1
Makusu mamma mama woro, Yesu yi rapkya uteku ugalili, unna ana yesah agu uteku utibariya.
2
Makossono ma yar magbaki ma zoboro yi sabona yeni ama men alamu nayi yisha ka yar aza gassa.
3
Yesu i tuga kupana azomo na almajirai ayi.
4
(Ubuki u'ketarewa wato u' idi wa Yahudawa uma na pati)
5
Yesu ima zapkah rici a yita makossona magbaki ma yar madama wana uyi, igu Filibus yi agu, "nki na kidama zamana u waina unna ayar angha adama reh?"
6
(Ima gu kene sabona i gwada yi, don yi arici niyi yiyo ukusu na idama dene.)
7
Filibus i shere yi agu "u waina i dinari iba ma yini dama wani ni owan izuk ko na cun ba."
8
Piyar udeh unyong a almajirai ayi, wato Andarawus, kobina u Siman Bitrus, yigu yi agu,
9
"Kadon ka kononka kade i burodi kishi na isani iba. Amma iyanna ini idama dene ayar adunna?"
10
Yesu igu, "denin ayar azomzono" (kati kam kade ugi.) ayarumi ama zomzono, yeni adama tumu idubu kishi.
11
Yesu ima zya u burodi mi adene u godiya a tusa a yami a zomzyi. Aikene yima tusa isani mi kenna kowan ima zuga.
12
Ayar ami ama reh a shitunzura, yigu almajirai ayi agu yeni agu "kpokshin kudezhe kunku takan kada aden asara."
13
Yeni ama kurganya na bende pituru a kaba na kudezhe ku burodi kishi kunku mataka. Ko wan i maru reh ashituruga.
14
Ayar ama yita alama anni deni, yeni agu, "ribin piyangwu ayi annabi angya jara mawana unyong uya."
15
Na Yesu ima yogotya agu yeni a jara mawana ama zyayi a ushiru a deniyi yi wana pogomom, yima ritiyi uzo kupana anici niyi.
16
Na morong mawana, almajirai ayi ama dumya makana u teku.
17
Yeni ama rinya unyong ku jirgi, a dakya uteku makana kafarnahum. (Akapakami majin mamadagi, Yesu ima doto ma tumu uyeni.)
18
Uvunu u shiri nakam usu vugutu katege, uteku usu nagonzura.
19
Na almajirai ama tuka a tumu kamar imil ituru iba a kishi ko ituru itar, ayita Yesu yi yisu jara a uteku ana pati kujirgi kum, yeni a potya usahd.
20
Amma yi gu yeni agu, "Ami gi zu potin usahd."
21
Yeni ashi dumya ashere yi unyong ku jirgi kum, ku jirgi kum kuma guru kuni ak tumu urapku.
22
Rikata nima wana kudezhe ku taro gwu matakan urapku uteku kuyita agu ba kudon ku jirgi aka tikami sai kunka deh, Yesu kuma ima rinya yi unyong na almajirai ayi ba, amma almajirai ayi ama wuruani uta yeni.
23
Ama de majirgi ma matumu awor tibariya apati kati kami na utaru uma re uburodi unna almasihu ima dene u godiya.
24
Akapakanna utaru uma yogotyaagu Yesu yenna almajirai ayi azani akati kami, yeni ana ci ayeni ama rinya unyong majirgi mami a woroani kafarnahum kagben ka Yesu.
25
Na Yeni ama zuga yi urapku utekum, yeni agu yi agu, "mallam, uyangwu na pitumi na?"
26
Yesu i shere yeni agu "ribin, ribin, yi gbenem azan magu i yitan alamu ba, amma sabona yi rini uburodi gwu ashitunzura.
27
Biskin kidere aka gben ka mininaru man madama nagurga, sai a maninaru man madama dara mani, man madama jagini a nivataru ni zamadara ninna kono ka piyar kadama do ini, sabona Kashiri ka deni u katimi ukani.
28
ni agu yi agu, "iyanna ki dama dene sabona kiden manang ma Kishir!'
29
Yesu i shere, "angya ani ayi utuma u Kashiri: wato dumin na piyar na ks kuni."
30
Yeni agu yi agu, "to ashe alama na pi dama dene, don ki ita a dumya bu? Yiyan na pidama dene?
31
Apugani ama re umanna akarimi, kenna a nyakaran, "yima do yeni u waina awor uzo yeni arh."
32
Yesu igu yeni agu 'ribin, ribin, in bashini azan Musa ima doini u waina uwor uzo ba, amma picu unang ima doini u waina u ribin uwor uzor.
33
U waina u Kashiri uni u tuzzo awor uzo, uni kuma uduksha nivataru a uya."
34
Yeni agu yi agu, 'mallam, taka na doidi uyiri u waina ungwu ko kashekapa."
35
Yesu igu yeni agu, "amigi u waina ungwu udusha nivataru. Piyar i wani umi yi dama potiyi igbom, piyar kuma idumun na mi yi dama gurmi a potya yi kushek.
36
Amma in barinni agu, ribin, in yitanmi, duk na kene i dumunni.
37
Duk piyar na picu yi dugimi yi dama wana umi, piyar i wani umi kuwa indama zobmi i ko na cun.
38
Ntoron a wor uzo ba sabona nzoboro kumina kukasugu kanang ba,
39
sai dai kumina ku piyar ungwu yi kuni mi, kada yin bis ko piyar udah unyong a yangah na yi dugimi, sai dai yin coukuni yeni a katuk kamangarin.
40
Anga ani ayi kumina kupicu unang, duk piya i men kono kami a dumya na kani i dama zuga nivataru ni zamadara, mi kuma in dama cokonya yi aka tuk ka mangarin.
41
A Yahudawa apuru abere uyi aguyi kugu, "a migi u waina ungwu toron awor uzo."
42
Yeni agu, "azan Yesu kono ki Yusufu, kanna kiyo picu na pina? a deni ni na yina gu, ntoron awor uzo?"
43
Yesu i shere yeni agu, "su yishin kusunu ana ci ayin.
44
Ba pidon idama iya mawana umi sai dai yinna picu ungwu ikuni mi yi kokon yi, migi kuwa yin dama cokonya yi aka tuk ka kamangarin.
45
A nyakaran unyong litattafai nya annabawa agu, 'na duk uyeni Kashiri kadama basha yeni'. Duk piyar yi poton a magasa ka picu, yina wana umi.
46
Ba magu pidon imaru taba mayita picumi ba sai yi unna yi ciri awor Kashiri-iyi yi itan picumi.
47
Ribin, ribin, piyar idumun ide nivataru ni zamadara.
48
Migi uwaina u nivataru.
49
Aciyi ama re umanna unyong karimi a kuma kizi.
50
U waina ungwu uturun awor uzo, sabona piyar iri unyong uwuni maza keh.
51
A migi u waina u nivataru uturun awor uzo. Duk piyar i rini u waina ungwu, i dama garga ba madara. U wainun gwu na yin dama do a ripum ni nang don magaska muya."
52
A yahudawa a wamtani ana ci ayeni a puru i gardama agu, "yaya piyangwu idama iya mado ayar inama yini pum niyi a yar a reh?"
53
Yesu igu yeni agu, "ribin, ribin inna yi rini ni inama yini pum ni kono ka piyar ba maza su mayuh mayi ba, idama zugini nivataru unyong uyin ba.
54
Duk piyar i rini ama inang aso manyo manang ide nivataru ni zamadara, migi kuwa indama cokonya yi a katuk ka kamangarin.
55
Sabona inama yi nang a maninnaru ma nibin, manyo manang kuma aukusu uma so unibim.
56
Duk piyar i rini inama inang, kuma aso manyo manang, i zomi unyong unang, migi kuma unyong uyi.
57
Kaman kenna picu ungwu yi garayi kuni mi, migi kuma yin gara sabona picumi, aikene na piyar i rini inama inang idama gara sabona mi.
58
Ungwu uni uyi uwaina ungwu toron awor uzo, a zan uyirinna a ciyi ama re a kizi. Duk piyar i rini u waina ungwu idama garga ba madara."
59
Yesu ima basha makusu mamma unyong wa yashillaci akapa kanna yima su basha u kafarnahum.
60
Na ma poti kene, aya gbaki unyong almajirai ayi agu, "aberen ga ashiri, wan idama iya ma potya ani?"
61
Yesu, duk na magu yi yoh ani ci agu almajirai ayi ayisa u gunaguni a ukusu na iku, amma yi gu yeni agu, "anga awani ni i laifi ko?
62
Ani adama wanni yinna i yitan kono ka piyar kasu tussa akati na kama yi kazono?
63
Uruhu uni una do nivataru, ripum nizanini u amfani ukadamma. I kalmomi inna yin barinni iyi uRuhu mi na kuma nivataru.
64
Amma fa adon ayin adumun ani na kuma piyar unna idama zhizhi yi.
65
Yi baran agu, " ukusu fdeni yin baranni, ba piyar idama iya mawana umi, sai i ciri kaa picumi."
66
Ama duru kene, aya agbaki unyong almajirai ayi ama riti kacini, a gabani magurmi a jara na yi.
67
Yesu igu pituru a kaba kam, "yin imanini ma worini, ba a zan kene shi?
68
Bitrus i shere yi agu, "almasihu, uwan na ki dama kanam? pugi pide abere a nivataru ni zamadara.
69
Wuri kwa kidumun, ayo kuma agu yangwu i zayi ibang u Kashiri,"
70
Yesu igu yeni agu, "azanmi inteskyan ni pituru aka ba, amma piyar uyin udoh iyi iblis mi?"
71
Yi berbene a rici ni Yahuda kono ka Siman Iskariyoti, ungwu iyi unyong pituru aka ba ungwu idama dakanya Yesui.