¹ Ranga bakovi iea o Juda ri puru valai iea o Antiok ri tovo maka turagu,lakea ri ta,"Pali re mua kama mu pala kuli ni ramai a lo e Moses,Deo kama ge bole mule mua." ² Ra hini nga i rata e Pol turane Banabas ru vakabele ni ta pula ni ta vagege turana re hurika bakovi nga.Lakea ni pasi e Pol turane Banabas ranga tara na palane ria rigi lakea o Jerusalem rigi vapopo turana maka aposel turana maka mugamuga ne ria rigi vata vona ni nana iea, ³ Lakea i rudu ria sios rigi lakea o Fonisia turane Samaria rigi vakalongo maea,maka tara ranga ria ranga ri valai ne Deo.Ra ni vaka longo iea i habia ni vivi dagi ne hurika ranga. ⁴ Tahuna ri bele o Jerusalem, tara na sios maka aposel turana maka mugamuga ri bole ria turana ni vivi,e Pol turane Banabas ru nuverei vona maka maki dagi e Deo i rata ne ria. ⁵ Pali ranga bakovi ni luhoitora,na maka Farisi,ri pesi ri ta maea,"Taki ria rigi pala kuline ria rigi ramai a lo e Moses." ⁶ Lakea maka aposel turana mugamuga ri vapopo palupu ni vata na maka maki nga. ⁷ Muri ne hurika ni ta vagege ,Pita i pesi rike i taki ria maea,"Hurika turagu,mua mu luhoi maea na parava tara hosi,e Deo i ratea tara dala na krukrune mua maea na nita iau a taki talea e huriki ranga na tara tara bari longoa ri nita ea bari luhoi toea. ⁸ Deo,erei ia i palala vona tabudi,i taki ria maea ia bari habia ne ria Hunu Kiripiripi,manga hiningi i rata ne teu. ⁹ Pali ia koma i ratea naro ni luhoi kado na krukrune teu turane tou,ia i tara tamudine ria i malimali na naro ni luhoi tora. ¹⁰ Pali mavonga i navai mu tonia e Deo,mua mugu bole a maka ni mava mugu ru rike na lohone hurika murimuri a maka ni mava i rata e tamane hita pali hita koma si kara ni kaloho? ¹¹ Pali teu te luhoi tora maea teu bari te mahuri na ni dodo ne Viri Dagi e Kristo, manga tou." ¹² Huriki lobo ri mangulu ri longoa e Banabas e Pol ru vaka longoa maka kilakila a mirakel i rata ne rua e Deo ne huriki a tara tara. ¹⁴ Saimon i ta maea na ra dala ni muga na parava Deo i vakasiri hurika tara vona pali i kori e huriki a tara ranga rigi bole ranga e huriki rigi valai na rana. ¹⁵ Virika ngavana propet i bele manga hiningi ni here, ¹⁶ 'Muri vona re hurika maki nga Iau bra hamule valai,pali Iau bara hae tabua roho e Devit,i mapuka puru;Iau bara kalipopo tabu a maka maki hale pali bara rumule tabu, ¹⁷ pali popote kunana e huriki a bakovi bari matakanea e Viri Dagi,turana e huriki a tara tara iau a gale ria na ragu.' ¹⁸ Ea ara maki i takia e Viri Dagi,erei i rata ra hurika maki nga ni palala vona hosi. ¹⁹ Mavonga, iau a luhoi maea na hani haba ni mava ne huriki a tara tara erei ri hamule ne Deo. ²⁰ Pali teu tege here lakea ne tou tege taki tou maea na hani tabu koi ne hurika naro hale maea lotu ne deo tatami,naro na mulenga,pali e viriki bobona kania i toni ni mate,pali ni kana dara. ²¹ Na ra e Moses i taki tala ne hurika tanga dagi hosi pali gia pololilo na roho ni vasileki ne hurika Sabat bolo." ²² I kamumu ne hurika aposel turana mugamuga,turane huriki lobo pololilo na roho ni vasileki, ri pasia e Jodas ri galea e Banabas,pali e Sailas,erei rua mugamuga ne hurika roho ni vasileki,ru vano turane Pol e Banabas o Antiok. ²³ Tou to here rau kea maea:"Rau kea i valai ne huriki a aposel turane huriki a mugamuga,a turane matou,pali lakea ne huriki a tara tara turane mua ri made o Antiok,o Siria,pali o Silisia:ria ri tamaea parava kamumu ne matou! ²⁴ Nara mateu mete longo maea i tahoka ranga bakovi i valai ne mateu,pali koma to bola ni ta kamumu ne mateu,pali to valai to habi a maka ni vara i haba ni mava ne matou, ²⁵ Mavonga mateu mete vata na ngava mete pasi a bakovi ni rudu valai ne matou turana e turane mateu nga i ala rua e Banabas e Pol, ²⁶ bakovi erei koma ru luhoi lege ne ru na rane Viri Dagi e Isu Kristo. ²⁷ Mavonga mateu mete rudu e Judas e Sailas,erei bari ru taki matou ranga maki na ngavane rua. ²⁸ I kamumu ne Hunu Kiripiripi pali ne mateu,migi nahani haba ni mava ne matou pali mia migi nahani haba ni mava ge mava hateka ne mua: ²⁹ Mavonga matou moto haba bito vona a maka ni habi ria ri habi ne hurika deo tatami,naro ni kana dara,pali a virika kania i toni lae ni mate pali a naro na molenga.Na tahuna matou moto made basi vona re hurika naro nga,mua bari mu made kamumu Haro ne matou." ³⁰ Pali ria,na tahuna ria ri lobo,ria ri puru valai o Antiok;ria ri kalipopo e huriki a bakovi a ngatavine, pali ru habi ne ria a rau kea ne ria. ³¹ Na tahuna ria ri gia,ria ri vivi na ra ne vona ra hurika ngava i bole kori ria. ³² Judas e Sailas,rua ranga rua propet,ru bole kori e huriki a turagu ne huriki ngava ni vaka tora ria. ³³ Muri ne tou to made vonga na ranga parava,hurika turagu ri rudu mule tou turana ni tamudi puru ne huriki ri Rudu valai tou. ³⁴ . ³⁵ Pali e Pol e Banabas ru made o Antiok,ru vara ru taki tale (ne huriki a bakovi a ngatavine)a ngavane Viri Dagi. ³⁶ Muri na parava ranga e Pol i takia e Banabas maea,"Tarua bari tu hamule ngane tugu gosi e huriki a turane tarua ne hurika tanga dagi tarua tu taki tale ngavane Viri dagi vona,pali tugu matai tou to made navai." ³⁷ Banabas i ngarua e Jon a rana tara e Mak ge vano turane rua. ³⁸ Pali e Pol i luhoi maea koma i kamumu ni bolea e Mak ge vano turane tou,nara ia i hataro rua o Pamfilia pali koma i turane rua vona leho rua ru ratea. ³⁹ Muri koma rutamudi kamumu ne rua,pali ru vapida,pali e Banabas i bolea e Mak ru like na aga ru lakea o Siaprus. ⁴⁰ Pali e Pol i pasia e Sailas i vano ia,muri ne huriki a turagu ri rua na leho ni dodo ne Viri Dagi. ⁴¹ Pali muri i lakea o Siria o Silisia,i vaka tora e huriki ri made naroho ni vasileki.