¹ Kapa kami Afolos amayi ukoronti, Bulus ima manra mayinzi mazangari awana akudho kuwa Afisa akati kam ni ima ziga adhag almajirai. ² Bulus igu yani agu, ba isheri uruhu uvur akapa kami ni udugi nipin? yani asere; "Aa yani adhoto ma pota kutepu ku ruhu uvur ba. ³ Bulus igu, "ungho uni ubaptisma na ayisanni? Yani ubaptisma u'yahaya. ⁴ Bulus isere agu, 'yahaya iyisan aya sillaci ubaptisma uma tuba, agu yani aduk nipin piyi damatumu kacini kayi magu Yesu. ⁵ Na yasillaci ama pota kyane, iyisha yani ubaptisma unyho nizagi nu ubangiji Yesu. ⁶ Kapa na Bulus ima tarkya icoro anaci ayani uruhu uvur unu toro uyani ya aberbene au harsuna na manipri. ⁷ Yani ama yi aya pituru akaba. ⁸ Bulus irigya kudhogha asu kasha ba ushad kaman kiwa kitar, isu jatungha yani natek ana bere ufanimta ayer agu ayokari unkusu mummu shafan umciki wa shiri. ⁹ Aman kapa na adhag ayahudawa ama shishi nasugu agbaani ubiyayya, Scigha managaza ujina u' almasihihu kozono kanusura muma wana kene Bulus i coko yimi uyani yonna adhog ade nipin acigha mabashi amakarata ma taranus. ¹⁰ Kanna imare kazono kiwa kiba magu ayer azomzi uAsiya apoti abere ubangiji, yahudawa na Helenawa. ¹¹ Kashiri ka yisha unkusu mu alazibai aicora i Bulus. ¹² Har aya aza potonzon azuga magurga, uruhohi ucaza uni mabazonnzan anipum ni Bulus. ¹³ Amma akwai Ayahudawa ama ciponzi ama zaboro akati, ama zha aci ayani ayishi u'anfani na nizagi ni Yesu, yani agu, "ki dukatunni unyho nazagi ni Yesu umi na Bulus iyisha abere ashiri ayi, cirin. ¹⁴ Ya ami ama yisha ukusun'u aya kushere nono kudhag upirist kubyaki mayahudi ana ayashi agu ziba. ¹⁵ Uruhu umakari uni sere agu, unyho Yesu, shi, ayho Bulus zi, aman yini, a'awani? ¹⁶ Uruhu umi umakari umi uyi unyho uyi uni bara amatsubutan uni piri ushiri uyani unu pyabi yani yani a sumana acikaranimi akidhagha ayindazi na mako. ¹⁷ Mummu muyokuturan ka yer yahudawa da Halinawa aya azomshi Afisa yani apota ushad sosai, nizagi nu ubangiji Yesu izugi ubgak. ¹⁸ Aya azob kashiri abgaki, ama wana ama furta unkusu mucaza na yani ayisan. ¹⁹ Aya ade ushiri ayende littattafai niyani ama pupso kagomo ka yasillaci ama dane ujimila utamonin uyini azuga aya tumi idubu uhamshin ya zurfa. ²⁰ Aman abere ubangiji ana bakutura na iko akijira kibgaki. ²¹ Na Bulus ima duru utumuyi u pishara a Afisa, urhuh ubarayi izoboro makidunya na akaya, uzo ujina uyi makana urshalima igu, "kacini unma kana kuri, dole unkana uroma. ²² Bulus ikunu aimajirai ayi aba Timoti na irastus makana modiduniya, ayomi amukan yi. yi aniyi ima sussa a siya. akapa kacun. ²³ Akapa kami ama yisha maciti mabgaki a Afisa mu manugan na ujinum. ²⁴ Pidhog upyarmi na ayasha agu damatrayus umi ipyemre isifofi igumki yazurfa i Dayana, umi uyandeze apyerme uriba ubgaki. ²⁵ Ikonasha apyerme agu yani gu i yho mi na usana'a ungu na ki zussa ikorgo mi nakam. ²⁶ Yitin apota magu, azan Afisa utani, aman duk na upondaru umaynzi Asiya akati kam Bulus irinjayi aya sillaci abgaki asu kuma agu ba nashiri nami na ana pyemre aicora. ²⁷ Azan usana'a uwur uyi unyho asriba aman har na uhaikali washiri kawur Diyana ubgaki uni de mawana uzo kadanmhana, kenna udama bizza ubgaku uwuni yi naduk na mayinzi ma Asiya na uduniya yisha uni usujada. ²⁸ Na yani ama pota kene yani apotha kishiga kibgaki, yani adene mayasoh nakam ana gu "apiyu ubgaki iyi u' Diyana u'afisa. ²⁹ Kudho naduk kuma kurga aya sillaci kuma adene kumina ku kono akati kama kassura, komin kapa kami, a muru puru ajomi a Bulus ujaru. ³⁰ Gayus na Aritakas yani ami ama tumi awor makidunuya. ³¹ Akene ma ajami adhag ajami a Bulus ayi mashugabanai mu yonki mayasillaci ma Asiya akunu uyi na kagisa agu izu rigya katini komi. ³² Adhog ayer asu yisha ukicori ukadamana adhog kuma apasu yisha ukadamana ka bgaki unyho uyani aybani udallil umo kassura mayani. ³³ Ayahudawa ayende iskandari uni yazhana kazono kama kassuna maya cillaci iskandari izabho icara uzo magu ni den ubayani kaya sillaci. ³⁴ Aman na ama yakata iyi mayahudi ni yini naduk, uyeni agara igum kapa kiba piyi ibgaki Diyana uAfisa. ³⁵ Na kusakatire kum sa aci a kadunya, kuguyene agu, yin ayu Afisa, wan uyin iyoyi agu kudo kunfisa aucibiya ukashiri kanna aragh Dayana kagbaki na ku siffa uciri uzo shiri?. ³⁶ Tun na magu adenani kabere ankusu mummu ba, ana mazuga ikijini azu kisha undhog nawu'u. ³⁷ Magu iyenden ayagha asillaci akudhagha kumatha azn magu yani ayi ayu pashi uhaidi ba ka kuma aya adumun yani na kashiri kayani. ³⁸ Tunna muyi kene damatrayas na apiyamre ami nayani ayi bade udhog mu yimi abaktatazi, aya matha ayiim, jikinmi ajaga matha ma nikabina niyani. ³⁹ Aman in node abere acaza ama yita adama nabsa yani amanusura maka pa kapa. ⁴⁰ Magu muyikene kiyi unyho uhasari akusu ucoksono uza dugan ukyaru, Ba udalili uyamushi do koyodi undhog mi. ⁴¹ Na ikukene aslloma makonusura.