1
Yesu ima kana a kupana ku zaitun.
2
Rikata kamop ima guru au haikali, ayar na duk ama wana uyi. Izomo a basha yeni.
3
A nyakaran na aFarisawa ama yende piyini uranna ama puriyi au zina. Yeni ama dene piyinum a kacaci.
4
Ama guyi agu, "malam, piyininwu ki zugi yi ishi yisha uzina.
5
Unyong matya, Musa idugi ayar umurni agu aruza iyiri yeni, pugi iyan na piku game na yi?"
6
Yeni amagu kene sabona azuk ukusunna adama zargi yimi, amma Yesu ima khagahnah a nyakarya a kibo kiyi ka jas.
7
Yeni amare kazono ama ripshiyi yi, icoko a nyezeneh agu yeni agi, "piyar izayi ibang unyong uyin yi zonzo aroyi a katari."
8
Igurmi a kahgahnah a nyakarya a kibo kiyi ka jas.
9
Yeni ama potya kene, yeni a puru macicca madandah daga piyar cibru uyeni aka mangarin ama jikya Yesu utayi, yenna piyinumi ungyuh yi a kacaci kayeni.
10
Yesu icoko a nyezeneh agu piyinum agu, "piyi, ayami a bishi bu do? Ba pidong i wuni bu?" Igu, "ba pidong Kashiri"
11
Yesu igu yi agu "migi ma nwunin pi. Jara ma worobu, daga mina kada pi gurmi adene ibang."
12
Yesu ima gurmi aberya ka yar agu, "A migi matus muya, piyar i zobmi, idama jara yi unyong majin, amma idama zuga matus ma nivataru.'
13
A Farisawa agu yi agu, "pi dakanzya u shaida arici nimu, ushaida umu azan ribin"
14
Yesu i shere yeni agu, "ko na ndugi ushaida arici ninang, ushaida unang a ribin, unyong kati nan ciri na kati nan dama kana, amma yin iyoini kati nan ciri na kati nan dama kana.
15
I yisha matya ma mamani marici, migi in yishami pidong matya.
16
Ko na yinna yisha matya, matya manang a ribin sabona azanmi utami amma awor na picu unang ungyuh yi kunimi.
17
I, unyong udoka uyin a nyakaran agu ushaida wayar aba aribin.
18
A migi nduksha ushaida urici ninang, kuma picu ungyuh i kuni mi ide ushaida unang.
19
Yeni aguyi agu, 'cu do?" Yesu i shere yeni agu, "iyonin mi balle picu nang, ina yomi ina yo picu nang."
20
Yima berya aberyangah a pati kati ka jiya akapa na ima su basha unyong u haikali, kuma ba pidon ima puruyi sabona kapa kayi kamadotu mawana tukuna.
21
Ima gurmi agu yeni agu, "ndama woromi, idama gbenemi idama zuginimi idama ke unyong ibang iyin. Kati na yindama kana, idama suskanyani makanam."
22
a Yahudawa agu yidama wuna rici niyi, ma yina gu kati na yindama kana, idama suksanyani makanami?
23
Yesu igu yeni agu, "yin aka jas na iyimi, migi kuwa a uzo na inyimi.
24
Yin a uyangwu, migi kuwa azan piyar uyangwu mi. Ukusu udeni inna gu ni agu idama ke unyong ibang iyin.
25
Yeni agu yi agu, "piyu wan?" Yesu igu yeni agu, "ukusu na yin baranni tun kazono.
26
Inde makusu magbaki na indama baraniyi, yin kuma hukuntainni na uni. Duk na kene, piyar i kunimi, a piyar ide ribin, makusu anna in poton uyi a makusu manna in basha uya."
27
Yeni ama yogotyani agu yi mma su berbene uyeni gami na picu.
28
Yesu igu, "nna pi cokonon kono ka piyar, pi dama yogotya agu a migi, agu nna denemi kadangma a rici ninang. Kenna picu i basanmi, nna berya makusu mam.
29
Piyar ungwu i kunim iyi nami kuma ibiskin niyi mi utami don kokashe kapa inna yisha yi ukusu u bokonzya yi kasugu.
30
Akapa na Yesu ima berya a Yahudawa angah ma dumya nayi.
31
Yesu ima barya a Yahudawa angah ma dumya nayi agu, "inna yi nyazahnan unyong abere anang iya almajirai anang a ribin,
32
Kuma idama yogotya ribin, ribin kuwa nidama gaskini."
33
Yeni a shereyi agu, "wuri kiyi asang yi Ibrahim mi kuma kiditi ma taba ayisha kidere aimai
34
Yesu igu yeni agu, "ribin,ribin, inna gu ni agu, duk piyar iyisha ibang yi i pidere pi ibang mi.
35
Pidere kuwa, ina zomoyi ugira kuwazi, kono ka biskinni idama wana ayar na a biskin sosai.
36
Sabona ken, idanna kono ka biskinni, iwana a biskan sosai
37
Inyo yin a asang Ibrahim mi, imani ma wunami sabona abere anang a zani kati kazomi unying uyin.
38
In beren makusu na yin itan kapicu unang, yin kuma yi yisha makusu na yi poton kapicu yin."
39
Yeni a shere agu, "Ibrahim iyi picu uwur." Yesu igu yeni agu, "ina yi nono na Ibrahim mi yina yisha ukusu na Ibrahim i yisan.
40
Amma, imani mawunami, piyar ungwu i barannin ribin nayi poton Kashiri. Ibrahim ima yishini kene.
41
I yisha manang ma cu. Yeni aguyi agu, "a waban ani di unyong u fasikanci, kide picu udah; Kashiri."
42
Yesu igu yeni agu, "Kashiri kana yi picu uyinmi, ina manim sabona in tumi awor Kashiri kuma inyi nna, ba sabona rici ninang ba, akani ka kunimi.
43
Iyan ideni i yogotonni abere a nang? ai sabona idama iyanni mapotya abere anang.
44
Iyi na picu uyinmi, shaitan, kuma imani madene ukusu na cu imani. Ina wunza ayar tun kazono kuma ina baryayi ribin sabona ba ribin unyong uyi. Akapa nayi yisha kabere, iyi ana bere u halli uyi don yi dama a piyar u kabere kuma picu ukabere.
45
Tunna in basha ribin i gabini madumya na mi.
46
Wan unyong uyin i puri me ibang? Idan na in basha ribin iyan ideni i dumunni na mi?
47
Piyar iyi u Kashiri ina potya abere a Kashiri, yin yi pokni abere a Kashiri tunna yin azan ayar a Kashiri."
48
a yahudawa a shere agu yi agu, "ki barandi ribin na ki ku piyi pisamariyawa mi kuma ade aya jas?"
49
Yesu i shere, "migi in zami aya jas, in dakanzya picu unang kicibru, yin kuma i dukshini mi kicibru."
50
In gbenemi u daraja sabona rici ninang, akwai piyar ungwu igbene ina kuma jingba.
51
Ribin, ribin na ina guini agu, duk piyar i mente abere anang, idama itayi ma ke."
52
A yahudawa agu yi agu, "amina na kiyogoton agu pide aya jas. Ibrahim na annabawa aman kizi, amma pina gu, 'duk piyar i mente abere a nang idama itayi make.'
53
Aipi piribu picu uwur Ibrahim ama gbaki ini kini, ba pi piri ini shi? Annabawa kuma a kizhin. A wan na pi zan rici ni mumi?"
54
Yesu i shere, "idan na in zapkhan rici ninang, ama zapkha mu wam mi, a picu unang i zapkhan mi. Unna ina gu a Kashiri kayin.
55
Yin kuwa i yoini yi, amma mi yinyoyi. Mya zugu yin yomi yi, in wani nayin kenan, aya kabere migi yin yoyi asu mente abere ayi.
56
Picu uyin Ibrahim ima dene rizhaghah ama ita maka tuk kanang ini ima ita kuma adene rizhaghah."
57
A yahudawa aguyi agu, "pi doto matumu kiwa ituru kishi tukuna, pi man taba mayita Ibrahim?"
58
Yesu igu yeni agu, "Ribin, ribin na in bashini, tun a doto ma waba Ibrahim, migi."
59
Yeni a zya natari maruza yimi, amma Yesu i wukunu, acira a u haikali.