¹ Tahalo uru, abia gite la bilalaha la rova a tartigi me matata, eme rovia mae eme tamai tahoka e Uru taime tai oilo la lage ² Pou tavu moli sesele la kilaka.Amuto mata kaseka oilo te la sagegela. ³ Kaka vikapopo tomi le tato, te Deo ge kope la mata te la merera, ge vei palala la merera te Kraist ale tabuli kokovu. Te ale moli ele, egite kisi eiau. ⁴ Amuto kakaka mae e iau ge igo matagagea, mae eiau ge vikara. ⁵ Amuto tuga oilo la maga kabili tegiteu ale ogala. ⁶ La merera tamuto bibibi ge tuga vikapopo tomi la gilogo. Egite ge malama, lavuta eme ge rovia mave eme ge kolia gite tomi isasasa. ⁷ Mai la papaga ale taho somai taku, E Takikus ge vei palaea mu. Eiau masaga seselea, la tahalo la roromulila, me la bilalaha te la Tahalo Uru. ⁸ Eiau bahea soio tamuto te alele, mae amuto ge rovi la rova omai guguvi tamite, me lavuta eia ge igo vagari la tia muto. ⁹ Eia bahea vikapopo tomi le Onesimas, la tahalo la roromulila, ere eia isa tamuto. Egite ge vei pala tomi la rova guvi omai. ¹⁰ Aristakus, amila pou tomi te la luma la kilisi, eia laharo amuto, egira me Mak, e tamisale Banabas mae amuto abiti la merera mae; mae eia ge gomai amuto pulia soio tamuto, ¹¹ me e isus tai la isala isa e Justus. Egiteu e Iuda moli ale suli eiau la valolo la merera la pulolou la matagagala te La Tahalo Uru. Egite moli vaisuli eiau. ¹² Epapras laharo amuto. Eia isa tamuto me la bilalaha te Krais Isus. Me eia bibibi kakaka tamuto, mai amuto ge magiri sesele viruru oilo la masagala te Deo. ¹³ Mai eiau magiri tomi le eia, me eia igogolu vagari soio tamuto, tegite ale oio e Laodisia, me tegite tai ale oio e Hierapolis. ¹⁴ E moura e Luk e dokta me e Demas laharo amuto. ¹⁵ Amuto laharo agiteu e tabarabaragu ale oio la mautu e Laodisia, me Nimpa, me egite ale oio la luma te tala. ¹⁶ Mai amuto ge gigi kaluvu la merera ale kabili tamuto, amuto ge gigi taia oio la luma la lotu oio e Laodisia, me amuto ge gigi tai la merera ale loio e Laodisia. ¹⁷ Amuto vei tai ale Asipus, ''age mamata soio la igogolu ale eme abia oilo te La Uru, mae eme ge vikaluvu la igoglu alele.'' ¹⁸ La merera ale eiau lo kekesia te la limagu-e Pol. Gabutala mulimuli la kilisi ale omai taku. Me la gilogo te La Tahalo Uru vikapopo tomi le amuto.