¹ "Ribin,ribin, na in bashini, piyar irignan yi akarong makana unyong kidangah ki magam, amma a tuga a umanzu ujina, piyamwu a pidakara na kono ku pashi. ² Piya irignan unyong kidangah a zoboro karong kuma ayi iyi piyi pigam pi ³ Pi mentem ukarong idama gbanna yi. Magam mam mana zagi amani, ijaga mani uya. ⁴ Inna yi yenden mani na duk uya, ina jara kazpnp kamani, magam mami mazoboroyi, sabona mayo rimyigh niyi. ⁵ Madama zoboro mani pijan, amma saidai masum yi, sabona mayo mani rimyigh ni kanoh kayi." ⁶ Yesu ima berbene uyeni a misali mamma, amma yeni ana yogotya ni makusu mamma na i basha yeni. ⁷ Yesu igu yeni agu, "ribin, ribin inna guyini agu, a migi karong ka magam. ⁸ Duk ayami atumi a zonzo mi ayi a dakara mi na ayu pashi, amma magam mai ma potun mani yeni. ⁹ A migi karong, piyar yi rinyan uyi, idama zuga magaska, idama rinya a cira adama zuga kati ku kiwo. ¹⁰ Pidakara ina tumu yi sai don ima dakara, ima wun, ko kuma ima nagaza. In tumi domin yeni azuk nivataru, azuga ni nakam. ¹¹ Migi piyi u kiwo udugan. Piyi u kiwo u dugan ina do nivataru niyi sabona magam mayi. ¹² Piyar iyi kono ku kun, azan piyi u kiwo, unwu i zayi piyar u magam mi inna iyitan kikyarkeci ki damawa yi biskya magam a sumayi. Kikyarkeci kim ki zya a baskya mani a karimi. ¹³ Idama sumayi domin autuma i korgo na yimi kuma i damanyi na magam mami. ¹⁴ Amigi piyi u kiwo i dugan, yinyo manang, manang kuma mayomi. ¹⁵ Picu umi yi yomi, migi ma yin yo picu'umi, yin dugi nivataru ini nang domin magam mami. ¹⁶ Yin de mamanzu magam mmma zamani augarkin unwu. Mani kuma dole in yende mani, mani madama potya rimyigh ni nang sabona madama wana u garki udeh na piyi ukiwo udeh. ¹⁷ Sabona kene na picu'mi i manim: yin dugi nivataru ni nang domin in zuk ni in kuma. ¹⁸ Ba pidon idama zya nimi umi, amma yinna do nini anici ninang. Inde u iko uma do ni ni, inde u iko uma zya ni nim kuma. In sheri umurni unwu ka picu nang." ¹⁹ Kumina kuma wana kuni kudeh ka Yahudawa domin a berenga. ²⁰ Aya gbaki unyong uyeni amagu, "yide aya jas, kuma ayi pirangnimi: don iyan na apog yi shi?" ²¹ Adong agu, "a berenga azan piyar yide aya jas. Ba piyar ideh aya jas idama suskanya ma gbanna ayizhi a pidumushi?" ²² Kapa ku buki uma guzu u Urushalima kama wana. ²³ Akapa ka nigus, Yesu ima su jara a kutanda unyong u Haikali u Sulaimanu. ²⁴ A Yahudawa ama zogonzya yi anagu agu, "Har uyanku na pidama jikya yar unyong u shakka? Inna ayi pugi piyi Almasihu umi, pi barya a yar nateng." ²⁵ Yesu igu yeni agu, "In baranni, amma i dummuni. Makusu manna inyisha unyong nizagi nipicu unang, mani mayisha u shaida a nici ninang. ²⁶ Duk na kene i dummuni domin yin azan magam manang. ²⁷ Magam manang mana pok rimyigh ni nang: inyo mani, mani kuma ma zob mi. ²⁸ Yinna do yeni nivataru ni zamadara: yeni adama tabani makye, ba pidon idama gazza yeni akacara kanang. ²⁹ Picu unang, unwu idugimi yeni, yi piri kowani a magbaki, kuma ba pidong idama suskanya ma gazza yeni aka jara ka picu mi. ³⁰ Migi na picu mi a piyu deh." ³¹ A Yahudawa a gurmi a zya natari ma ruza yimi. ³² Yesu i shere yeni agu, "In saganan ni makusu madugan ma gbaki mawor ma picu mi. Sabona yen unyong u makusu mamma na imani maruza mim?". ³³ A yahudawa a shere yi agu, "azan magu sabona udong utuma udugan naki mana maruzabu, amma don usabo, domin pugi, a piyar, ama pi gudduzu nici nimu Kashiri mi." ³⁴ Yesu i shere yeni, "azan kenna a nyakaran a uduka uyin, ngwu, iyi na shirimi?" ³⁵ Inna i yarkan yeni agu nashiri, ayar anna abere a Kashiri a tumi uyeni (kuma adama iyani matuza u nassi) ³⁶ I basha piyanna picumi i samgban a kunu unyong uya, agu piyi sha usabo, domin yin kugu 'ami kono Kashiri'?" ³⁷ Inna in yisha mi utuma u picu nan, zu dumin na mi. ³⁸ Amma inna in yisha uni, ko i dumunni na mi, domin na utuma sabona ika yo, kuma a yogotya agu picu mi iyi unyong unang, migi kuma inyi unyong u picu mi." ³⁹ Yeni ama gurmi adene u kokari uma puruyi, amma i woroyi a cira ai cara iyeni. ⁴⁰ Yi ma jara awori har aka piranya kumana ku urdun makana akati na Yahaya ima su yisha u baptisma kazono, ima kuma zomo a kati kami. ⁴¹ Ayshillaci adun ama wana uyi anagu, "aribin Yahaya i yisan i adon alama, amma duk makusu na Yahaya i baran ka piangwu a ribin." ⁴² Ayashillaci adon ama dumya nayi a kati kami.