¹ Manye muleke indumbula shinyu shitamiwe. Musubalile mwa Chala, sona musubalile namumwangu. ² Munyumba ya Tata muyli ifipinda ifyingi. Pala fitakabangamo imbe mbabulite umwe, apa une ngubuka pakunosha ubuyo bwinu. ³ Pala nabuka pakunosha ubuka bwinyu, itingise sona imbapokele umwe kukwangu, ukuti kuko indi numwe mukawe kuko. ⁴ Umwe muyimenye isila kuko ngbuka.'' ⁵ U Tomasi akayugha kwa Yesu, ''Malafyale, utwe tutakumenye kuko uwe ukuya, tungamanya bule isila?'' ⁶ U Yesu akati kukwake, ''Une ne sila ne babwanaloli, sona ne wabwanaloli, nayumo uwakwisa kwa tata ukushita kwendela mumwangu. ⁷ Linga umwe mukamanyagha une, imbe nu Tata bubu mumumenye. Ukufuma apa ukuya kundashi mwamumanya sona mwamutesha.'' ⁸ U Philipu akayugha kwa Yesu, ''Malafyale, tulangishe utwe u Tata, ukuti chibe chakutukwanila utwe.'' ⁹ U Yesu akati kukwabo, ''Une nali numwe akabalilo akatali lole mkali mutamenye une, Filipu? Yuyo andesha une amutesha u Tata. Ungayugha bule, 'Tulangishe utwe u Tata'? ¹⁰ Mutakusubila ukuti indi mwa Tata sona wepe ali mumwangu? Amashu ghagho nguyugha kukwinyu ndakuyugha ukufuma mululaghilo lwangu, lole u Tata yuyo ikile mumwanguakubomba imbombo yake. ¹¹ Subalila ukuti une indi mwa Tata, sona u Tata ali mumwangu, pamu subalila chifukwa cha mbombo shene. ¹² Naloli, naloli, inguyugha kukwinyu, yuyo asubalila mumwangu tiakabombaghe imbombo yiyo une ngubomba, sona akuya pakubomba ifikulu ukukinda fififi papo une nguya kwa Tata. ¹³ Choshi chicho mwasuma mungamu yangu, ngwisa ukubomba ukuti u Tata abange wakukweshiwa mu Mwana. ¹⁴ Linga mwasuma une choshi mungamu yangu, inguya pakubomba. ¹⁵ Linga munganite une, indimukashisunge indaghilo shangu, ¹⁶ sona indingabiputile kwa Tata, sona indi akabape uyungi uwakukusuwasha ukuti ukabe nawe bwila nabwila-- ¹⁷ umbepo uwabwanaloli. Ichisu chitangamupokela papo chitakumutesha pamu ukumumanya. Lole umwe mumjumenye, papo akwikala numwe sona tiabange numwe. ¹⁸ Ndakuya pakubaleka mwebene; nguya pakwisa sona kukwinyu. ¹⁹ Polole pakabalilo akapimba sona ichisu tachikandeshe, lole umwe mukuya pakundesha. Papo indi mumi, numwe mukuya kuba nubumi. ²⁰ Pishiku lila lila umwe timukamanye ukuti une ndi mwa Tata, sona ukuti umwe muli mumwangu, sona une ndi mumwinyu. ²¹ Weshi yuyo ali nindaghilo shangu sona nukushisunga we yuyo anganite, sona yuyo anganite une akwisa ukughaniwa nu Tata, sona ngwisa ukumughana nukwilaghisha nimwene kukwake.'' ²² U Yudasi (u Sikaliyoti hagha) akayugha kwa Yesu, ''Malafyale, choni chicho ukuti kuya ukwilangisha kukwitu kuchisu hagha?'' ²³ U Yesu akamula nukuti, ''Linga yumo anganite une, indi akasunge amashu ghangu. U Tata wangu indi akamughane yiuyio, sona tukuya ukwisa kukwake nukupanga akaya kamukene nawe. ²⁴ Weshi yuyo atanganite une atakusunga amashu ghangu. Ishu lilyo mukupulika litakufuma mumwangu lole kwa Tata yuyo andumite une. ²⁵ Nayugha shoshi shishishi kukwinyu, po ngwikala numwe. ²⁶ Napapo, uwakubasubasha---umbepo mwikemo yuyo u Tata akuya pakumutuma mungamu yangu---tiabamanyishe shoshi sona indi akabakumbushe umwe ku fyoshi fifyo inguyugha kukwinyu. ²⁷ Nabalekela umwe ulutengano; Ngubapa umwe ulutengano lwangu. Indakubapa isa mumwo ichisu chikubapela. Manyi mukaleke indumbula shinyu shitamiwange, sona manye moghopaghe. ²⁸ Mupulikite ukuti une injughite kukwinyu, 'Une ngutilapo, sona une indingaghalukile kukwinyu.' Linga mukanganagha une, umwe imbe mwahoboka papo une ngubuka kwa Tata, papo u Tata mushisha ukukinda une. ²⁹ Apa une nababusha umwe mwo fikali fitabombiwe pakuti, linga fyaya fyabombiwa, umwe mukasubalilaghe. ³⁰ Tanjughe ifyingi numwe, papo umulaghili wa chisu ichi akwisa. Atanamaka naghamu papangu, ³¹ lole mubuyo bwakuti ichisu chikamanye ukuti une imughanite u Tata, ngubomba isa mumwo u Tata akandaghilila une. Isagha tweshi tunyamuke sona tubuke ukufuma pano.''