¹ Akwani nacu, rakurgin uma wana uyin mina. ² Na ayamakossura ama potya Bulus isu berbene animighi ni ibraniyawa yani akiyani natik, igu. ³ Miginyi Bayahudi mi wor akudho ku Tarwasa ukilisiya aman a Gamaliyal ima basham ukaratu na ma Nyakara aujina idokoki yapugana awur. Nde kumina kuma zob mashiri nane kenna yin ide. ⁴ Ntsanontant ujina ungwu makana kamake, mma shishi ayarumi nayini akapa komi jaga yani karari ka makashsha. ⁵ Kene ma kufarist kugbaki adama na ya cibru akudoh adama do ushaida agu usheri izini iwor uyani abara ka kwani ami ayi U Dimasku, magu unwarmi kuri. Ubaki unang agu nshi-shizyi aya zob ujinungwu ajaga yani urshalima a ceske yani matira. ⁶ Kapa kami na a magu aujaru umma potana u Dimasku, akarangkan myi akathang kadha, matus na cab ma wor uzosiri ma bakuga amangryami. ⁷ Mma kajbas ata poti rimigh ni su kuma agu shawulu pidisha me aki dere agyanshi. ⁸ Mma ribi puwanshi ubangiji? Igumi agu migi Yesu banagorat umi na pidernzya. ⁹ Ayami na kimayi ama yita matus mami, maza yogotya rimigh ni berbene umi. ¹⁰ Ngu, iyan nan na dene ubangiji? Ubangiji ugu mi agu coko a woro bu unyho u Dimasku, akuri na dama ka baryabu ukusu duguran bu ma dene. ¹¹ Mma suskanyami mayita kaci, abara ma matus ma mamerge ana Jatanzya mi makana udimaska, na piyami na kimayi nayi. ¹² Mma ka zuga pidong kuri na ana yasha agu ananiya, piyi pok usahd wazshir ka manang ma matya, ade rizagi nivur ka yahudawa ami azomshi kuri udimasku. ¹³ Ima wana umi agu, kwani shawulu, sheri matya makaci akapa kami nta yita. ¹⁴ Ashigumi agu kashiri kapugana awur ka samgan bu, yogotya kumina kukani, ita piyu matini mamma, a potya ni migh nin nicizza a kano kayi. ¹⁵ Amanpidama wana, piyu shaida nyi ka yashillaci naduk amunna piyitan na munna pipoton. ¹⁶ Ai iyan na pisuksa? Tacoko ayisha bu ubaptisma, aguzi niyi. ¹⁷ Mima su gisa kashiri unyong kudangha kukani ata sher uwahayi. ¹⁸ Mma yitayi igumi agu, dene kumina abiskya urshalima Abarana yani adama dumyani na ushaidun na pidama do kinang. ¹⁹ Ngu ubangiji, yani aciyani ayo kenna udisan yani, a ringdaza yani aka kassan kaya sillaci. Anakphaba aya dugi ribin upu ko kushe kudhagha kuka gisa kamu. ²⁰ Kapa konna ama su niksha manyo ma piyu shaida umu Istafanus, mma yimi a nyazyi mi asu sigoti kacini, asu dukara mariga mayami a wuni yi. ²¹ Yi ima gumi agu, worobu; Abara nan dama kunubu ka alumai. ²² Ayami ama jikya yimi iberya har aka tumu akapa kami na yani ama cokonya amigh asu kuma agu, a wuri nu ma nunnuni au yangwu, mudugan muni magu runa goraba. ²³ Kapa na yani a cokonzya ami ayani, asu ruza asu bagatha niruhu akacikanullunu makusu mayani. ²⁴ Piyu gbaki wansoja ngu ayenda Bulus zyi rufarfajiya. Adoh umurni agu adukara yi naubulala agu yani ayo ukusu udeni yani ayisa igum apatiyi. ²⁵ Ama duru ma shishiyi au sarkiya, Bulus iribi kiyarumi kun ku patiyi, agu "muduguran agu piyuroma umina matya ma wani mani yi, a pyikazya yi? ²⁶ Na kujarumi ku potya kene, ku woro kuni kakugbaku kwa ya riguma asu, kuma agu, "iyan na pimani madene shi? Piyungwu a apiyi roma uginging." ²⁷ Piyu gbaki wa ya riguma itumu agi, baryami, pupiyi piyu Roma na ginginyi? Bulus igu "Akene". ²⁸ Piyu gbaki wansoja ishere, agu "nikorgi gbaki nan ma sheshe u'yanci uwana piyu mayingzyi."Bulus ima gu, "Awabanmi kono yingzyi mu Roma". ²⁹ Aya ma wani mama Bizyi yi ata biski na wow. Kugbaku kwa ya riguma kuma potya kene, agu Bulus apiyu Roma na ginging, usadh uwana kuni ghattha abarana kuma man shishiyi. ³⁰ Rikata rima wana, kugbaku kwa ya niguma, kumani mayogotya ribin nima ribshi manna kyahudawa uyi u Bulus kuma bini Bulus zyi isarka mi, saga mama. Kuma yende Bulus zyi aka caci ka yeni.