¹ Kima zoto na ayani, kizari kumani a sadi aujinu kana akudoh ku kos, nikata kiwarka a kudoh ku Rodus awarka makana akudoh ku Barata. ² Kima zuga kujari kunami kurabkya makana Fonisiya ki sada arinya. ³ Kima yita kubgatu ku kubrus, ajikunumi usuku macara kagini zoboro usuku makana suriya, atoro akudoh ku Taya abara niya akatikam na kujari kumani kudama toddo makusu makani. ⁴ Koci kanna kima zuga almajirai, azomo abacikam atuk ksuhere almajirai ama berya u Bulus au agi zu kana urshalima. ⁵ Ama dene atuk kidurkyu ujaru wur, nodug uyani na ayini na nono na yeni, ayanzhanidi aka tara uicamrubiga. kima shi tutunzura a pituga kashiri asallama nikapina. ⁶ Kita rigzyi kujari kumani yeni kuma aguru yani ugira. ⁷ Kima duru ujaru, wur utaya, kima ka zaga Talamayas, Alkatikam na kima sumuzura na akwani kigomo katuk kadah na yani. ⁸ Nikata kima coko a woridi ukaisariya, kima rinya karari ka Filibus piyi na basha abere ashiri, piyi dah unyong kushere kuma, kima zomo nayi. ⁹ Piyangwu ide nono, na nas nayeni. Najinni, nan na nabasha ukusin manworo na uikusu dama wanzagana. ¹⁰ Kapa kami na kima zono kuri adene atuga za gbaki, pidong ukunzunna wa shiri ituma awor u'yahudiya nizagi miyi agu Agabus. ¹¹ Ima wanu war azyu udamaru Bulus ashishi binoyi na icora, agu "uruhu uwur uku, kenena uyahudawa udama shishi piyu damara umuru, adama dakanyayi kaya zaya kashiri. ¹² Kima potu ukunumi, na dugu wur na aya kazomi kani, kima gisa Bulus zyi agi agu izu kanu urshelima. ¹³ Bulus igidi agu, "iyanna yin iyimishi islibana? Idama tuzyumi kasugu? Azan ma camsana mashishimi nazyik nan deni, naduk na make kuru urshelima, abaru nizagi ni Yesu". ¹⁴ Bulus ma zai kumina kusakanya yi iduntu, kima biskya kaso agu, "Abiski ukusu na nakashiri kamani uwanzagana." ¹⁵ A tuga amiara amaworo, lizya maparfi mawur awandarya makanu urshelima. ¹⁶ Adong magasan abere ashiri, a ciri ukaisaraya ama zoboridi. Yeni ama tunu na pidong na ana yasha agu manason, piyu kuburus piyi mazoboro abere ashiri ama ciagha mu bishara, piyan na kidama zomo nahay. ¹⁷ Kima ka zagu urshelima, unyong rizhagha, a kwani ama sheridi. ¹⁸ Riketa, kima kam Bitrus ayi na Bulus, magbaku mi kilisiya ma-mayim. ¹⁹ Ima sunazya yani, abasha yeni kudha-kudha ukusu na kashiri ka deni udugan ama fatanzyi mtumu kani. ²⁰ Yeni ama potya kene a disha ubangiji uyabo, agu uni agu, "kwani yita, uyadawa udun kinaru dumya na abere ashiri, ade kumina kuzoboro manang ma matya mashiri. ²¹ Ama barya yeni, bere amu, agu pima magasa uyahudawa uzomi unyong ayaza yo kashiri, agu azu dumya na Musa, asu basha yeni nade irasha (mazana cezye nono igam) azu zobonzono manang maguz. ²² Aidu deni? Mu wani ukusu na yeni adama potya agu pitumi. ²³ Denu ukusungwa nakibaranbu mina mina, kide ayarumi a nas aman zya mashiri. ²⁴ Pidama worobu na ayella ika wurkanya aciyin naduk, pidama ka disha koiyan uyeni har na mapura maci. Mummu na ko pishen yar idama yozotya agu ukusu na abasha upu aka bere. Yeni adam yogotya agu, pu pizob manang mashiri nadung dung. ²⁵ Aukai nalimma umi uzoboron nibin kidakan yeni atakada a nyakaran, kidugi umurmi agu yeni abiski kari kama nunuru mami na adakanan iginki, na manyo na ukusu na awuni na rituga. ²⁶ Bulus ima zya ayarumi ami, rikata a guskary nici niyi naduk na yeni, ama ninya kuda'agha kwa shiri, ado ma barya ma kura ma tuk ma gusku maci ayeni, katuk kama do usadaka abara uyeni naduk. ²⁷ Atugami kushere ama patana makura, adong ayar uyahudawa aciri u Asiya ama yita Bulus zyi akudagha kwashiri, yeni a ciptanya aya sillaci aka ciku taro, a puruyi. ²⁸ Yeni ama dishi gum ama gu, "Ayasillaci kisirada mukindi, a piyallu ina basha ayashillaci ko inki ukusu igaba na ayar, na manang ma matya. Ubayu mummu ima yende uHelenawa unyong kudagha kwashiri, adene izyiri aka cikami awur kazade kirik". ²⁹ Adona yeni ama yitan Tarofimas piyu Afisa ma Bulus unyong kudang kudo kubgaki, a ma degu iyendenyi unyong kudan kwashiri, ama gusaza na rong na kudagha kwashir na wou ³⁰ Naduk, kudoh kumi ku ma sada rindirga ayashilla asada tukiga a pune Bulus umi. ³¹ Ade kumina ku wunayi kutepu kumi kuma kazaga ka kubgaku kwaya riguma, agu urshelima umaru rindirga kishigam. ³² Aka pakami ita zyi agumanan na aya mani yogotya riguma nateng, a dilluzura makana akaci na aya ma rinfinini maki shiga kima. Na mayita ma kugbaki kwa gumanan na aya riguna rikimi, aya sillaci anu ata bisk makpaba ma Bulus. ³³ Kugbaku kimi ku woro aka puru Bulus zyi adene ashishi yangu ba shi? Iyan kuma iyi ubang iyi? ³⁴ Adong asada su dishin izum unyong aya shillaci ami, adong agu ukusu ru, adong agu wari kugbaku kun kwa ya riguma kuma yogotya kuni, ukusu na yeni abasha, a barai igumu iyeni, kugbakumi kugu a ringda Bulus zyi akaci na aya riguma ana zamzyi. ³⁵ Amaka tumu a kufazzan kibina maktuguzo, aya riguma azya Bulus zyi kishiga mi abara aki shiga kya ya sillaci. ³⁶ Ayashillaci ami ama taka zob kacini asu kuma agu "Awuni. ³⁷ Ama patana ma ringda yi unyong zomzonon kaya riguma, Bulus igu kugbaku kun kwa ya riguma, "Ba pidumun u beru pu?" Kugbaku kumi kugu, "pi iyan unelenanci? ³⁸ Azan pu piyangwu nu umasara? Ana tugari pima dene kaci ka rinturga, pimazya aya kagben kirigima har idubi nas ajaya yeni unyong karimi?". ³⁹ Bulus iyu, "mincin au birni utarsus, piyi ibraniyawa ukilikiya, mi api yu mayinzyi maku do kugbaki pidumun magu a beri kaya sillaci ami"? ⁴⁰ Kugbaku kumi kuma doyi udama, Bulus i coko a nyazhanho aka tassan kibina, azapki cara uzo agu kibiga ki ibrananaci agu.