¹ Kacini ka makusu mamma Yesu IMA mangarya unyong u galili, Sabona ima maniyi marinya unyong u yahudiya sabona ayahudawa amasu camsana ma wuna yi. ² To ubuki wa yahudawa IMA 'dahra' uma patana. ³ A kobini ayi agu yi agu, coko worobu, uYahudiya, don almajirai amu ayita ukusumi na pi yisha. ⁴ Ba pidon iyisha kadangma kanisa mi inna yi mani magu kowan na wa yi yogotyi. Tunna piyisha makusu mamma cira asaganya rici nimu auya." ⁵ Don ko akobini ayi ma a dumun ani nayi ma. ⁶ Yesu igu yeni agu "kapa kanang ka doto mawana amma yin ko kashe kapa aka yi. ⁷ Uya udama yiyauni magabini nayin, amma uniugab uni mi sabona innagu manang mayi madugan mani. ⁸ Yi kanin akati ku buki umi, migi indama kanam akati ku buki umi sabona kapa kanang ka doto mawana tukuna. ⁹ Na yima duru mabashi yeni makusu mamma, yima takayi unyong ugalili. ¹⁰ Amma ubayunna akobini ayi ama woroani akati ku bukim yima ima kana amma ba pidong mayo. ¹¹ Don a Yahudawa ama su gbene yi aka ti ku buki umi, asu kuma agu, "yi shio?" ¹² Akwai abere adon uyi unyong makossono ma mi. Adong asu kuma agu, "iyi piyar idugan mi." Adong kuma asu kuma agu,"A'a yi ziza nasugu na yashillaci." ¹³ Amma duk na kene ba pidong ima cira au fili a berya uyi sabona amapok usahd wa Yahudawa. ¹⁴ Akapa na ama ka tumu a kacaci ku bukim, Yesu i rinya unyong u haikali apuru mabashi. ¹⁵ A Yahudawa a potya u mamaki anagu, "yaya na adeni piyan'u i zuga ilimi idon mina? ana kanan yi makaranta?" ¹⁶ Yesu i guddu yeni agu, "mbashi manang azan manang, amma piyar iyendenmi." ¹⁷ idan na pidong imani madei unufi uyi, idama yogotya mabashi mamma ko ma ciri ka Kashiri, ko ka amanang ma rici ni nang. ¹⁸ Kowan i berbene a nici niyi, i gbene u daraja unici niyi kenan, amma piyar un'wu ide ribin, ba kabere uyi. ¹⁹ Azan Musa ima doini u dokoki? Amma duk kene ba piyar i zob u dokoki umi. Iyan ideni na imani ma wuna mi? ²⁰ Aya ma kossura mami a guddu yi agu, "pide aya jhas wan imani ma wunabu o?" ²¹ yesu i guddu yeni agu "indeni utuma udeh, naduk uyin i yisha issabtu nauni. ²² Musa ima doini maceze migam, (zazan magu ama wor u Musa, ama wor tun kazono) kuma katuk kasabar ina zezye igam. ²³ Inna yi cesken pigam katuk kasabar, ina gu ituzini u doka u Musa, don iyan na i poton majara umi sabona in waskan katuk kasabar? ²⁴ Kazu ishin matya mayizi, amma ishin matya ma ribin. ²⁵ Adon ayeni aciri awor Urushalima agu, "piyanwu azan piyan na yeni agbene muwana?" ²⁶ Kuma yitin, i berbene au fili, ba kuma pidong i kuyi kadangma. Mu dama wana muni agu agomo ayo agu piyanwu a Kristi ko ba azan kene shi? ²⁷ Nakene kiyo kati na piyanwu i ciri. Amma kapa na Kristi idama tumu ba pidong idama yo kati na i ciri. ²⁸ Yesu ima berya na kam au haikali, asu basha ana gu, "yi yomi kuma yi yo kati nan ciri. In tumi mi aciri ninang, amma piyanwu ikuni mi iyi ribin mi, yin kuwa i yoini yi. ²⁹ migi inyoyi sabona auyi na incirin, kuma ayi i kuni mi." ³⁰ Yeni ama de kumina ku mapuri, amma ba pidong yi ma iya ma deniyi kacara sabona kapa kayi kama doto mawana tukuna. ³¹ Duk na kene adong a gbaki unyong makssura ama dumya nayi ana gu "kapa na Kristi itumi, idama yisha anang a piri angha na piyanwu i yisha?" ³² Afarisawa a pok makossuna masu jamana ama kusu mamma na akuma game na Yesu, ma malamai magwakazi na farisawa a kunu agu apur yi. ³³ Akapa kami Yesu igu yeni agu, "akapa na cun iyi na yin, sa'annan in worumi ka piyarin kunim. ³⁴ Idama gbene mi maza zugami, kati na in wori mi, idama suksanyani mawanam." ³⁵ Ayahudawa agu aci ayeni agu, "inki na piyanwu idamam kana na kidama suskanyidi mazuga yi? ba idama wori ka Helinawa anga a paskan ko inki aka basha ki Helinawa? ³⁶ Ashe abere na ikuma kene, idama gbenem amma idama zuginimi, kati nan dama kana, idama suksanini mawanam?" ³⁷ A katuk kaka mangarin, katuk ka gbaki ku bukim, Yesu i coko aberya na kam agu, "piyar ipok kushek, iwana umi ama so. ³⁸ Piyar idumun na mi kenna u nassi u baran, unyong uyi nagub na mani manivataru madama cizza. ³⁹ Amma ima berya kene unyong uruhu, unna ayar aa dumun na yi adama shere, adoto mado urumi tukuna, sabona a doto ma daukaka Yesui. ⁴⁰ Adon unyong makossura mam,ama potya aberam, yeni agu, "piyanwu lallai anabi." ⁴¹ Adon agu, "piyanwu a Almasihu." Amma adon agu, Almasihu idama cira uGalili? ⁴² Azan u nassi u kugu Almasihu idama cira unyong ugira u Dauda uwor ubaitalami, awor au doh u Dauda iciri? ⁴³ Ama zuga u rabuwa unyong makossura mami sabona yi. ⁴⁴ Adon ayeni anama puru yi, amma ba pidon ima rebeyi. ⁴⁵ Ajami ai ama guru kama Firistoci na Afarisawa, yeni agu, "iyan ideni i na yendini yi?" ⁴⁶ Ajami ai ashere, "ba pidong iman taba mayisha abere kamar kene." ⁴⁷ Afarisawa a shere yeni agu, "yinma a cipanzanni? ⁴⁸ Ko ba pidong unyong agomo idumun nayi shi, ko kuwa pidong unyong aFarisawa?" ⁴⁹ Amma makossura mamma mazayo matya ala'antan yeni. ⁵⁰ Nikodimus igu (piyanwu ima wana u Yesu katuk, imayi unyong aFarisawa). ⁵¹ "Ko ba matya ma wor ma nyazhi mani ama do piyar ibang sai ma poti uyi kuma ayogotya ukusu na ideni ba?" ⁵² Yeni a shere yi agu "pu ma abu ciri u Galili? Dene u bincike ayita ba anabi anga dama cira awor u Galili. ⁵³ Daga kene kowan iwuri ugira uyi.