¹ Kacini komi na irikici ima dara, Bulus ikumu agu ayasha almajirai, Isirana yani akapa kami kuma itakana yani icoko adama wori makiduniya. ² Kacini ni ima zabara unyho ularduna aasu yisha aya zob kashiri ugalgad nakam, a kono amayinzi mu Helinawa. ³ Kapa kan ni ma dene ipi tak akati kam, a yahudawa zishi muza dugan, akapa kenna imasu camsana matuga ukusumi kuza makana suriya ima baktana kumina aguriyi u' makiduniya. ⁴ Aya ayanganzha Bulus gi makana auyankiwa Asiya ama barkan na Sabatarus kono ka Bulus kawar Biriya, Gayus piyer u'Deabe, Timoti na aristukus na sakundus, naduk uyani aya azob kashiri awor Tasalonika; na Tikikus na Trafimus awor Asiya. ⁵ Amam adhog ama zonzidi, asusudi u'Taruwasa. ⁶ Nakima riyha kubullunun ku kwor u fillibi kacini akati u' Gurasa uza yisti, kacimi kuma katuk kishi kizuga yani u' Tarwasa; atuk awur kushere akati kam. ⁷ Katuk kazani ga kusati kima kanusura magu kitusuru u/Gurasa, Bulus iyisha aya azob kashiri ujwabi magu iden kumina kuma wori amcira manika; abere uyi ama jaga kacaci katuk. ⁸ A ubenu mi na ama kanusura mi umade italla ima yimi abgaki. ⁹ Madhog mazharha made nizagi agu aptikas mazomi uzo nibatho, ummura mazib mu imani majigi uzo ubene itar, kapa yi kukitaru. ¹⁰ Bulus itoro apyerkya. meni, kapa kami igu, pidhog izu dama magara matatu make. ¹¹ Kapa kami ituga uzho ubene magu iri uguraza na yani, ima bere uyani har nikata navurka akatikom ijikya yenimi. ¹² Yena yende kasambi kam nanivataru a zuga mashiri ba nacun ba. ¹³ Aman wur, na ki zonzon Bulus zi makana akati kaku bullunun, kidiya makana Asos, ki camsana ma zha Bulus zi aku bullunun aman yi imani maraja kajas. ¹⁴ Ki ma mana Asos, azha yi aku bullunun kumani makana mitilitus. ¹⁵ Kacini kamacoko mawur kuri, nikata ki wani akati kazangari kiyo nakota kuma ki wana akudho ku militus. ¹⁶ Aman Bulus imaru dene kasugu ka woro asadi Afisa aku bullunun, magu izu nagaza kapa u' Asiya magu imasu yisha kumina inna kuda mawanami katu ku fantiku kazuga yi ushalima. ¹⁷ Daga mititus ikunu agu ayarki yi aya cibbru akidhazha kya shiri afisa. ¹⁸ Na ama wana uyi igu yani agu, yiri anci ayin iyho tun anmi munna umma dene kabina kanag u Asiya imis ikazom kanna kima yi na mayi mawur akubkan. ¹⁹ Umma bauta ubangiji na utawaliu har na mayizi, na kidere kiza dugan kinna unma sheshe magu umahirci u yahudawa. ²⁰ Iyho unpotan mu uzibu ubaru ni kaiyan ide matini ba, unzobarhonni narari narari azu bashani unkusu a candori. ²¹ Nho kenna uma yisha ugargadi yahudawa na Helinawa ama dho nipin ga kashiri na nipin nibgaki ubangiji Yesu. ²² Minafa, ndama woromiurshalima, uruhu kashiri usagananmi agu muwani udole nkana, nyomi ukusu da wanzagana mikuri. ²³ Aman uruhu ukashiri uma barya mi ako kushe kudho agu, kidere ki suksami. ²⁴ Aman nzanmi agu nivataru ninang niyi kadamanami umi , magu unkugani mazanzona nutumana maganzana kashiri na ubangiji Yesu, uma bashi ubidama wa alheri ashiri. ²⁵ Minafa, yitin, unyho na naduk piyanna unyisani abere umulki wa shiri, yani adama pa yitani mi. ²⁶ Muyi kene un barini anmi mummunu, unzam nihaki nimyho ma pidhog uyer. ²⁷ Magu unpotn mi uzibu uma bari ni kumina kwa shiri uyin ba. ²⁸ Muyi kenna kullin a anci ayin, naya aseri uruhu uvur umazob kashiri untari ni mashugani, kullin ayisha kuzana iklisiya yashiri, umi nizamanan amayha mayi. ²⁹ Unyho amaguragu kacini kujaru uyi ukeaketai upu udama riya kacaci kayin, kuma uni dama tuzuni aya zoh kashiri ba. ³⁰ Mi ungho uyin ayarumi adama mabasha ugurbattatu zantatuka, magu adaska almajirai mawana uyini. ³¹ Sabo nakene kullin, amingya agu kiwa kitar un pasan mi mayisa kapice uyin ugargadi na mayizi katuk namiba. ³² Min un dushini ga kashiri na bere alheri akani, ami ade iko umazugini akuma adho ni ugodo na mayi naduk na yomi ayi unyho na samgan atara ashiri. ³³ Un yisami ukyashi wa zurfa, ka uzinariya, ka makusu mamayishi mapidhogba. ³⁴ Yin aciyin iyho unyisan utuma aicara inak, acidda nicimi na yanna kiyi na yeni. ³⁵ Un wani ni uku uma mokasa aka iyan ujina kenna idama mukya ayade unakasa akati kutuma, na kenna idama mingya abere ubagiji Yesu, aberami nayi iku anciniya, agu, madho ma piri masare anibarka. ³⁶ Kacini kam nima bere kenna atuturga agisa kashiri yani ayi naduk. ³⁷ Naduk uyeni kwa ama shibana kasha ka wamtinazugu, apyerkyo yi akuma yisha yi usumba. ³⁸ Yani ayisa na zugu nasir magu ukusu ni baran yani, yeni anpa yitani yi yani naduk uyani adama payitani yi ayanganayi makana aku bullun kumani.