¹ Ubaya kene ama de ubuki wa yahudawa, kuma Yesu ima woro yi Urushalima. ² Unyong Urushalima a pati karong ka magam akwai kajing, kanna ana yesah agu Baitasda aki berbenen ki Ibraniyanci, ima de marumfa kishi. ³ Makossono mayashillaci agbaki adeshe kigwana; adumu na nagundari na ayar ade kigwana kima kizi mari pum ama mgosozia kati kam (a su suksa magu arindari mani mami). ⁴ Dom Mala'ika ma Kashiri mana toro unyong kajing kami a rinderya mani mami, piyar izinzin a rebe mani mani idama garga na kigwana kiyi. ⁵ Akwai pidong au paru u kajing kami i mgoshi ade kigwana har adene kiwa ituru itar amanaziba. ⁶ Yesu ima ita yi i gmoshi a kati kami i yogotya agu i maru goro a kati kami, igu yi agu, "pi mani ma garga?" ⁷ Pigwana umi i guddu yi agu, "malam, inzami pidong idama zyami a jaga unyong kajing akati na mani ma riturgan. Duk kapa na indama dene u kukari pidon yi dama zonzomi." ⁸ Yesu igu yi agu, "coko a zya kugmoshi kumu a woro bu." ⁹ Akapakami piyami i garga, a zya kugmoshi kuyi a woroyi. Katuk kami kama yi asabar. ¹⁰ A Yahudawa agu piyan na waskan yi agu, "Ai, asabar ayi ukyaru, mu dugan muni agu pideteh mugmoshi kumu ba." ¹¹ I shere yeni agu, " Ai piyar i waskanmi, ayi yi kumi agu, 'zya kugmoshi kumi a worobu'" ¹² Yeni aribi yi, "pi yanguba i kubu agu 'zya kgmoshi aworo bu?" ¹³ Piyanna a waskan yima yo yi piyar yi waskan yi, domin Yesu ima maru woroyi kawuru mi, sabona ama de makossono aka ti kami. ¹⁴ Ubaya kene, Yesu yima zuga yi au haikali agu yi agu, "ita fa, pi gargan. Toh zu gurmi adene ibang don kada kadangma ka piri kanka ama makari ka zubbu. ¹⁵ Piyami ima wori aka barya a yahudawa agu a Yesu i waskan yi. ¹⁶ Toh sabona kene a yahudawa a cignha ma kotoro Yesui, don yi ma isha makusu mamma katuk kasabar. ¹⁷ Yesu kuwa ima shere yeni agu, "picu unang i tumza har mina, migi ma in tumzana." ¹⁸ Sabona kene ayahudawa a pirya ka gben kama wuna yi ba don magu i tusuru u doka wa sabar utaini ba, amma kuma domin i nagu Kashiri kayi picu uyi mi, wato yi gfudduzu rici niyi mamma deh na Kashiri. ¹⁹ Yesu i shere yeni agu, "aribin, aribin, na in bashini, kono kana dene kani kadangma utakani, sai ukusu na kayitan picu yi dene. ²⁰ Domin picumi i mani kono kami, asu saganzya kani na duk ukusun nayi a rici niyi, yi yisha, kuma idama saganzya kani makusu ma piri mamma, domin iden u mamaki. ²¹ Kenna picu yina cokonzya aya a kizin ado yeni nivataru, aikenna kono kana do nivataru na duk ka piyar na kamani. ²² Picumi yina hukunta yi pidong, saidai yi biskin u hukumci ukono kami, sabona ko wan yi duk kani kicibru, kenna yeni a duksha picu kicibru. ²³ Piyar umi yi duksha yi kono kami kicibru, yi duksha yi picu kicibru un'u yi kuni kani. ²⁴ Ribin, ribin, duk piyar yi pok abere anang, a kuma dumya na piya mi yi kuni mi, ide nivataru ni za madara adama kuma wuna ani yi, domin i maru dakya makeh makana nivataru. ²⁵ Ribin, ribin na inbashini kapa kajara mawana, har ma kadagi na ayar a kizin adama potya rimyigh ni kono Kashiri, ayanga poton adama garga. ²⁶ Kenna picu yi de nivataru unyong uyi, aikene nayi dugi kono kam don ka de nivataru unyong ukani. ²⁷ Picu mi idugi kami u'iko uma ceske kukara sabona kani kayi kono ka piyar. ²⁸ Kada i poti u mamaki umummu, domin kapa ka jara na duk aya yi amashek adama potya rimyig niyi, ²⁹ a cisga aya ayisan mudugan adama coko makana ka kukara. ³⁰ Indama suskanyami ma dene kadangma a rici ni nang. Kenna in poton aikenna inna dene kukara, kukara kunang kuwa a kwa dalci, domin azan u'unufi urici ni nang nan zob, saidai u'nufi u piyar yi kuni mi. ³¹ Idan na indama dene ushaida a rici ni nang ushaida unang udama wana uni ribim. ³² Akwai pidong yi dugsha u shaida gami na mi, inyo agu ushaida unna yi dugsha gami na mi ushaida uribin. ³³ I kuni u Yahaya, yi kuma i dugi ushaida uribin. ³⁴ Duk na kene ushaidun na in sheri azan upiyar. In baran makusumamma domin yi zob magaska. ³⁵ Yahaya ribak ni re, ride matus kuma, i dumun ma dene rizagha na matus mayi akapa kacun. ³⁶ Amma ushaidun na inde upiri uYahaya ama shiri. Domin utuma unna picu yi dugimi agu inyishi, wato ainihin utuma unna inyisha, uni uyi ushaida unang agu, picu yi kuni mi. ³⁷ Picu un'u yi kunimi, yi anici niyi ideni ushaida unang. ³⁸ idoto ma taba ma potya rimyigh niyi, ko ayita kenna yi yi. Abere ayi kuwa azani anasugu nayin, domin yi dumunni na piyan uyi kuni mi. ³⁹ I minza littattafai, don ama men mayin au inyong umani idama zuga nivataru ni za madara, alhali kuwa amani mayi ushaida unang. ⁴⁰ Kuma yi zaini nasugu na wana umi domin yi zuk nivataru. ⁴¹ In sheshemi kulallah ka yashillaci, ⁴² amma inyo agu izaini ma mani ma Kashiri nanasugu na yin. ⁴³ In tumi unyong rizagi ni picu unang, amma yi gabini masherem. Idan na pidong yi tumi na nizagi niyi, idama sheriyi. ⁴⁴ Adama denini yi dumya, yinyi sheshe kulallah anaji ayin, amma yi gbenini kulallah kunku jara awor Kashiri? ⁴⁵ Kada yi nenna indama jaga kukara kuyin ka picu.Piyar un'u idama jaga kukara kuyin yi musa, unna yi deni nasugu unyong uyi. ⁴⁶ Ina dumun na Musa, ina dumun na mi domin yi ma nyakara game na mi. ⁴⁷ Idan kuwa idumunni ukusu nayi nyakaran adama denini yi dumya na abere anang?"