¹ Kacini kam kene Bulus iworo yi Antakiya ama aki cikimi iworo asadi u'korinti. ² Akuri nima mana na pidhog Bayahudi ide nizagi agu akila, kono kamayizi mu, Bulus, ima gori na maka tumu a kudho kum da italiya ima tumu ade piyeni na ana yasha agu Bilsiku, amagu kalaudiyas idugi di umurni Ayahudawa naduk uyani ajiki urommi, Bulus ikana uyani. ³ Bulus izomo ugira uyani manna usana'a uyani uma yi umu dho magu, aya aninuga nu'tanti. ⁴ Muma yikene Bulus isu kanza a kudhagha kwa shiri, asu yisha kumina kugingan yani ayi ko kashe kapa iyi akumina agu ibandori Aya hudawa na halinawa. ⁵ Aman akapa komi sila na Timoti yani atumu makiduniya uruhu masa Bulus zi ibari yahudawa agu yesu almashihu ne. ⁶ Kapa kami na yahudawa ama cokona nasugu asu isha yi uzargi. Bulus ibakra kuriga kuyi kazono kayani asu kuma agu. Nikoki nimayho ma yani niyi uzo uyani. Mina unda magurmi kaya ayhoni kashiri." ⁷ Ima jikya kati kaye-nimi awari akarari Taitus piyi ibauta kashiri. karari kaiyi kapati kudhagha kwa shiri. ⁸ Kiristus yi, iyi kushugaba ku kudhagha kwa shiri, yi naduk na gira uyi adho nipin ubangiji ukorintiyawa ubgaki upota abere a Bulus yani adho nipin ayisha yani ubaptisma. ⁹ Katuk ubangiji igu Bulus unyho uwahayi, "zu pota ushad, amann bere zukizabu. ¹⁰ Aman unyi napu, ba piyami idama cucipu, mi unde aya sillaci unnaka ukudho kum. ¹¹ Bulus izomo akati kam agoro niwa nidho na ipi kuta asu basha yani abere ashiri. ¹² Aman na Galiyo ima zuga kazam ka Gwamnan akaya, ayahudawa acokona nazugu u'Bulus ajagiyi kazono ka kati kamatha. ¹³ Asu kuma agu, piyanu iyisha kumina ibanduri ayasillaci ayisha usujada umi udugan uni audoka uwur. ¹⁴ Muma wana kene kafin Bulus iberi, Galiyo ugu Ayahudawa," yin ayahudawa ibak iyin ina bgaki inna adeni, unnana hukanta. ¹⁵ Aman tunna muyi kene amummu ai kalmomi imi iwani ni idhe, jarin aka napsa alamura angha, yini. ¹⁶ Galiya izamto yani akidagha kimatha. ¹⁷ Muma wane kene yani puru sastanisu, abgaba yi kazono kudakali umatha, aman Galiyo ina damani kenna yani amanganzan. ¹⁸ Bulus kuwa, kacini kanna ima zomo na yani ana dhag atuk jirgi kumani, yanna Bilkisu na Akila, kafin ijiki utasha ujirgi kummi umi uyi sankuriya, ima wori maka pura nici niyi, magu izi nikawalin Banzare. ¹⁹ Na makatumu ma yani atisa Bulus ijikya Balkisu na akita akati kam, yi kuwa iyiyha kudhogha kuwo shiri ayisha kumina kudugan ayina yani. ²⁰ Na ama gisa Bulus zi agu izomo na yani akapa kaco ina dumi. ²¹ Ipuru ujina uyi ayikya yani mu agu, "inna kashiri kadumun idama tumu guru uyani andhog unmi ata rigyi kujirgi kumani kuwor Afisa. ²² Na motoro mayani u'kaisariya, ituga makana ushalima masumazha iklisiya daga katikami iwor Antakiya. ²³ Kacini kanna ima zomo akapa kacun atikam Bulus ipuru ujina uyi makana ugalatiya na Firiya akati kam ni ma shirana almajirai. ²⁴ Akati kam ma akwai Bayahudi ide nizagi agu afolos, kono ka ciri iskandariya uwap a katikam, itumu Afisa yi apiyi yho abere ashiri. ²⁵ Apolo azugi uhoro ana bere ashiri ani ade ukukari auruhu, ana yisha abere Ashiri kenna amani, na mabashi ma Yesu. Aman ayho na ubaptisma u' Yahaya utuni. ²⁶ Afolos ama cigha uwa'azi uwani ba ushad unyho kudhagha kuwa shiri Balkisu na kita yani apota yi adene nijami nayi, yani apira madeni yi ubayan kenna kutepu ku jina wa shiri umi udugan. ²⁷ Ima da mani ma woro makana unyho ukaya, nikopina ni zhiranayi yani ayhakara almajirai ami ayi u'kaya magu asher yi icoro iba na makatumu mayi uyani, ashirana nikopina nin ni dugu nipin nurentu. ²⁸ Afolo adho u Yahudawa umamaki na uikon na nade ugoninta uwani, kenna inunan uyho inasashi agu, Yesu yi, iyi almashihu.