¹ Na Festa irighan ulardi umi, kaci ka tuk atar, icoko daga ukairariya awori urshalima. ² Sai kapirist ubgaki na yabgakazi ayahudawa ayenden Festas yi kusunu ku Bulus. ³ Yani agisa utagummashi u'Festas iyarki Bulus yi makana urshalima. Magu yani awunyi aujina. ⁴ Aman Festas ima shere yeni agu, Bulus iyi kono kamayhen mi ukaisariya, aman adama garani yi anici niyi idama guriyi kuru. ⁵ Sabo na kene, duk piyi dama iya, yani azoboro yani, unna akwai idog ibank yi ka piyer unu isunu ni. ⁶ Kacini kamamura manaziba ko pituru makana ukaisaiya; amacayi nikata izomo uzho ukurshiyi umatya ado umurni agu ayende Bulus zi kazono kayi. ⁷ Na makatumu ma Bulus, ayahudawa awor urshalima ayhozhonha cipati; ata yendeze matya. aman ana yiyani matabbatar na mani. ⁸ Bulus ikare nici niyi agu; undanim pidhog ibak, ko ayahudawa, ko auhaikali, ko ma ukaisar. ⁹ Aman Festas isu bgene mayho ma pok ka yahudwa, sabo na kene ima ribi Bulus yi agu, pi mani ma kana urshalima, unka karanabu kuri amagu unkusu mummu? ¹⁰ Bulus igu, unthazi audakali umatya wa ibak. Ba kaman kenna biyo nakam. ¹¹ Inna muwani agu lallai undeni ibok kuma adeni ukusumi utumi make, ungabini make, aman inba kusunu muyani kuyi kaberemi, kada pidhog izimi adokanna yani. Undama zobpha matya manas ajaga ukaisar. ¹² Kacini ka Fesatas ima berbene na masallisa mayi, ima shere agu, pi yasha ukaisar, pidama worobu ukaisar. ¹³ Kacini kadhog atuk, pigomo Agaribas na Barniki atumu ukaisariya. Magu yani aziyarci Festas yi. ¹⁴ Muma wana atuk abgaki, Festas ibara pigomo kutekpu ku Bulus agu; akwai pidhog uyer kono ka pigomo na Flikus ijikanmi akidhagha kikidere. ¹⁵ Kapa kanna ummayi urshalima, kupirist kubgaki na madattawa ma yahudawa ama yende matya mayi umi, agisa agu awuni. ¹⁶ Game na mummu unshere agu yani agu azn alada ayahudawa agu duk piyer utagumashi, she piyanna akaranayi na ana dayi kapa nina naba niyi. kazono ka ya matya mayi; ima duksha ihurjoji iyi amakara mam. ¹⁷ Muyi kene naduk uyi amakonusura umma nagozami kapa ba, ama cayi nikata, unzomo akugasa kumatya, ado umurni ayende piyer umi. ¹⁸ Aya matya mami, abaran kukara ku yani, mi unyokatya matya mamo mazomani madog matini unyho uwani. ¹⁹ Sai dai undama yita magu amaribana mayi akacaci kayani ana dini ni uzo upidhog Yesu umi ikini, umi na Bulus ikugu ide nifataru. ²⁰ Un bizi kenna na bindiri mummu ma alamurin, unna ribi yi bi dama kana ushalima aka karunayi ankusu mummu. ²¹ Aman na Bulus ima byene akula nayi, kaisar i yisha marya mami, iamenti yi, undo umurni atar yi sai kapa na una kuniyi ukaisar; ²² Agaribas igu agu Festas, undama wana unami amarakurga piyan'u unnami runnami. Pidama ta potya yi nikata, un potya, Festas zi. ²³ Nikata Agaribas na Barniki yani ama tamu na ukaitace umakonusura ariyha kudhagha kuma konusura ayi na mahafsashi na ya bgakazi akudo. Na Festas ima do umurni. Acidda Bulus zi uyani. ²⁴ Festas igu pigomo Agaribas na naduk agu, mudugan muni ajiki yin na nivataru. ²⁵ Um yokoton ideni uksus uncontancan make ba, Gman amagu izabkhon matya majaga ukaisar, un cesken ushawara unkuniyi. ²⁶ Aman un zam, ufhog udollili umi udama dene unyhakoro uwasika ga kaisar, magu udalili un'u un yenden yi kazono kayin musamman pugipi yi pigomo Agaribs, magu unzuk mapiri mu kusu nonda mayhokara ayi. ²⁷ Aman ama yita manag a wuvata ungu ukun kono kamayhen ana yhakaranmi ibak iyi ba.