¹ Bwo pena ifinja fote(40) ngakwela sona ku Yelusalemu nu Bananasi, pakumwegha u Tito pamupe ne nune. ² Ingakwela chifukwa cha busetuli sona nukupeleka ishu ku kwabo lyo ngulumbilila kubapasi. Nguyugha kubushifu kuboshi bobakuboneka ukuti bapamwanya. ³ Po nu Tito wepe hagha, yo akaba nune sona akaba mu Giliki, akapatikishiwa ukuti atumuliwe. ⁴ Abowamwabo abamiashi bakisa kubushifu ukuyi batwaghanie ubwabuke bwotuli nabo Mwakilisitu Yesu.Bakaba ninyota yakuti batupange ukuti tube batumwa, ⁵ lole tukabakanile pakabalilo akanandi, ukuti ubwanaloli bwalishu bushale nabo. ⁶ Lole bobakaboneka ukuti bakulondiwa (muchoshi cho bakaba chitakanagha nachimo, u Chala atakusala)----- boshi, inguti, bobakaboneka ukuti bapamwanya batakongelesha nachimo kukwangu. ⁷ Umwakulekana, bakatesha ukuti mbengiwe nishu kuboshi bala bobatumuliwe, isa mumwo u Peteli wepe akabengiwa nishu kuboshi baba bo batumuliwe. ⁸ Pakuti u Chala, yuyo akubomba mwa Peteli mubutumwa bwake kubandu bobatumiliwe, weyo akabombagha namumwangu kuba pasi. ⁹ Bwo u Yakobo, Kefasi, nu Yohani bobakuboneka ngati mbanda, bakashaghania ichisa chongapiwa, wakamba umundu wakwenelela ukunyafwilisha kwa Banabasi nune. Bakapulikana ukuti baye kuba pase nukuya sona kuba kutumjuliwa. ¹⁰ Bakatusuma ukutio tukumbukilaghe abapina, ichindu chicho nune ngaba nacho ninyota ukuchibomba. ¹¹ Bwo u Kefasi isa ku Anthiyoki, ngamususha pamaso ghake chifukwa akimilila ukulongiwa. ¹² Bwo abandu bamo batisile ukufuma kwa Yakobo, u Kefasi akalya naba kuse. Lole mwo abandu aba bisa, bakabalesha nukwifumilapo paba kuse. Akoghopagha kuboshi bala bobakalonda ukuti abandu batumulishe. ¹³ Nabangi abayuda bakisa bingila pamupene mu bumyashi ubiu. Nu Banabasi wepe akisa ashimbuliwa nubumyashi bwawo. ¹⁴ Bwo naketa akayilo kabo batakakongagha ubwanaloli bwa lishu, ngamubula u Kefasi pabwelu pabandu boshi, ''uwe pala we muyuda sona ukwika ngati wa pasi lole sona hagha ngati muyuda, ungabapatikisha wuleghe ukuti abapase bikalaghe ngati bayuda?'' ¹⁵ Utwe twebene twebayuda ukufuma kambapo sona tate bapase abatulanongwa; ¹⁶ pobule tukumanya ukuti umundu atakwelupishiwa chifukwa mbombo shandaghilo lole ukwendela mulwiko mwa Kilisitu Yesu ukuti twelupishiwe ukwendela mulwitiko mwa Kilisitu sona ta chifukwa cha mbombo shandaghilo. Pakuti ukwendela mumbombo sha ndaghilo nayumo yo akwisa pakwelupishiwa. ¹⁷ Lole pala, bwotukulonda ukwelupishiwa mwa Kilisitu, nutweshe tukaghiwa batulanongwa, ngimba u Kilisitu mubombi wa mbibi? Ngukana lwoshi! ¹⁸ Pala kusenga sona ifindu fyoshi fyongakomania ngushimikisha panimweneukuti ne mutulanongwa. ¹⁹ Pakwendela mundaghilo ngafwa kundaghilo, ukuti une nikale chifukwa cha Chala. ²⁰ Ingomelewe nu Kilisitu. Tanene ngwikala kubwumi lole u Kisitu yuyo akwikala kumwanya. Ubwumi bwongikala mumubili ngwikalila mulyitiko mumwana wa Chala, yuyo akangana une pakwipa yuyo mubuyo bwangu. ²¹ Ndakuchipangula ichisa cha Chala, pala linga ubugholofu bungaghiwa ukwendela mundaghilo, po u Kilisiti atafwile pabubu!