agu yi agu, "dakanya Kashiri kicibru. Wuri kam kiyo piyangwu a piyi ibang." ²⁵ Piyami i shere agu, " Inyomi ba iyi piyi ibang. Ukusu udah na inyo: in mayi pidumu mi, amma in men kategeh mina." ²⁶ Yeni agu yi agu, "yiyan nayi denibu? ideni yinni a gbanna bu ayizi o? ²⁷ Ishere, "in mari barini, amma i potonni! Don iyan na yi mani ma gurmi a potya? Ba yin ma yi mani mawana almajirai ayi, aikene?" ²⁸ Yeni azogonzya yi agu, "pugi piyi almajiri ayi, amma wur kiyi almajirai a Musa. ²⁹ Wur kiyo Kashiri kama berya u Musa, amma kiyo yidi kati na piyanwu i ciri." ³⁰ Piyami i shere yeni agu, "Tirkashi, iyonni kati na iciri duk na kene ayi igbannan mi ayizhi." ³¹ Ki yo agu Kashiri kana potya ayi ibang, amma idan pidong idumun iyisha unufi ukani, ipok kani kenan. ³² Tun na uya icigyi, ajima taba mapotya agu pidong i gbannan ayizhi a piyar na a wabanyi iyi pidumumi. ³³ Idan piyanwu azan iciri Kashiri, idama iyayi madene kadangma." ³⁴ Yeni a shere aguyi agu, "a wabanbu unnyong ibang, pi mani ma bashidi?" yeni a cidda a villya yi uya. ³⁵ Yesu ima potya agu yeni a ciddan a villya yi uya umajami'a. Ima zuga yi aguyi agu, "pidumun na kono Kashiri?" ³⁶ I shere aguyi agu, "wan ikani, Ubangiji, na indama dumya na kani?" ³⁷ Yesu igu yi agu, "ai pi yitanyi, ayi berbene na pu." ³⁸ Piyami igu, "Ubangij, in dumun." A yishayi u sujada. ³⁹ Yesu igu, "Sabona u hkunci na in tumi a uya sabona ayami amen ani yeni ayita, sabona kuma ayami amen yeni awana adumu." ⁴⁰ Adong a Farisawa angha yi nayi ama potya anang angha, yeni a ribi yi, "wuri kiyi adumu mi?" ⁴¹ Yesu igu yeni agu, "ina yi adumumi, ina zaini ibang, amma ikugu, 'ki men', don kene ibang iyin yi wani kene."