¹ Mae Lauru a vahiliti eme tomi le Kraist, tio mata la paga ale oata, e Kraist pou tela lima e gata te la Uru. ² Gabu tala la paga ale oata mae umala gabutatala la paga la magasa. ³ Eme pehoti e La Uru taukokovu la mahulimu oilo te Kraist. ⁴ Mae Kraist mou oilo taime, la mahulila taime ge guvi matagaga, te la maga ale uru a vagari. ⁵ Amuto ge bili pehoa, la vulovulo la magasa, mae la varagila, vulovulo ale mumugu, la vagarila te la tia ge hiliti te la kamakokorala mae la paramulahala, ale la vulovulo la puhi golo. ⁶ Te la vulovulo ale mae la hate mamasila te La Uru sivo lo ata te gite eia tilimuli la merera te tala. ⁷ A muto tai tuga oilo la vulovulo ale pala. ⁸ Ala moli igoe amuto ge tau taro la vulovulo ale mae, tia tukumu, hate mamasila, tia hiliti ale kamakokorala, la vulo la tia barala, la gililo te la hare mutou. ⁹ Umala ge vasigologo e gite isasa, te lava amuto abi taro tia la vulovulo ale pala amuto lo igoa. ¹⁰ Igoe amuto kai la vulovulo ale halaba te tala eia igo e tato guvi halaba te la gabutatala te tala halulu le eia lou. ¹¹ Te la vuhula alemae, uka te Grik e Juda, la tahalo la vali la vovo o a ka la tahalo la vali la vovo Babaria, Sintia o tahalo igo bubu o talo la maramara la moli Kraist eia la gama la paga tomi eia oilo la paga tomi. ¹² Tio la Uru toi amuto ge maroka la masaga egite sapolo ge tia kidi te isasa,igo tataho egite,tau amuto so tetala lou ge vikara bisi lo tei sasa pou makovu. ¹³ Vai gogolu sapolo egite sapolo, poke taro la iruru tegite isasa tio igo la vulola ale tartigi soio te gite. Mai isasa tia tukumu loio te isasa, tio lube la iruru te tala mae e Kraist lube amuto tai loio la kilisi. ¹⁴ Loata tomi la vulovulo ale, amuto ge tahokea la vulovulo la masasagala, a muto ge tahoka la vulovulo lamasagala, eia vai vagari la papaga tomi. ¹⁵ Maramara te Kraist age volu la tia muto. Te la tia ale maramarala amuto viguvia la tia isa moli. A muto ge toi tartigi. ¹⁶ Korale la merera te Lauru ge volu sesele oio tamuto. Oio vola la paga tomi ale tarigi la gabutatala me la maga amuto veimari egite sapolo e buksong me la lotu la bilau tela sagegela ge toi tigi la soio tetala. ¹⁷ Te lava mae la paga amutou igoa, la merera me la vulovulo,igo la vulovulo loio te laisala Uru Isus ge toi taritigi soi te tama gato Uru. ¹⁸ Amuto hatavivile,amuto ge lotalo te harua mutou age taritigi te la mata le la Uru.) ¹⁹ Amuto la valalua, amuto ge masaga sesele e rutu mutou umala vikara vagari soio te gite. ²⁰ Amuto latatu, amuto ge lolo la merera te tama me tila mutou te la paga tomi, lavula la Uru ge sagege te la vulovulo ale maele. ²¹ Amuto e tama, amuto umala igo e gite latatu ge tia tukumu, igo kidi e gite ge gabu barea mae egiteu ka kora muli ge igo isa la paga. ²² Amuto la tahalo la kiloli, amuto ge lolo la merera te gite la mulugaluga ta muto me amuto ge igo la paga tomi, ka te la sagege le ia mae a hilo amuto, la moli igogolu te la tia le tartigi eme ge taola tilaga loio te la Uru. ²³ Mae lava la paga amuto igoa, igoa te la tia mutou soio tela Uru ka te la tahalo. ²⁴ Amutou ge rovia mae amutou ge abia la mapa loio te la Uru mae eia veia la vikara la veiseselela. Amuto ge igoa la igogolu te la Uru Isus mae amutou ge tilimuli eia. ²⁵ Eme la tahalo eme igo la vulovulo ale kama kokora eme ge abi la mapala le, mai lava la vulovulo la eia igoa me age la gilogo la ge ouka.