¹ Ama comsana macoko mawur akujigi kumani makana amayingi mu Haliya, agho Bulus zi ado kadog aya mayhen aicora ikudog kujaruni ana yhasha agu yuliyas, uni kupi na Augustas. ² Kima riyho kudog kujirgi ku Adaramitiya, kuma yi amacomsono macoko makana a kidog kibiga kima yi apituza pi Asiya, ki pira ijaru. Aristarkus, kuwa pidog uyer u Tadonika umayinzi mu makiduniya iyi na wur. ³ Amaca yi nikata ki tayi usidom, yaliyas ima dene Bulus zi mudugan, adi udama iwori aka yita ajami, yani a mukyayi. ⁴ Kima coko akarikami kakujirgi kumani, a magra kacini ka kaci kazangari kukubrus, a magu uruhu u masu yisha agba uwur. ⁵ Kacini kanna kima rabkya ubahar umi upati mayinzi mu kilikiya na ubamfiliya, ata righi mayinzi mu likiya. ⁶ A akotikomi na kujarumi kumi kumo zuga kugingi ku iskandariya kudama kono amayinzi mu italiya idenidi unyho. ⁷ Kidene katuk natuk asu jara na cancun, harma dakya na kima katumu apati kinidus uvunu uma yhazi di makana kagona, kama manrha kacini kuzangaru ukarita apoti samoni. ⁸ Kizab kupentu ku zaba umi dakyar, har akarumu a kadog katage kade nizagi agu apoti ushad uzo, umi upoti kudho ku Lasiya. ⁹ Na ama nazaza kapa ka bgaki, ujaru umi ma unu maru wana uasari, kapa kama yizanan kene kamaru woro, Bulus idene yini ugargadi. ¹⁰ Agu yani agu, yin aya sillaci, un yitan ujarumi unu dama wona umasimapa na asara abgaki azan muma gu amayhoga kujirgi ba, ana duk na arataru awur. ¹¹ Aman kujarumi kuki soja kim, ku piri akumina kapi tukan na piyu ujirgi, akusumi na Bulus Ibaran. ¹² Na muyi kene kazagan kami azakani magu yani ari nigusmi ba, adhog ayonde ushawara acokoni mi akackom, ko uni akatumu ufinikiya, kadog kazagan kazongar kukarita, azinzini ugabas amen arewa, na kuma ugabus a men ukudu, yani are nigusmi. ¹³ Na uvunu uma pemre ukudu nazho-nazho akumina ku yani abini kuni kanan, yini adaska u anka azabara a pituga pizangaru ukarita apati piguk. ¹⁴ Ama goroni zai ga udhog uvunu kagargari na ana yhasha agu yuro kilidon umu pyaunga awor akazangari. ¹⁵ Na uvunumi uma pyalla kujirgi kumi, ku kasa mado unyhan kudo kuni nazugu ana zob kuni. ¹⁶ Kima zaboro aundog nuzangaru, na angi waikauda, kima zuga madene uiko a kujirgu ku wur kucin dokyar. ¹⁷ Kacini kanna amadasko kugirgi kucin unyho kujirgu ku bgaki yani adene udabara ashishizi kiye ahadira akun ku beaki atuza kuni asu suma magu azu, yani ani ajiwa ni zirtis niuni miszha unkusu, yani ataddo matilafilai, anusa kujirgi kum kene. ¹⁸ Amagu iriru uyishidi utangodi nakam, ama cayi nikata yani acigha mayhaga makusu manna kujirgu kuma zhan amini. ¹⁹ Anmi mitar kuma yani anaci ayeni aba maku'u makana kujirgi kumi. ²⁰ Kima yisha katuk natu na yitandi umi ka unthatum, uvunu abgaki uriru uni su pyaba yani, yani acidda nazugu mi amgarga. ²¹ Na ama maru goro ba masu re maninaru, Bulus icoko aygazhanha a kacaci kayani, agu yin aya sillaci, ina poton abere anag, ma cokonni a kuzangurari kukarita ajizi a masita mummu na asarangha ba. ²² To, mima, unyishini abere ungu dani ushiru ukumina, magu ba bidog umi idama, dene asara ani fararu niyi uyho uyin saidai akujirgi. ²³ Magu katuk kuphe madog malaika mashiri mayi manag unsu yisha mani kidere, mayhaghanhon apatimi. ²⁴ Agu zu patha usada Bulus, ban undog pidama yhazhonha kagomo ka kaisar ga yi kuma, kashiri kaseri adumha bu ajangi ujaru aciri. ²⁵ Muyi kene, idene nasugu na shiri, yi ayasillaci, magu undugu nipin kashiri a magu, kenna abayanmi kenna mudamawana. ²⁶ Aman fa mu wani magu aciddidi undog uzangaru. ²⁷ A katuk ka pituru a kanas, asu ta zabdi cakako a abahar uadariya, aka caji katuk aya utuki ade guba kina poti mapati. ²⁸ Yani agwada udongan umani, azuga igaba ituriba, kima kotto kagono, apa gwada, azuza igata pituru akishi. ²⁹ Magu usum azu ciddadi akati konotari, yani abiskya ankwo ayi nas acini akujirgi kumi, asu zhoprhenha nikata nifurko. ³⁰ Aya utuki mi a mani ma zumanani uza kujirgi kumi, har arinda kujirgi kumi unyho umoni, woi magu ayita bana daska unka mumi akicin kujirgi kumi abiskya yani. ³¹ Bulus igu kujarumi kuniguma nimi na kizoja, mna yer ongho ayhazharan yani unyho kujirgu kunku ba, ba kenna ana dene icira. ³² Unsaja mum mucezhe kiye kiku jirgi ku'un, ajikya kuni mi kuabaro mani mashir. ³³ Ninikata nima nadama vurka, Bulus igisa yani a tanna ri maninaru, igu ukyaru fa atuk pituru akanas iyi akazom asusussa, ba katonmana konni rini. ³⁴ Muyi kene, ungishi ni, rinin moninaru, magu ugara uyin tun kenna muyi ba piyer umi na kici ciniyi kidama gonono uyho uyin. ³⁵ Ni beren kene, azhakaphatara ku gurasa, adene ugodiya kashiri kagono kayani naduk akapa kami iyazara apuru karimi. ³⁶ Ya aguru akumina ku yani, ma anaci ayani are maninaru. ³⁷ Wuri naduk akujirgi kumi ayer iduri iba aituru keshere akutashi. ³⁸ Ama re asitunzura, asu tusa kujirgi uzibu asu ta nikshi aikama unyho mani. ³⁹ Na nikata nima vurka yani ana yakatani mayinzi mami, su lura nakadog karhgha na puguk pini niji'nijiwa. ⁴⁰ Yani kuma adene ushawara, inna mudama wana kene ajaga kujirigi uzo unyho mani, asu ciddaza mashi-shizin umakusu mammana magrangha kujirgi akapa komi, akapa komi kuma acokono fitillo pikicin kuku jirgi akari na uvunu uyi, yani azobora makana apiguh. ⁴¹ Aman na kima katumu kami kamani masir, anusa kujirgi ku durga anijinjiwa har ma kacin kimi kina suga kini makotto, har amadara ma kuma putazana saba na matumunu mani. ⁴² Kisuja kima kidene kumina ku wunza aya aya mayhen a magu pudhog isu wogo agarkura. ⁴³ Aman kujarumi kum ku madama gaska Bulus zi, kuma yhaza a madene kumina ku yani, kuma idene umurni, duk piyi iyan mani yani a cigha majikshi makana piguk. ⁴⁴ Kudege kum kuma ka tuksa napatta, adog kuma atuksa madog makusu makujirgi kumi, akene una ama ka tumzu apuguk pimi ugara.