¹ Agaribas agu Bulus zi, pidama iya maguzu nici mu Bulus izabka icara yi azuzu nici niyi. ² Ude kasugu kapok, puyi pigomo Agaribas, ama Ayahudawa yendeze matha manag upu ukyaru. ³ Musamman magu piyi piyiyho mi waaladu uyahudawa, na manag mayani, mummu yi kene ingisabu dene uhakuri a rakurgami. ⁴ Muyi kene agu Ayahudawa naduk uyani ayho kenna urayuwa unag uyi tun kusana kunag unyong mayinzhi manag na mushalima. ⁵ Yani ayhami tan kagomo, mummu wani magu yani adumi agu yisan urayuwa nan yi Batarishimi uderika ude ursatsara urayi wadini awur. ⁶ Mina nghahzhi ungu ayishi mi matya a magu nikawali nin na kashiri kadeni acu awur. ⁷ Amagu muyi kene nikawali nin na yakipona pituru akaba adeni nasugu mu agu yani aser, akapa kanna yani ayisa usujoda na kumina ga kashiri katuk nanmi, a magu ubegu, pigomo Agaribas, Ayahudawa ayisha mi utuhuma. ⁸ Iyan idama dene pidhog iyisha kumina agu ukusu umamaki na kashiri ka cokonan mayaza? ⁹ Unna yishan kumina kuma yishi unkusu muza dugan anizagi ni Yesu Banazarat. ¹⁰ Unyisan ukusunmu ausalima akassha aya shiri akudhagha kumatya, a magu unzugi uiko non unzugi kama piristoci mabgakazi, na a masu wunza yani ma unzu duksha mawaba macini. ¹¹ Nma derengha yani nakam unyong madhagha asu kuma yisha ukukari kanna yani adama yisha kaiyon unyong usabo, nma yisha igaba ipu na yani, aderengha yani har makana amadog, mado na mayinzhi. ¹² Akapa konna nmasu yisha mummu, nma woromi udimaska ade izini ya yabgakzi mapiristoci. ¹³ Unyong ujaru anag kuna, akarankan mi, puyi pigomo, nma yita umi muwor uzho mu piri ami ama jonira, mu baskura amanrhan mi naya anna kijara na yani. ¹⁴ Na kima jikshi naduk uwur kajes, npotya nidog nmi nisu berbene umi anirem ni Ibraniyawa asu kuma agu, shawulu-shawulu, iyan idene pimpi yisha mi akidere? Mude uwuya pi hauri ukusumi aballi. ¹⁵ Migi ungu, pu piyi wan ya ubangiji? Ubangiji ishere, mi unyi Yesu umi na piderenzha. ¹⁶ Mina coko ayahzahnah, magu udoloki na unbgannu gun upu undenba, pi wona pidere na piyi ishaidomi a magu unkusu man piya anici ninag mina namunna ndama bayanatu dagu kacini. ¹⁷ Ndama ciddabu unyong waya ayer na yasillaci, ami nondama kunubu uyeni. ¹⁸ Magu bgana ayiji ayani, daga amajin makana a matus, na muwora iko ushaidan makana awa shiri, a magu yani asher ugafara ibang na ugaton nan da mada ayami nan utari nici ninag amu nipin ninag ¹⁹ Magu kene, pigomo Aganbas, nyaksan mipi auwahayinna ayitan uciruzo. ²⁰ Aman kazono ga ayami ayi udimaskus, na kuma urshalima na mayinzi mu yahudiya naduk umani, na na dukna ayasillaci, ayisha mammu dugan maseri mashiri. ²¹ Magu udalili un'u ayahudawa apuru mi unyho uhaikali asu yisha kumina kenna ana wunami. ²² Kashiri ka mukyami mawana ukyaru magu unyo ma yhazhonha kazono ka yer acuncun na abgakagi, ado ushida game na madara makusu na annabawa na musa abara uni dama wannami. ²³ Mu dama wana kene Yesu dama she-she kidere, idama wana piyi kazono na garganna unyong mayaza ikuma basha matus makana kayer uyahudawa na yashillaci. ²⁴ Na Bulus ima duru na gusku nici niyi, resta ibere animi nibgaki, bulus pi ranrha, ubgaku umayo mamu madoni pimpi ranrha. ²⁵ Bulus igu, unrarhami, pugu na unbasha ikaimomi inyi inipin, na unasuwa. Muma yi kene pigomo iyi mummu, mumkusu mum naduk. ²⁶ mani mudeni mimmi berbene ba ushad, magu unyo magu, ba ukusu mi unisan uyi, magu ayisan ani mummu anisan ba. ²⁷ Ba pi dugu nipin ka annabawa, pigomo agariba? Unyho pi dumun. ²⁸ Agariba agu Bulus yi, unyho kapa kacun, mani agu pi daska mi unwani piya shiri me? ²⁹ Bulus iyu ungisa kashiri ko kacun ka koco, azan pu utapu, aman naduk naya arakunzaurami ukyari awan nami, aman banna mayhen mamma. ³⁰ Pigomo icoko ayhazhonha yini na kugamna na barniki na ya naduk azomzi ayi na yoni. ³¹ Na ama jikya kidhanha kimakanusura mi, are kazono na akobini asu kuma agu, piyan'u ideni yi ukusu uwani magu iki ko kuma ashi-shi yiba. ³² Agarribas agu Fastas zi, " piya muru ina yani marha makana ukaisar ba ana biskin yi.