¹ Abagalatiya abakonyofu! Wini yuyo abalogha? Chikaba pandashi pamaso ghinyu ukuti u Yesu KIlisitu akabonekele pachilundilo pabwelu isa yuyo akomeliwe. ² Ichi cho chindu chimuchene chongalonda imanyile ukufuma kukwinyu: ka mukapokela umbepo ukwendela mumbombo sha ndaghilo pamu mumbombo sha lwitiko? Ngimba ³ mwe ba konyofu leka? Ukuti mwandile mwambepo pomukuba pakumalila kububibi? ⁴ Ngimba mwatamiwa leka ifindu ifingi kwambula nachimo--------- pala linga nimbombo nayimo? ⁵ Ngimba yo akubapa imbepo umwe ukubomba ifiswigho pakati pinyu ukwendela mumbombo sha ndaghilo, pamu ukupulika isha lwitiko? ⁶ Isa mumo u Abbrahamu "akasubila u Chala sona yikapeghiwa kukwake ubugholofu," ⁷ musila yimuyene, mushaghanie, po ukuti aba lwitiko boshi bana ba Abrahamu. ⁸ Amasimbo, ghakutesha mundashi ukuti u Chala akwisa ukubelusha abakuse mulyitiko, pakulumbilila isha pandashi pa Abulahamu, ukuyugha ukuti, ''mumwake ifyisa fyoshi fikwisa ukusayiwa.'' ⁹ Pobule, boshi aba lwitiko basayiwe pamupene nu Abulahamu umundu wa lwitiko. ¹⁰ Boshi bo bilile pambombo shandaghilo bali pasi pakughuniwa ; sona filembewe, ''umughaniwa umundu weshi yula yuyo atakuba pamupene nifindu fyo filembiwe mwibuku ilyandaghilo nukufibomba." ¹¹ Apa fili pabwelu ukuti nayumo yo akwelushiwa pamaso gha Chala ukwendela mundaghilo, chifukwa abagholofu bakwikala mulwitiko." ¹² Indaghilo tasha lwitiko, lole, ''umundu yuyo akubomba imbombo sha ndaghilo akwikalila pashisho.'' ¹³ U Kilisitu akatutabula utwe ukufuma kulughano lwa ndaghilo ukuba yuyo lughano lwa utwe ------ pakuti shilembiwe, ''muhaniwa weshi yuyo akomeliwa pikokwe.'' ¹⁴ Ukuti isayo sha Abulahamu shise kuba pasi mwa Kilisitu Yesu, ukuti mulwitiko tungapokela ululaghisho lwambepo. ¹⁵ Mwebowamwitu, leka imbawule mubundu. Linga umundu basimbilana chikwikashikiwa nindaghilo nayumo yo angachipabula pambali pamu ukongelesha. ¹⁶ Po indaghisho shikayughiwanga kwa Abulahamu nakuwanyenya bake shitakuyugha ukuti, "kubanyenya'' pamu chikwafwa abingi, lole muwuyo bwake chilikumundu yumuyuwene, ''nakubanyenye bake,'' yuyo wi Kilisitu. ¹⁷ Apa chonguyugha cho ichi: Indaghilo shoshikwisa ifinga 430 bwofwenda, shitakupangula palubafu ulufingo lwo lukawikiwa kale nu Chala, ukuti lutakusupisha ululaghano. ¹⁸ Linga ichilingo chikwisa nindaghilo, po chitangisa sona nululaghilo. Pakuti u Chala akamupa u Abulahamu ukwendela mululaghano. ¹⁹ Choni, bwo chikaba chifukwa chandaghilo? Chikongeleshiwa chifukwa cha nmbibi mupaka kubanyenya ba Abulahamu ukuti tichise kuyuyo ilaghano lipangiwe nawe. Ululaghilo lukimikiwa ukwendela muwandumi ninyobe sha mwimilili. ²⁰ Apa umwimilili akwimilila akukinda umundu yumuyuwene, lole uchala ali yumuyuwene. ²¹ Po ululaghilo lukususania namalaghano agha Chala? Ukukana lwoshi! Pakuti pala ululagho lukupeghiwa ukuti lube ubwumi, po ubwugholofu butangisa ukwendela indaghilo. ²² Lole amasimbo ghafipinyile fyoshi mujele pasi pambibi. U chala akabomba ishi ukuti ilaghano litupoke utwe ukwendela mulwitiko mwa Yesu Kilisitu ukuti chipeyiwe kuboshi bo bakusubila. ²³ Apa bwo ulwitiko lutisile, tukakoliwa pase pandaghilo tukapinyiwa mujele mupaka po ulwitiko lwafumbuliwa. ²⁴ Po ululaghilo lukwisa isa mulongoshi witu mupaka po ukilisitu akisagha, ukuti utwe twikutishiwe nulwitiko. ²⁵ Lole apa ulwitiko lyafika, tutasona pase pabulongoshi bwandaghilo. ²⁶ Pakuti mweboshi mwebana ba Chala ukwendela mulwitiko mwakilisitu u Yesu. ²⁷ Pakuti abingi bobakoshiwa mwakilisitu bafwala u Kilisitu. Pata umuyuda pamu umugiliki, pata sona umutumwa pamu sona umwake, ²⁸ Pata umulisha pamu umukolo pakuti mweshi muli umundu yumuyuwene mwa kilisitu Yesu. ²⁹ Po pala mweba Kilisitu, mwewanyenya ba Abulahamu sona mwebingila chilango ukufwana n ilaghilo.