¹ Eiau masaga amuto ge matagaga la tikukumula ale uru eiau igoa ge koli amuto, la valua me hatavivile le Laodisia me egite la valua me hatavivile ale kama hilo lalagumu. ² Eiau ge igogolu oilo la tia gite ge abi la vagarila ge gomai ge magiri vagari ge vikapopo la vulovulo la magasa egite isasa kama koramuli ge rovi la paga ale tabuli kokovu oilo te La Uru, ale e Kraist. ³ Oilo te tala moli la paga ale tartigi lagabutala ale tabuli kokovu sesele. ⁴ Eiau veiamuto la vitara ale isa kama ge vasigolo amuto te la pigi malikiliki tegiteu. ⁵ Ouka Eiau kama pou vikapopo tomi le amuto oio la vovo, ala moli Eiau vikapopo tomi le amuto oilo la kalulu, ala moli eiau sagege sesele ge hilo amuto ge poutigi la tautailailo la vagarila oilo te Kraist. ⁶ La imamala eme abi e Kraist la uru taime, tuga oilo tetala. ⁷ Amuto galu amuto lou vagari oilo te tala amuto ge guvi uru oilo te tala ge magiri vagari oilo tetala ge magiri vagari oilo te la tautailailo, mae moli eiau vahilo amuto, me amuto ge marula ge toi sagege. ⁸ Matara igo kidi, souka la tahalo isa ge sautola amuto vikapopo la vasigolola maga me la gabutatala me la vikarala bubu la vikapopo la vulovulo la tahalo, lavulovulo ale ka tartigi te la magasa kama oilo te Kraist. ⁹ Lavula la vulovulo tela Uru oilo la vovola lou. ¹⁰ A muto maru sesele oilo tet ala, ere la gama la vagarila me lavagarigari. ¹¹ Oilo tetala amuto abiti la vulovulo la barautu la vovo, a kama la vulovulo la tahalo ale barautu la vovo vikapopo la lima gite lou, Kraist lou abi taro la pekato ta muto ale kalivuti. Ale mai la vulovulo gite ale barautu la vovo. ¹² Egite galu amuto vikapopo leia laimala amuto vuhi, hiliti vikapopo le Kraist oilo la tautailailo vikapopo la vagarigarila te la Uru eia vahiliti rivua lotalo la liba. ¹³ Laimala amuto me la tahalo ale peho la pekato tamuto kama mae egite ale barautu la kulikuli gala me la vovo gala, eia ge igo amuto ge abi la mahulila vikapopo leia heletaro la vulovulo la kama kokorala tegato. ¹⁴ Eia abi taro la makodo ale egite kekesia omai la galalau vikapopo la totorobola te tala. Eia abi taro tomi la kamakokora tegato tomi egite sakia oata la tovolautu. ¹⁵ Eia abitaro la vagarigari la me laisaisa eia ge viguvia egite ge guvi la vora ge tau e gite oio la matagaga ge vikaluvua oata la tovolautu. ¹⁶ Ale mai amuto umala lolo isasa ale pigivulo amuto ge veia, amuto kama rovi la tilimuli la totorobola te la ilali me la iliu me la totorobo la te la pileho la sagege te la taio ale halaba te la logo la mailala. ¹⁷ Lapapaga ale mai la halulu la bubu moli ge goma mulimuli, ala moli la paga sesele igoe e Kraist. ¹⁸ Amuto umala piligi bubu isa la tahalo ale tau eia sotalo ge lotu tavu e angelo ge pigivuloa egite ge kumuli amuto la mapala amuto ge abia. La tahalo ale maie a rovi la goilo la papaga eia hiloa a sogo vikapopo la gabutatala te la vovo. ¹⁹ Eia kama rovi la vikapopo la te la gama me akama rovia ge abi lailali te laba tomi te la vovo me age abiagite la ilotola me la otaota ge abia la ilali ge sautola tomi, eia kusi vagari te la uru. ²⁰ Mae amuto peho vikapopo le Kraist me heletaro tomi la papaga te la magasa. Amae ilava amuto tautailailo me amuto pou lo talo te giteu lou. ²¹ A mae eme umala sutolea, eme umala tovoa eme umala pilaua. ²² Ale la totorobo te la tahalo viguvia la veimari e tato ge tilimulia me age kalivu. ²³ Ale la totorobola tahoka la totorobo te la lotu, la tahalo moli viguvia la vasigolo amuto, a rovi la kama kokora la vovo moli alamoli akakoramuli ge kolia amuto ge abi taro la vulovulo ale kama tartigi oio la tia gala.